Si Muḥend u Mḥend
 Si Muḥend u Mḥend | |
|---|---|
 Tugna n Si Mohand. akken i d yura Abdesselam 2005, amedyaz d bu tamart ina tamellalt ibedden deg tama tazelmaḍt yeṭṭef deg ufus-is takemmust d taberkant i deg yettara asebsi-ynes. | |
| Tameddurt | |
| Talalit |
Icheraiouen (fr)  , unbir 1845 |
| Taɣlent | azzayri |
| Lmut | Aṣqif n Ṭmana, 28 Duǧember 1906 |
| Tiɣri | |
| Tutlayin |
Taqbaylit Taɛrabt |
| Amahil | |
| Amahil | amedyaz d afelsuf |
Si Muḥend u Mḥend n At Ḥamaduc d amedyaz, s ameɣnas, d afelsaf aqbayli, ilul deg useggas n 1845 deg taddart n Icerɛiwen. Yemmut deg wass n 28 dujamber 1906 di Micli
Tameddurt-is
[ẓreg | ẓreg aɣbalu]I wakken ad yerwel f yira (ttaṛ) n baba-s Mḥend Amezyan U Ḥamaduc, yeffeɣ seg taddart n ugemmun igra ad izdeɣ deg icerɛiwen . Deg 1857, iserdasen n Fṛansa sserɣen taddart n Icerɛiwen, rran deg wadeg-is taddart niden semman-as "Fort Napoléon" (Laṛebɛa n At Yiraten tura).
Imawlan n Si Muḥend u Mḥend gran ar Sidi Xlifa, deg tama n Weqbu. Anya-s (Ɛemmi-s) Cix Arezqi U Ḥamaduc yellan d amusnaw n tneslemt, isbedd yiwet n tmɛemmert (Zawiya) anda yesselmad Leqran.
Azbu-ynes mgal tamhersa Tafrensawt
[ẓreg | ẓreg aɣbalu]Si Muḥend issurres (isseḥṛec) imezdaɣ n tmurt n Iqbayliyen mgal tamhersa Tafrensawt akken yessuter deg-sen ad t-zerber s yal tarrayt ayen yettaǧǧan Fṛansa ad t-itteṭṭf w ad t-salin (ad tɛettben). Akken izzugin (infan) kra n yigmamen n twacult-is ar Kalidunya tamaynut maca annect-a Ur yeṛṛiẓ ara tirat-is deg tira n yisefra d tmedyazin tislulliyin mgal tamhersa
Talkensit-is n isefra
[ẓreg | ẓreg aɣbalu]Isefra n Ssi Mḥand ttusgerwen-d seld n tmekkist-is (lmut-is) deg telkensit n usefru anda ttusiggzen deg useggas n 1904, sin akin deg useggas n 1960 Mulud Ferɛun yules-as (iɛawed-as) asiggez sin akin Mulud n at Mɛemmer deg useggas n 1969 deg Tgelda n Umeṛṛuk. Deg useggas n 2000 yettusuɣel ar tutlayt Taserɣint. Talkensit-a tettales-d (tḥekku-d) ɣef unegriref d wassas (lḥif) n umedyaz d tussaft d timannest d tayri akken id yesmaneg amezruy amaziɣ d imenɣi mgal tamhersa