Timraradin
| Timraradin | |
|---|---|
 Caiman crocodilus, Chelonia mydas, Sphenodon punctatus akked Crotalus adamanteus. | |
| Tasensartut | |
| Tagelda | Animalia |
| Adu-tgelda | Bilateria |
| Adur | Chordata |
| Ad-adur | Vertebrata |
| Ifelasmil | Tetrapoda |
| asmil | Reptilia Laurenti, 1768
|
| Isali amatan | |
| Taɣbalut |
viande de reptile (fr)  d tamellalt |
Timraradin (isem ussnan: Reptilia) d yiwen n usmil n iɣersiwen ikuẓdaren inefrawen (amniote) yettemruruden i wakken ad ddun seg wemkan ɣer wayeḍ. Tura, llant wazal n 11.900 no telmas n temraradin yettidiren deg waṭas n yideggan n umaḍal. Tilmas-a bḍant ɣef 4 n tfesniwin:
- Tizutar (Crocodilia): tegber seg 30 n telmas.
- Tiqerɣenbubin (Rhynchocephalia): tegber seg snat n telmas.
- Timeskebrin (Squamata): tegber seg wazal n 7900 n telmas, gar-asent izerman.
- Tifekrin (Testudines): tegber seg wazal n 300 n telmas.
Tifekkiwin n temraradin d tid i yeččuren d tiferkekt. Ssrusayent timellalin d tnefriwin. Dɣa, asesmel-a aqdim igber ula seg kra n iɣersiwen imesɣzayen am idinuẓuren ur nettferfir ara. Aṭas n isenmalen n usismel inemgalen i yezrin ɣef temraradin. Imir-a, timraradin yakk nnegrawent-d s ddaw n usmil n Reptilia, maca asismel afurkan atrar imeggez (ijɛel) tagrawt-a d azuniri, acku inzan ijiniyen d isenzikedren mmlen-d d akken tizutar d tid yettaken assaɣ i yigḍaḍ d idinuẓuren ugar n tmraradin niḍen iy ddren. Ihi, igḍaḍ gan d imraraden s unect n temhazt n yiriten. Ɣef aya, aṭas n inagrawen n usesmil n yiran ttalsen (ttɛawaden) asenmel n usmil n temraradin d akken-itent d afurk asnudran igebren ula d igḍaḍ, ɣas akken asenmel ufrin n ufurk-a yemgarad seg umeskar ɣer wayeḍ. Tella yiwet n tmidrant yettemcabin, iga d afurk asnudran 'tizermudmin (Sauropsida)' i d-immalen yakk tinefrawin i yettaken assaɣ s waṭas i temraradin timsuḍaḍin n imir-a.
Igmanen n temraradin iqdimen yettwassnen yakk , banen-d deg tallit tirrigt taneggarut, anda i nneflin seg tkuẓdarin tuzwirin ɣer tzemraradin iy ssezgin ugar i wakken ad zemrent ad idirent dennig n wakal. Isefka ijiniyen d isenzikedren mmalen-d d akken sin n yiran meqqren yakk n temraradin (Archosauromorpha: tizutar d yigḍaḍ, yakk d Lepidosauromorpha: tizermemmuyin d wayen yettaken assaɣ ɣursent), myaggagen (mbaɛaden) deg tallit tapermant yakked temraradin iy ddren ar thura, maca llant waṭas n tegrawin iy negren imir-a, aya yeḍra-d s usrag (s sebba) n angar amazday.
Aglam
[ẓreg | ẓreg aɣbalu]Timraradin d tinaɣlalin ilan kuẓ n yiḍarren neɣ d tid i d-yekkan seg yimrawen ilan kuẓ n yiḍarren. Imir-a, ttemrurudent s wadis n tfekka-nsent am yizerman, neɣ teddunt ɣef yiḍaren. S tenmegla ɣef tikelmanin, timraradin ur d-ttekkent ara seg twekkiwin maca amur ameqran deg-sent timekfuṭin, ɣas akken aṭas seg telmas n tmeskebrin d timarawin akken i llan ttemyarawen kra n yifurken yettidiren deg waman inegren, anda iy gemmu umgun s agensu n tyemmat, yerna yessexdam tinefra i wakken ad tiggeẓ deg wemkan n teclemt n tmellalt.
Tilmas n temraradin
[ẓreg | ẓreg aɣbalu]- Tizermemmuyin d izerman: Dɣa tagrawt-a yakk ilan aṭas n telmas n temraradin s wazal n 3000 n telmas
- Tifekrin: Llan wazal n 250 n telmas yettwassen ttidiren deg waman n igarawen d isafen yakk d igelmimen
- Tizutar: