Muḥemmed Buḍyaf

Si Wikipedia, tasanayt tilellit.
Jump to navigation Jump to search
Muḥemmed Buḍyaf
Le jeun Mohamed Boudiaf.jpg
Aselway n Lezzayer


Ɛebdelmalek Ben Ḥbiles - Ɛli Kafi
Tameddurt
Talalit Wlad Maḍi akked Msila, Yunyu 23, 1919
Taɣlent Lezzayer
Timekkest Ɛennaba, Yunyu 29, 1992
Tamentilt n tmekkest Timenɣiwt (ballistic trauma Suqel)
Tawacult
Tissulya akked Fatiḥa Buḍyaf
Tiɣri
Tutlayin Taɛrabt
Amahil
Amahil asertay akked amaru
Prizes
Membership High Council of State Suqel
Military service
Yennuɣ deg Algerian War of Independence Suqel
Trad Tamaḍalant Tis Snat
Taflest
Asɣan Tasunnit
Ikabaren isertiyen FLN

Muḥemmed Buḍyaf, s taɛrabt محمد بوضياف, ilul ass n 23 yunyu 1919 di temnaḍt n Wled Madi deg Lwilaya n Temsilt. asmi yeḥbes ulmud-is deg useggas n 1942, yekcem ɣer uxeddim ɣer srabes n Leɣrama di temnaḍt n Jijel. Syen yekcem ɣer ukabar n waɣref Azzayri (PPA) anda yuɣal d aɣalat n tudsa n lbaḍna (OS) di temnaḍt n Qsenṭina deg useggas n 1947.

Di 1950, icureɛ, anda i ḥekmen fell-as s lḥebs. 3 n yiseggasen mbeɛd (1953) yunag ɣer tmurt n Fransa, syen yekcem ɣer ukabar n MTLD. Ur iɛeṭṭel ara, ikcem-d ɣer tmurt n Lezzayer anda yuɣal d imḍebber aɛlayan n tudsa n C.R.U.A. (Comité Révolutionnaire pour l’Unité et Action), yella daɣen ger terbaɛt n 22 i yessekren tagrawla n tmurt n Lezzayer ass n umenzu n wember 1954. Deg tuber 1956 yettwaṭṭef netta akked yimeddukal-is gar-asen At Ḥmed d wiyiḍ di tmesrifegt i ten-id-yewwin seg tmurt n Lmerruk ɣer Tunes. Asmi tefra tegrawla tazzayrit, mass Mohamed Boudiaf islul-d Akabar n Tegrawla tanemlayt (Parti de la Révolution Socialiste).

Deg yunyu 1963 yettwaḥbes s wufus n Ben Bella, ɛezlen-t ɣer unẓul n tmurt n Lezzayer azal n 3 n wagguren, syen iruḥ ɣer tmurt n Lmerruk. Aseggas n 1972, yettruḥ yettuɣal ger tmurt n Fransa d tmurt n Lmerruk, iqeddec ɣef ukabar-is (P.R.S.) am wakken i iqeddec daɣen deg yiwet n tesɣunt El Djarida, anda yella d imḍebber fell-as. Mbeɛd tamettant n uselway Azzayri Hewwari Bumedyen deg useggas n1979, yerra talast i ukabar-is P.R.S, yuɣal ixeddem i lfayda-s deg lewzin n Lyajur di temnaḍt n Kénitra di Lmerruk. Ass n 14 yennayer 1992, Mohamed Boudiaf yuɣal-d ɣer tmurt n Lezzayer akken ad yejber iɣisi yewten di tmurt, imi lawan-nni yal tazɣunt tettɛummu di Lezzayer. Imḍebbren n tallit –nni teffeɣ-asen afus, gguman ad d-afen abrid ara yessufɣen ɣer tifrat, imi zzhir yuɣ tuddar d temdinin. Dɣa Mohamed Boudiaf yellan yettwanfa mi akken tufrar tagut ɣef tmurt imi tiktiwin-is mgaradent aṭas ɣef tid n wid yeṭṭfen adabu s yiɣil, yugi leḥkem n leɣder, leḥkem n ukabar awḥid, yerra-d i teɣri n tmurt-is, yenna dakken talwit d tifrat n tmurt n Lezzayer ad ilint s tugdut. Yewwi-d yid-s amecwar ɣezzifen, yebda lebni n tmurt ɣef tidet. 166 n wussan kan iruḥ niqal yerra-d asirem i ugdud azzayri, yerra-d ifadden i yimdanen i ifeclen niqal, yerra-d tayri ɣer wulawen, yesfeḍ asigna ɣef tmurt, maca iɛdawen n tmurt akked tudert zgan ɛussen di yal amḍiq di yal lawan. Imi, ass n 29 yunyu 1992 ɣef 11h15, tamurt n Lezzayer yeɣli-yas ujgu alemmas, yeɣli yiwen n urgaz yesɛan azal, yesrafeg usirem, imi Mohamed Boudiaf nɣan-t yemcumen di temdint n Ɛennaba.