Tutlayt taqbaylit

Si Wikipedia, tasanayt tilellit.
Sauter à la navigation Sauter à la recherche
Taqbaylit
Audio Taqbaylit
Aẓaran deg Tamurt n Iqbayliyen, Lezzayer
Tamnaḍt Tamurt n leqbayel
Azdar Leqbayel
At tutlayt tayemmat
5.6 n yimelyan (2012)[1]
Agemmay Alatin [2]
Ingalen n tutlayt
ISO 639-2 kab
ISO 639-3 kab
Glottolog kaby1243[3]
Kabyle language percent speakers.png
Afmiḍi n yimsiwlen n Teqbaylit

Taqbaylit d tutlayt Tamaziɣt iy ttmeslayen Yiqbayliyen, di tmurt n iqbayliyen, Zzayer d luṛup.

Taqbaylit tettikki deg twacult en Tmaziɣt. Ma ɣas tutlayt Tamaziɣt zik tettwaru es yisekkilen en Ilibu-Maziɣen (Tifinaɣ aqbur) akken tettwaru Tutlayt tamaceɣt ar assa, Tamaziɣt en tmurt en Leqbayel neɣ Taqbaylit tettwaru assa es yisekkilen ilatinen.

Adlis amenzu i d-yeffɣen s Teqbaylit d win yura Adolphe Hanoteau ɣef tuɣac n Ǧerǧer deg useggas n 1867, deffir-is d Auguste Mouliéras yuran sin n yidlisen ɣef tmucuha n Tmurt n Yiqbayeliyen gar n yiseggasen n 1891, 1893 d 1895, akked Bulifa i yuran adlis ɣef yisefra n Si Muḥend u Mḥend deg useggas n 1904.

Imaren, uran Yifṛansisen kra n yidlisen ɣef tmucuha d yisefra n Yiqbayliyen. Ungal amenzu yettwarun s Teqbaylit d win yura Belɛid At Ɛli deg yiseggasen 1940.

Adlis i as-yefkan ilugan iṛessan n tjerrumt i Teqbaylit d win yura Dda Mulud n At Mɛemmeṛ. Kamal U Zerrad netta yerna-d ɣef umahil n Dda Lmulud i wakken ad d-iṛessi ugar ilugan n tjerrumt n tutlayt-a.

Iseggasen-a ineggura ffɣen-d azal n 400 en yidlisen s Teqbaylit, gar ammuden n yisefra, tullisin akked ungalen.

Taqbaylit ass mi i d-kecmen Yifṛansisen ar tmura Timaziɣin n Tefriqt en Ugafa tella tettwameslay deg yiwet n temnaḍt meqqṛen azal n snat n tikkwal tamnaḍt n Yizwawen (Leqbayel) n wass-a.

Seg tudrin i d-yezzin i Mila, teṛṛeḍ ar tid n yidurar n Lḥuḍna, idurar n Ṣṭif, idurar n Jijel, Msila d wezray ar tmurt n Leqbayel n wass-a, At Wartilan, At Yeɛla, akked iderma n temnaḍt n Bgayet, n Tubiret akked wid n Tizi Wezzu d Bumerdas.

Asideg n Teqbaylit Tcawit deg ugafa-agmoḍan n Zzayer

Imir Ifṛansisen ttekkan ɣef lquyyad akked Bacaɣat akken ad qehren ugdud. Kksen-d wakal i wid yellan zedɣen anda yella wakal yelhan i tyerza, kra snegren-t, kra snejlan-t.

Fkan wakal-nni i Lquyyad. Lquyyad-agi akked Bacaɣat d wid yeɣran taɛṛabt, ifṛansiwen llan lemden taɛrabt akken ad ttemyarun d lquyyad-a, imezdaɣ yeqqimen d aklan deg tmurt-nsen yeqqim-asen-d kan ad ḍefren almi i d-ufan iman-nsen ttun tutlayt-nsen, akken i asen-yeṛuḥ wakal-nsen, ǧǧan iman-nsen tuɣ fell-asen taɛṛabt am akken werǧin mmeslayen-d taqbaylit. Ihi akka i teqqurmeḍ tjumma anda tettwameslay teqbaylit ass-a.

I izemren ad t-iḥudden ɣef wengar d tira akked tayri d wazal ad d-as-fken warraw-is. Ma tenger teqbaylit ad d-negren iqbayliyen, ad d-qqimen imdanen war idles, ad asen-teḍru am tebrikt yettun tikli n tyaziḍt, tin n tsekkurt ur as-tewwiḍ ara. Ttbut ɣef aya, ad d-iɣer kan yiwen amek d-gran wid akken yettun tutlayt-nsen uɣen tutlayt-nniḍen anda yewweḍ wazal-nsen. Win i d-yusan ad ten-yenher am ulli.

