Tutlayt taqbaylit

Taqbaylit
Taqbaylit
Aẓaran deg	Tamurt n Iqbayliyen, Lezzayer
Tamnaḍt	Tamurt n leqbayel
Azdar	Leqbayel
At tutlayt tayemmat	5.6 n yimelyan (2012)
Tawacult n tutlayin	Tafrusyawit Tamaziɣt Tamaziɣt n ugafa Taqbaylit
agaraw n tira	Agemmay Alatin
Ingalen n tutlayt
ISO 639-2	kab
ISO 639-3	kab
Glottolog	kaby1243
Afmiḍi n yimsiwlen n Teqbaylit

Taqbaylit (s tifinaɣ: ⵜⴰⵇⵠⴰⵢⵍⵉⵜ) d tutlayt i ttmeslayen Iqbayliyen deg Tmurt n Iqbayliyen d Lezzayer d tamɣiwent Taqbaylit yettidiren deg Uruppa (Fransa, Spanya, Lalman...) yakk d Temrikt (Kanada, iwunak idduklen N Marikan ...). Taqbaylit tettikki deg twacult n tutlayin Timaziɣin. Ma ɣas tutlayt tamaziɣt zik tettwaru s isekkilen n Tifinaɣ akken tettwaru tmaceɣt ar ass-a, Tamaziɣt n tmurt n Leqbayel neɣ Taqbaylit tettwaru s isekkilen ilatiniyen.

Adlis amenzu id yeffɣen s Teqbaylit d win yura Adolphe Hanoteau ɣef tuɣac n Ǧerğer deg useggas n 1867, deffir-s d Auguste Mouliéras yuran sin n yidlisen ɣef tmucuha n Tmurt n Iqbayeliyen gar N iseggasen n 1891, 1893 d 1895), akk d Bulifa i yuran adlis ɣef yisefra n Si Muḥend deg useggas n 1904. Imaren, uran Ifransiwen kra n yidlisen ɣef tmucuha d yisefra n Yiqbayliyen. Ungal amenzu ittwarun s Teqbaylit d win yura Belɛid At Ɛli deg yiseggasen 1940. Adlis i s-yefkan ilugan iressan n tjerrumt i Teqbaylit d win yura Dda Mulud n At Mɛemmeṛ. Kamal U Zerrad netta yerna-d ɣef umahil n Dda Lmulud i wakken ad d-iressi ugar ilugan n tjerrumt n tutlayt-ayi. Iseggasen-a ineggura ffɣen-d azal n 400 idlisen s Tmaziɣt, gar ammuden n isefra, tullisin akk d ungalen.

Taqbaylit ass mi id kecmen ifransiwen ar tmura n Tefriqt n Ugafa tella tettwameslay deg yiwet n temnaṭ meqqren azal n snat n tikkwal tamnaḍt n leqbayel n wass-a. Seg tudrin i d-yezzin i Mila, terreḍ ar tid n yidurar n Lḥuḍna, idurar n Ṣṭif, idurar n Jijel, Msila d uzray ar tmurt n leqbayel n wass-a, At Wartilan, At Yeɛla, akked iderma n temnaṭ n Bgayet, n Tubiret akk d wid n Tizi Wezzu d Bumerdas.

Asideg n Teqbaylit Tcawit deg ugafa-agmuḍan n Ledzayer

Imir ifransiwen tekkan ɣef lquyyad akk d Bacaɣat akken ad qehren agdud. Kksen akal i wid yellan zedɣen anda yella wakal yelhan i tyerza, kra snegren-t, kra snejlan-t. Fkan akal-nni i Lquyyad. Lquyyad-agi akk d Bacaɣat d wid yeɣran taɛrabt, ifransiwen llan lemmden taɛrabt akken ad ttemyarun d lquyyad-a, imezdaɣ yeqqimen d aklan deg tmurt nsen yeqqim-asen-d kan ad d-ḍefren almi i d-ufan iman nsen ttun tutlayt nsen, akken i sen-iruh wakal nsen, ǧǧan iman nsen tuɣ fell-asen taɛrabt am akken werǧin mmeslayen taqbaylit. Ihi akka i teqqurmeḍ tjumma anda tettwameslay teqbaylit ass-a.

