Imaziɣen

Si Wikipedia, tasanayt tilellit.
Neggez ar: ẓer isebtar, anadi
Imaziɣen n zik d wass-a (sγuṛ MASNSEN γer Zinedine Zidane)

Imaziɣen d imezdaɣ ineṣliyen deg tefriqt ugafa, d nutni i d amur ameqqran deg yimezdaɣ n Tmazɣa, tutlayt-nsen d tamaziɣt, xas ma yella aṭas deg-sen ass-a la ttmeslayen taɛrabt.

Imaziɣen ḥerren-d akal d ameqqran, yewwet seg wemda n Isiwan, deg Utaram (lɣerb) n Maṣer alamma d Targa Zewwaɣen d Muriṭanya, ɣef yiri n ugaraw Aṭlasi. Yuɣ lḥal, d Imaziɣen i d agdud n Tefriqt awḥid id-iḥerren anect-a n wakal, imi amur ameqqran deg yegduden ifriqiyen-nniḍen, tikwal sɛan kan akal d amecṭuḥ, tikwal bitt, cerken-t akked yegduden-nniḍen. Imaziɣen ttuneḥsaben d agdud n yiri (race) amellal, xas ma yella nettaf gar-asen aṭas n yimibriken d yiberkanen.

Aṭas n Yimaziɣen id-mazal la ttmeslayen tamaziɣt, rnu deg yiseggasen-a ineggura, aṭas n trebbaɛ timaziɣin id-yennulfan i wakken ad wtent ad ḥerzent tutlayt-nsent. Xas ma yella tantalyin (dialectes) i ttmeslayen Yimaziɣen mgaradent si tama ɣer tayeḍ, maca kkant-d akk seg yiwen n uẓar, seg yiwet n tutlayt, yernu yeshel ɣef waṭas n trebbaɛ timaziɣin ad msefhament gar-asent s tutlayt-nsent, xas ma yella mgaradent tentalyin-nsent.

Imaziɣen mazal ṭṭfen deg waṭas n wansayen (lɛaddat), ladɣa wid yettidiren di Merruk akk d Uneẓruf (ṣṣeḥra), dacu kan, ass-a, aṭas n wansayen imaziɣen i yellan ɣef yiri n nnger, la ten-ttaǧǧan medden yernu ur d asen-ttgen ara leqrar. Nnig waya, ula d tutlayt tamaziɣt la tettuɣal ɣer deffir deg waṭas n tamiwin n Tmazɣa, medden la d-ttaǧǧan, ilmeẓyen ur ttlemden ara, dɣa yessefk ad yettwaxdem kra n leqdic s lḥir i lmend n ussukkes n tutlayt di tmiwa-a.

Ass-a llan azal n 45 imelyan n imaziɣen deg ddunit merra.

Imaziɣen yettwasnen[beddel | edit source]

Ẓer Imaziɣen ittwasnen

Daɣen

Ẓer Izwawen ittwasnen

Wali[beddel | edit source]

Tamselyut[beddel | edit source]