Agemmay n tmaziɣt (alatini)[ẓreg | ẓreg aɣbalu]

Ẓer Agemmay alatini en teqbaylit

NB: Zik nesseqdac "ț", "ʐ", maca mači tura (Kamal naït zerrad, tajerrumt tatrart en teqbaylit).

A Ɛ B C Č D E F G Ǧ H
I J K L M N Q Ɣ R S T
U W X Y Z            


a ɛ b c č d e f g ǧ h
i j k l m n q ɣ r s t
u w x y z          


Agemmay n Tmaziɣt (Tifinaɣ)[ẓreg | ẓreg aɣbalu]

Iqbayliyen ger imenza deg iɣerfan n [[Tamazɣa|Tefriqt n ugafa] i yuran s tifinaɣ seld/uqbel n imucaɣ yugẓen (i ḥerzen) iskkiilen-a teɣzi n igima iseggasen.

Isekkilen en tifinaɣ d agemmay n Tmaziɣt deg-s 38 iskilen , ugar en 47 n tadatin.

Anamek-is deg teẓri n kra imusnawen ur d-yeki seg uẓar Afenniq, ur yelli d anamek n usunaɣ aken qqaṛen kra(Fnaɣ=dessiner), Maca yal Amaziɣ yugẓen annuz-is d cfawat-is yeẓra anamek n tifinaɣ yekka-d s (tifin «découverte» nneɣ «Notre») ayen ad yefken Tifinaɣ (notre découverte). Maca tawalt n "tafineq" (tafineɣt) tella di Tmaceɣt am "le singulier" en "tifinaɣ".

Agemmay n Tifinaɣ am iskkilen n tutlayin-nniḍen deg umezruy seg 22 isekkilen ar ilibiyen imziken ar ugemmay n unagraw amaziɣ aseggass 1960.

Deg useggass n 2011 Asinag Ageldan en Tussna Tamazight isegrew isekkilen iqburen deg yiwen n wumuɣ n 31 isekkilen.

Tadukli Inaramen d Temnirin tsegrew isekkilen en Da Lmulud At Mamar s tifinaɣ tga umuɣ en 38 isekkilen(Ẓer umuɣ s pdf).

Tamselyut[ẓreg | ẓreg aɣbalu]

Adelsumuɣ[ẓreg | ẓreg aɣbalu]

  • Si Amar ou Saïd Boulifa, Recueil de poésies kabyles. Texte zouaoua traduit, annoté et précédé d'une étude sur la femme kabyle et d'une notice sur le chant kabyle (airs de musique), Alger, 1904, 555 is. (taẓrigt tis 2 Alger-Paris, 1990, ISBN 2-906659-00-04)
  • Adolphe Hanoteau, Poésies Populaires de la Kabylie du Jurjura, Paris, Imp. impériale, 1867 (aḍris es pdf)
  • Auguste Mouliéras, Les Fourberies de Si Djeh'a, Wehran, Perrier, 1891
  • Auguste Mouliéras, Légendes et contes merveilleux de la Grande Kabylie, Paris 1893-1895 (aḍris es pdf)

Tiwelhiwin[ẓreg | ẓreg aɣbalu]

  1. Taqbaylit at Ethnologue (21st ed., 2018)
  2. "Nouria Benghabrit : l'enseignement de Tamazight sera élargi à 10 autres wilayas et bénéficiera de 300 nouveaux postes budgétaires". Rafio Algérienne. la graphie Tifinagh pour le Targui, Latine pour la Kabylie et Arabe pour le M’Zab et les Aurès
  3. Hammarström, Harald; Forkel, Robert; Haspelmath, Martin, eds. (2017). "Kabyle". Glottolog 3.0. Jena, Germany: Max Planck Institute for the Science of Human History.
Tamaziɣt
Muritanya : Zenaga - Merruk : Tarifit | Tamaziɣt | Tacelḥit | Senhaja n Srair | Figuig | Taɣumarit - Lezzayer : Taqbaylit | Tacawit | Tumẓabt | Teggargrent | Tacenwit | Qsur n Wehran | Gurara - Tunes : Tasendit | Tajerbit | Tamaẓret | Dwiret - Libya : Tanfusit | Zwara | Ghadames | Ghat | Tasoknit | El-Fogaha | Augila - Lmaṣer : Tasiwit - Ṣṣeḥra : Tamahaq | Tetserret - Tigzirin Tiknariyin : † Tagančit