I izemren a tt-iḥadden ɣef wengar d tira akk d tayri d wazal ad d-as-fken warraw-is. Ma tenger teqbaylit ad d-negren iqbayliyen, ad d-qqimen imdanen war idles, ad sen-teḍru am tebrikt yettun tikli n tyaziṭ, tin n tsekkurt ur as-tewwiḍ ara. Ttbut ɣef ay-a, ad d-iɣer kan yiwen amek d-gran wid akken yettun tutlayt nsen uɣen tutlayt niḍen anda yewweḍ wazal nsen. Win i d-yusan ad ten-yenher am ulli.

Agemmay n tmaziɣt (alatini)

Ẓer Agemmay alatini n teqbaylit

NB: Zik nesseqdac "ț", "ʐ", maca mači tura (Kamal naït zerrad, tajerrumt tatrart n teqbaylit).

A

Ɛ

B

C

Č

D

Ḍ

E

F

G

Ǧ

H

Ḥ

I

J

K

L

M

N

Q

Ɣ

R

Ṛ

S

Ṣ

T

Ṭ

U

W

X

Y

Z

Ẓ

a

ɛ

b

c

č

d

ḍ

e

f

g

ǧ

h

ḥ

i

j

k

l

m

n

q

ɣ

r

ṛ

s

ṣ

t

ṭ

u

w

x

y

z

ẓ

Agemmay n Tmaziɣt (Tifinaɣ)

Iqbayliyen ger imenza deg iɣerfan n Tmazɣa i yuran s tifinaɣ seld n imucaɣ yugẓen (i ḥerzen) iskkiilen-a teɣzi n igima isgassen.

Iskkilen n tifinaɣ d Agemmay n Tmaziɣt deg-s 38 iskilen , ugar n 47 n tadatin.

Anamek-is deg teẓri n kra imusnawen ur d-yeki seg uẓar Afenniq, ur yeli d anamek n usunaɣ aken qaren kra(Fnagh=dessiner), Maca yal Amaziɣ yugẓen annuz-is d cfawat-is iẓra anamek n tifinaɣ yeka-d s (tifin «découverte» nneɣ «Notre») ayen ad yefken Tifinaɣ (notre découverte)

Agmmay n Tifinaɣ am iskkilen n tutlayin n iden infali deg umezruy seg 22 iskilen ar ilibiyen imziken ar ugmay n unagraw amaziɣ asgass 1960.

Deg usgass n 2011 Asinag Ageldan n Tussna Tamazight isegrew iskkilen iqburen deg yiwen n wumuɣ n 31 iskilen.

Tadukli Inaramen d Temnirin tsegrew iskkilen n Da Lmulud At Mamar s tifinaɣ tga umuɣ n 38 iskilen(Ẓar umuɣ s pdf).

Tamselyut

• http://www.imyura.net

Adelsumuɣ

• Si Amar ou Saïd Boulifa, Recueil de poésies kabyles. Texte zouaoua traduit, annoté et précédé d'une étude sur la femme kabyle et d'une notice sur le chant kabyle (airs de musique), Alger, 1904, 555 is. (taẓrigt tis 2 Alger-Paris, 1990, ISBN 2-906659-00-04)
• Adolphe Hanoteau, Poésies Populaires de la Kabylie du Jurjura, Paris, Imp. impériale, 1867 (aḍris s pdf)
• Auguste Mouliéras, Les Fourberies de Si Djeh'a, Wehran, Perrier, 1891
• Auguste Mouliéras, Légendes et contes merveilleux de la Grande Kabylie, Paris 1893-1895 (aḍris s pdf)