Tazermemmuyt

Tazermemmuyt
Tasensartut
Tagelda	Animalia
Adur	Chordata
Asmil	Reptilia
Tafesna	Squamata
adu-tfesna	Lacertilia Owen, 1842

Tazermemmuyt neɣ Tazermemmuct (isem ussnan: Lacertilia) d adu-tfesna n temraradin yeṭṭafaren asmil n tzermeskebrin deg wadur n temzikrin Tizermemmuyin d timraradin yettaken aẓaṛ neɣ i d-yettilin i yizerman, yerna llant kra n telmas mmugent am yizerman anda ur lint ara (ur sɛint ara) iḍarren. Ma d tizermemmuyin timeqqṛanin d tid yettemcabin ɣer yiɣucaf, ama deg talɣa neɣ deg ubleɣ. Akken i lant waṭas n tarrayin n tikli d westan ɣef yiman
Imusnawen n tesnudert ukzen-d (ɛeqlen-d) ugar n 3750 n telmas n tzermemmuyin, gar-asent ugar n 500 n telmas ttidirent g Ustṛalya kan.

Aglam

Tizermdmmuyin ttumeggzent (ttujeɛlent) d iɣersiwen inaɣlalen. Tifekkiwin-nsent ttwaddlent s weglim ikenker (aḥercaw) isem-is tikbert, s ddaw n tekbert-nni yella weglim aleggaɣ.

Ssinifent (ttextirent) tudert deg ideggan yekkawen, anda tella tfukt, acku tazermemmuyt ur tettili ara turmidt alamma tezɣeld tfekka-ines. Dɣa mi ara ad tader tseddart n wezɣal w ad tismiḍ tfekka-ynes, tkeččem deg unnegzi d tarurmidt, adɣa deg tegrest, anda ur tzemmer ara uma ad tečč.
Deg yixef n tzermemmuyin llant snat n tenzarin. Ma d allen ttwaggẓent sɣur yirgalen yettewliwlen. Tafekka ynes ɣezzif, d turmidt tettfakka s usallaf ɣezzifen.

Tazermemmuyt.