Yugerten

Yugerten
Yugurten yettwaḥebsen sɣur Irumaniyen. Tugna seg wedlis n useggas 1772, s tutlayt tasbanyulit ("la Guerra de Jugurta por Cayo Salustio Crispo") "Imenɣi n Yugurten".
agellid n Numidya
Tameddurt
Talalit	Sirta, 160 BCE
Taɣlent	Numidya
Lmut	Roma, 104 BCE
Tamentilt n tmekkest	peine de mort (fr)  (sous-alimentation (fr) )
Tawacult
Baba-s	Mastenbaɛl
Tissulya akked	Bocchus' daughter (en)
Arraw-is	view Uksintas
Atmaten-is d yissetma-s	Guda
Tawacult	view Buxus I (beau-père (fr) ) Misipsa (père adoptif (fr) )
Amahil
Amahil	chef militaire (fr) d agellid

Yugerten neɣ Yugurten (Jugurtha s tlaṭinit) yella d agellid n Numidya seg ussegwas 113 armi d 104 send n Ɛisa.

Armi tgeldit n jeddi-s Masnsen , amur ameqran n imezdaɣen n Numidia llan ddren s tamɣigert, s wayagi ttemxallafen ɣef Imaziɣen-nniḍen ur nettissin ara tamɣigert imi ddren s tameksa in lmal. Masnsen ixelq-ed yiwet n tagelda (tajumma-s azal n Lezzayer n tura) akk-d yuɣal-ed d amdakkel n Roma deg 206 ST (send n tallit-nneɣ). Sakkin ma yemmut, yettwaxellf-ed s mmi-s Misipsa. Yugerten yella d aɣerfan gar lɣaci n tmurt-is, akter anagar n Misipsa, ɣef wagi aneggaru agi iceggeɛ Yugerten ɣef Hispania (isem i fkan Irumaniyen i Spanya deg tallit-nni).

Misipsa ikcem-it weɣbal imi ma ikemmel akka yezmer ad yuɣal d agellid sakkin lmut-is; deg lewqam n Misipsa d arraw-is ara a t-id-ixlefen.

Misipsa ur yesɛi zhar imi taɣerfant n Yugurten ternu akter ayen tella asmi yella deg tmurt; deg Hispania Yugerten, d amnay ifazen tizya-s, yulek tayri n kra n yemdanen yesɛan ccan deg Roma. Deg asutel n Numantia iqeddc-ed s lǧehd lwahid Gaius Marius anda yeẓra agufsu n Irumaniyen. Qqaren belli yenna-d ɣef Roma belli tella yiwet n “Temdint yerkan, i qqurben ɣef aɣelluy-ines, ara ula d yiwen a-ţ-yeɣ.”

Imi yemut deg 118 Misipsa, igelled azal n 30 iseggasen, yettwaxlef s sin warraw-is Aderbal akw d Hiemsal. Hiemsal akk-d Yugerten imeren kan bdan imenɣi-nsen; Yugurten yenɣa Hiemsal ayagi yebda daɣen yella ssiba n ttrad n Aderbal mgal Yugurten. Imi iwala belli ur yezmir ara ad iqabel Yugurten s lɛasker ines Aderbal yerwel ɣer Roma.

Imawalyen n Roma, ahat s ssiba n ugufsu-nsen neɣ s ţideţ bɣan ad fakken s uɣiwel amlasay agi, kecemen garassen, ferqen tamurt ɣef sin; Yugerten igelled ɣef utrim n tamurt, Aderbal ɣef ccerq. (iseggassen mbeɛ tazniwt n Roma teberreh belli tama n Yugerten tella axir n tama n Aderbal, teccur s lekyasa, lemeɛna is sin llan s drus n lɣaci akk-d drus n lerzaq)

Deg 112 Yugurten yerna ttrad ines mgal Aderbal, lameɛna deg tikkelt agi yesker-ed urrif n Roma ɣef yiman-is axaṭer yenɣa kra n Irumiyen i llan ttɛwanen Aderbal. Mbeɛd kra n imenɣi mgal Roma, Yugurten isselm-ed yiman-is lameɛna yerbeḥ aglam meqqren; annect agi ibedd ccek ameqran deg lweqt-nni, s tikkelt tajdidt, mgal ugufsu n imawalyen n Roma akkd Yugurten.

Useqqamu ameqran n Roma, s timelwi n aɛdaw-is Gaius Memmius, illuɛad ɣef amenzad adigan n lɛesker-is deg Tafriqt n ugafa ad yuɣal ɣer Roma i wakken ad iɛeddi di ccreɛ. Jugurten daɣen yemsaffar-ed ɣef Roma anda lɛeqliya tamekridt ines tban-ed ɣef lɣaci merra.

Imenɣi kkren-ed gar Numidia akk-d Amenkud Arumani; aneggaru agi icegɛ-ed aṭas n lɛesker ɣef Tafriqt n ugafa seddaw timelwi n l consul Quintus Caecilius Metellus.

Imenɣi mgal Yugurten dumen kra n iseggasen mbla lexsara tameqrant n Yugurten; ɣef wagi Useqqamu ameqran n Roma yextar Marius, aɛeskri n Metellus, ad yelli d lconsul amaynut deg Tafriqt ad ikemmel ttrad agi.

Marius yella d acengu ukmir aṭas imi yenɣa ayen yella deg webrid-is. Marius icegɛ-ed amarag-is Lucius Cornelius Sulla ɣer Bukus I, agellid n Mauretania', s talilt n Bukus i-t-yedssa Yugurten yettwaṭṭef ger iffasen n Sula.

Yugurten yeqqim deg asekraf n Tullianum, deg tiɣṛemt n Roma, 6 wussan armi yemut si fad akk-d d laz.

Amezruy n imenɣi n Yugerten llan deg yiwen n tektabt s tutlayt Talatinit iwumi qqaren “De Bello Iugurthino” imenɣi n Yugerten.

Tazmilt

tazniwt = propagande

aglam = privilege

Amenzad = commandant

Iseddagen

• De Bello Iugurthino (s tefransist)