Lwennas Ṣabi
 Lwennas Ṣabi | |
|---|---|
| Tameddurt | |
| Talalit | Tawilayt n Tizi Wezzu, 29 Tuber 1981 (43 n yiseggasen) |
| Taɣlent | Lezzayer |
| Tiɣri | |
| Tutlayin | Taɛrabt |
| Amahil | |
| Amahil |
acennay d guitariste (fr)  |
| Dduzan n lmusiqa |
snitra taɣect |
| lounessabi.com | |
Lwennas Ṣabi, d yiwen ucennay n tmurt n Leqbayel, tamaṭ n Ɛeṭṭuc, taɣiwant n Makuda id yezga deg-wugafa-amalu n Tizi Wezzu, ilul di 29 tubeṛ 1981.
Tameddurt n Lwennas ṢABI
[ẓreg | ẓreg aɣbalu]Temẓi-s
[ẓreg | ẓreg aɣbalu]Asmi yesɛa ṭṭam (tesɛa ) iseggasen di lɛemṛ-is, yebda isurifen-is imezwura yettaru tamedyazt, isefra ara yecnu ttizlatin akken kra iseggasen ; Deg-yiwen n tallit, yebda ilemmed yetturar snitra.
Abrid n cna
[ẓreg | ẓreg aɣbalu]Am icennayen ak n tmurt Leqbayel, yebda yettufrar-ed di tmaɣṛiwin n zwaǧ id yettilin di tudrin, imi dinna ttagnitt is id yettilin, imi yettemlil-id inaẓuṛen nniḍen, anda id ilemmed ugar n wayen yessen deg-waḥric-agi uẓawan d lfen s umata.
Deg-wuseggas 2005 i yebda umecwaṛ-is deg-webrid n cna, imi yessaweḍ yeskles tasfift-is tamezwarut, anda is yeqqaṛ : « Semḥ-iyi », ttasfift yettujarden deg-wansayen n tezlitt taqbaylit, llant deg-s sedis (setta) n yizewlen ; ttasfift id yessuf-eɣ di tullizin n tefsut.
Aẓawan n tezlatin-is yettagemit-id si <Caɛbi>, aẓawan aɣaṛfan, d <Lfulkluṛ n Leqbayel>, yewwi abrid id wwin icennayen n Leqbayel iqbuṛen, am : Ccix Lḥasnawi, Lwennas Meɛṭub, Yidir d Lewnis at Mengellat.
Akken sin iseggasen, di 2007, yarna yessekles tasfift-is tis snat anda s yeqqaṛ : « Muqlent wallen », anda id yesbeggen asaɣ it icudden ar ṭṭabaɛ uẓawan-is, d unadi lqayen deg-waḥric n tezlitt taqbaylit s umata.
Lebda deg-wubrid n wesnulfu, Lwennas ṢABI yessewjed aḍebsi-s wis kṛaḍ (tlata), deg-wusaggas n 2010, anda is yeqqaṛ : « Tajmilt iy fennanen », llant deg-s mraw (ɛecṛa) n tezlatin ; Yessufeɣit-id di 16 fuṛaṛ 2010.
Timzizelt n « Prix Carlo Doualia »
[ẓreg | ẓreg aɣbalu]Deg-wuseggas n 2008, yewwi-d araz, ilmend n temzizelt « Prix Carlo Doualia » id yellan di Maṣaṛ, (Timzizelt n can iycennayen n agrakal, (concours de chant destiné aux artistes de la Méditerranée)), id yesewjed umaṭaf n « Monté Carlo Doualiya » di 15 ar 16 tubeṛ 2008, yecna di temkaṛḍit Aleksandri (la Bibliothèque d’Alexandrie), zdat n waṭas n lɣaci, yecna deg-wudem n sin yemyezwaren : Nawal Ben Kraym (id yusan si tmurt n Tunes) d Ayham Abu Ammar (id yussan si tmurt n Sirya), (Nawal Ben Kraïm (Tunisienne) et Ayham Abou Ammar (Syrien)).
Timzizelt-agi ttagnitt is yarnan afud ameqṛan, ttagnitt is yefkan tamuɣli lqayen d waṭas n tektiwin ɣaf tezlitt taqbaylit, ttagnitt is yellin akken iwata tiwwura akken ad yarnu ad yessekles amaynut.
Leqdic nniḍen
[ẓreg | ẓreg aɣbalu]Xas ma ḥarcawet tegnitt, Lwennas ṢABI mazal iqeddec s idis n tezlitt taqbaylit, deg-wusekfel n wansayen, aɛlaxaṭaṛ yeẓṛa d akken idles-is, yuḥwaǧ arraw-is ad ilin yides s idisan-is, d agarruj ǧǧant-id imezwura-nneɣ inekni, nufat-id, u nekni at id neǧǧ iy neggura-nneɣ akken at id afen zeddig lsas-is.
Ass-a, Lwennas ṢABI, yeswejd-aɣ-id yiwen uḍebsi <Le Clip> (DVD d VCD), azewl-ines : < Can d wansayen>, yesɛa semmus (xemsa) n tezlatin Klip :
1.Muqlent Wallen.
2.Tamacahutt.
3.Tewwi-yi Lmuja.
4.Fellam cennuɣ.
5.Wissen ?.
D aḍebsi ara ad yefɣen deg-wuseggas-a n 2011, di tullizin n Mɛatqa Aẓawan (éditions Maâtkas Music).
Tisfifin ak d iḍebsiyen n Lwennas ṢABI
[ẓreg | ẓreg aɣbalu]- Deg-wuseggas n 2005, yessekles tasfift-is tamenzut, anda is yeqqaṛ : "Semmeḥ-iyi".
- Deg-wuseggas n 2007, yessekles tasfift-is tis Snat, anda is yeqqaṛ : "Muqlent wallen".
- Deg-wuseggas n 2010, yessekles tasfift-is tis kṛaḍ, anda is yeqqaṛ : "Tajmilt iy fennanen".
Tamselyut
[ẓreg | ẓreg aɣbalu]- [1], Adlis amecṭuḥ id ijemɛen isefra n tezlatin n ucennay Lwennas Ṣabi, yellan deg-wuḍebsi : <Tajmilt iyfennanen>, Yurat Mesɛuden Fahim netta d ucennay Lwennas Ṣabi.