Ɛebban Ṛemḍan

Si Wikipedia, tasanayt tilellit.
(Yettusmimeḍ seg Σebban Ṛemḍan)
Neggez ar: ẓer isebtar, anadi
Ṛemḍan Ɛebban

Aban Ramḍan neɣ Ɛebban Ṛemḍan d argaz asarti azwaw, i gelan d amenzawi deg umezruy n tagrawla Tadzayrit D netta i yellan d aqerru n tegrawla, d amsertay ugar n ukabar Tirni n Tleli Aɣelnaw FLN.

Tudert-is[beddel | edit source]

Ilul Ɛebban Ṛemḍan ass n deg Tmurt n Leqbayel; taddart-is d Iεezzuzen i d-yezgan tama n Laṛebεa n At Yiraten. Baba-s qqaren-as Muḥend. Yemma-s qqaren-as Faṭima, tḥemmel-it aṭas acku yella d anelmad ifazen ger tezyiwin-is. Deg lawan-nni, ulac aṭas n yiɣerbazen imi tamurt n Dzayer tella ddaw temḥarsa n Fransa. Ɛebban Ṛemḍan iṛuḥ ɣer Leblida akken ad ikemmel dinna leqraya-s deg teseddawit, ibbwi-d Lbbak (BAC) n tusnakt deg useggwas n 1941.


Deg tallit-nni i yebda yettfaq s yir tagnit i ttidiren Izzayriyen, ayen i t-yeğğan ad yeḥbes leqraya-s, ad imal ɣer tsertit. Ikcem s Amussu i Unalak n Tlelliyiin Timagdayin (MTLD, Mouvement Pour le Triomphe des Libertés Démocratiques). Deg useggwas n 1947, yuɣal d imdebbeṛ deg ukabar-a, yerna yettikki deg tuddsa tuffirt (O.S., Organisation secrète) i yella tettheggi ttṛad mgal Fransa. Adabu n Fransa ifaq yes-s, dɣa yeṭṭef aṭas n yimeɣnasen n umussu, yeḥkem-asen s lḥebs. Ɛebban Ṛemḍan yettwaṭṭef ula d netta, deg useggwas n 1950. Yennuɣ deg lḥebs almi yuɣal yettuneḥsab d ameḥbus n tsertit, yesaa azref ad iɣer idlisen d yeɣmisen.


Yeffeɣ-ed deg yennayer 1955. Yerra ɣer taddart-is. Syin yeffeɣ s amadaɣ akken ad yeddu d yemdukal-is n tegrawla. Yuɣal iṛuḥ ɣer temdint n Lezzayer, yeṭṭef amkan n Biṭaṭ i yellan d ameḥbus. Seg meɣres 1955 ar win n 1956, yessaweḍ Ɛebban ad yesdukel akk imussuten d yikabaren izzayriyen yellan niqal ur ttemsefhamen ara, akken ad ttekkin deg ttṛaḍ n uslelli aɣelnaw. Yumen d tadukli i yessawaḍen. D Abban Ṛemḍan i d-iheggan anejmaε n ṣṣumam anda i heggan lsas i tegrawla n Lezzayer.


Mlalen yergazen d tlawin n tegrawla deg Uzellagen, deg Γuct 1956. 20 n wussan, nutni ttmeslayen ɣef liḥala n tmurt d umennuɣ n izzayriyen mgal amnekcam afṛansis. Dinna i d-ffɣent tektiwin sweyes ar a teddu tegrawla akwd tid iɣef ar a ters Lezzayer n uzekka.

Ɛebban Ṛemdan yemmut di laameṛ-is 37 iseggwasen, yettwanɣa di l'Merruk ass n . Ɛebban Ṛemḍan d netta i d bab n tegrawla, d netta i yessawḍen ad yesbed lsas i tegrawla n Lezzayer maca xedεent yemdukal-is akken xedεen merra agdud akw d tmurt n Lezzayer.

Tamselyut, Iseddagen & Izdayen Iberraniyen[beddel | edit source]

  • « Abane Ramdane : un destin tragique », amagrad sghur Daniel Junqua, tuber 1985.
  • « Belaïd Abdesslam à propos de «l’assassinat» d’Abane Ramdane », Sofiane B., Le Jeune Indépendant, 18 ghuct 2004
  • « Plateforme de la Soummam », plateforme créée à l'issue du congrès de la Soummam.
  • « Benjamin Stora à propos de Abane Ramdane », El Watan 26/11/02.
  • « Figures kabyles dans l’histoire politique algérienne », Benjamin Stora, Awal, cahier d’études berbères, uttun wis 25, Paris, 2002.
yj