Izem

Si Wikipedia, tasanayt tilellit.
Jump to navigation Jump to search
Izem
Lion waiting in Namibia.jpg
Conservation status

Ahula (IUCN 3.1)
Scientific classification
TageldaAnimalia
AstirfChordata
Asmilmammal Mammalia
TafesnaCarnivora
TawacultFelidae Felidae
TawsitPanthera Panthera
Talmest Panthera leo
Linnaeus, 1758
Afraq ajyugrafi
Lion distribution.png
Isallen
Tadist 108 day
lfurṣa n weɣẓaẓ ÷ awzan 112

Izem, s umata, d aɣersiw n twacult n yemcac, i itetten aksum, , d ameqqran yernu yettwaɛqal s umgired i yellan ger uwtem d tewtemt-ines. Awtem n "yizem" yesɛa aheylel (crinière, d awal amaheɣ), d acebbub i s-iɣummen aqerru-is, tamgerḍt-is, idmaren-is akkwed uḥric seg uɛrur-is. Ma d tawtemt n yizem neqqaṛ-as "tasedda", ur tesɛi ara aheylel yernu mecṭuḥet ɣef yizem.

Izmawen ttidiren ass-a deg Tefriqt, maca gran-d ciṭṭuḥ seg-sen deg Asya, deg yiwet n tama n Lhend. Zik, deg uzarmezruy, llan yizmawen ttidiren ula deg Tuṛuft, aɣeṛsiw-agi yenger deg tmiḍi tis snat seld talalit n Sidna Ɛisa imi aṭas i yettazzalen deffir-s akken ad t-gemren.

Deg Tefriqt, yella zik yizem yettidir deg yal tama, deg yal tamurt. Ar ass-a mazal yeǧǧa-d isem-is ɣer yal agdud deg umenẓaw-agi. D acu kan, ɣas ma yella izmawen ttbanen-aɣ-d meṛṛa kifkif-iten deg ṣṣifa, maca sɛan aṭas n tdulemsin (sous-espèces) yettemgaraden ciṭ deg ṣṣifa akk d tiddi. Ger tlemsin (leṣnaf) n yizmawen yettidiren deg Tefriqt, nezmer ad d-nebder izem n Tmazɣa (lion de Barbarie, Panthera leo leo). D netta i d izem ameqqran akk yettwassnen, yernu ass-a yenger. Izem n Yimassayen (Panthera leo massaicus, semman-as ɣef yisem n yiwen wegdud n Tefriqt, Imassayen ikessen izgaren), d izem-nni ay yettidiren deg tsabant (savane) n Kenya d Tanzanya, deg Tefriqt tacerqit. Izem-agi meqqer ciṭṭ, yettidir deg uzaɣar anda ay yettṣeggid izgaren d yiɣersiwen niḍen.

Deg Asya, mazal izem la yettidir deg tmurt n Lhend, deg yiwet n tama qqaren-as Gir. Ṣṣenf-agi qqaren-as "izem n Asya" (Panthera leo persica) u qqimen-d kan seg-s 200. ɣas ma yella deg kra n tmura izem ur yettwassen ara neɣ ur t-mazal ara la yettidir dinna, maca medden ssnen-t, yesɛa isem deg tutlayin-nsen yernu yella deg tmucuha-nsen d tẓuryin-nsen.

Deg Tuṛuft, izem yenger azal n 20 tasutin ay-a, maca deg tasut-agi meṛṛa, medden akk la ttmeslayen fell-as, u mazal aɣersiw-agi yella deg tsugint-nsen.

Deg tmurt-nneɣ, izem mazal yettwassen yisem-is yernu yettwabdar-d ama deg yinzan neɣ deg tmucuha, u d aɣersiw yesɛan azal meqqren ɣer-neɣ imi izem d azamul n tezmert akk d tebɣest (lkuṛaj).

Deg Ccinwa, ɣas ma yella nnan-d werǧin yedder yizem dinna, maca ar ass-a nezmer ad nwali isebdaden n yizmawen deg leqṣur i bnan Yicinwaten n zik. ɣer Yicinwaten, izem yessebɛad yir leṛwaḥ, daɣen sseqdacen asebded-yines akken "ad iḥudd" leqṣur-nsen. Nnig n waya, Icinwaten sɛan awitay i deg ḥessben agguren-nsen d yiseggasen-nsen i yiman-nsen, dɣa yal asseggwas ttaken-as Yicinwaten isem, akken daɣen i yella ɣer-sen "useggas n yizem".

Izem n Tmazɣa yenger aṭas ay-a seg tmura-nneɣ. Izem aneggaru akk ay yettwanɣan deg Lezzayer, nɣan-t deg tgara n tasut wis 19 deg tama n Souk Ahras, deg ccerq n tmurt. Ma izem aneggaru akk n Meṛṛuk, nɣan-t deg 1922. D acu kan, gwran-d kra seg yizmawen n Tmazɣa deg yelmaten n yiɣersiwen (zoos) deg kra n temdinin deg ddunit, am deg Rbaṭ, tamaneɣt n Meṛṛuk. Kra n yemnuda n tesdawit n Oxford, nudan ad d-rren izem n Tmazɣa ɣer yiwen wefrag aɣelnaw (parc national) deg yidurar n Waṭlas ameṛṛuki, maca ɣef wakken ɣriɣ, asenfar-agi (projet) yeḥbes imi tarbaɛt i d-yelhan yid-s xuṣṣen-tt yedrimen.

Tamselyut[ẓreg | ẓreg aɣbalu]

  • Omar Amastan Mouffok, imedyazen.