Imzuyeɣ

Si Wikipedia, tasanayt tilellit.
Sauter à la navigation Sauter à la recherche
OSIRIS Mars true color.jpg

Mezweɣ neɣ Imzuyeɣ (Azamul-is: ) d amtiweg wis 4 deg wuggug (lbeɛdan) ɣef tfukt deg wudus anafuk, iga d anarag uffiɣ n deffir n tegnit akken yettwasesmel d amtiweg anamur yettemcabin i tegnit[1]. Isem-is deg Tmaziɣt yekka-d seg tezweɣ acku yettbin-d d azeggaɣ deg igenni s usrag n wakal-is d tegnewt-is, Ma d yisem-is Alatin '(Mars) d isem n yellu n umsenɣi ɣer iṛumaniyen, akken daɣen yettwassen s yisem n umtiweg azeggaɣ deg tlemmast n imusnawen acki ini n umtiweg-a d azwawaɣ imalen ɣer tezweɣ s usrag n ugedṛur n ukṛuksid n wuzzal yellan s tuget deg tiggi-ines d tignewt-is.[2] Akdu-ines yettawaṭ ɣer wazal n 6792 km, ayen yegdan azgen n ukdu n tegnit, akken iga d amtiweg ameẓyan wis sin deg wudus anafuk send n Merkur anda tajumma-ines tla (tesɛa) azal n wezgen n tjumma n tegnit.
Mezweɣ itezzi ɣef tfukt deg tmezzit yaggugin (ibeɛden) fell-as s wazal n 228 km (1,5 n tikkal n westum gar n tegnit d tfukt). Amda agafan deg ugafa n tuzza iteddel azal n 40% n umtiweg, ayen i d-igellun s usemdu meqqren fell-as.[3][4] Mezweɣ ila (yesɛa) sin n wayyuren, amezwar isemis Dimus (anamek-is d arameɣ s tutlayt Tagrikt) ma d wis sin d Fubyus (anamek-is d Tugdi), isin-nsen meẓẓiy-it ur myegdan ara deg talɣa akken izemren ad ilin d izunyuren i d-ildey[5][6] am 5261 Eureka[7], igan d atṛuyan amazwaɣ.[8]

Taẓɣelt tajummant tafellayt deg umtiweg-a d tin yettawaṭen alamma d 27° ma d taẓɣelt taddayt -133°, ma d tignut-is d tin igebren seg usinuksid n ukaṛbun d unitrujin d wergun d yirragen n waman d kracn igazen niden. Azamul-is asnallun d .

Ussan d tsemhuyin n useggas deg mezweɣ d wid yemrawasen i wayen yellan deg tegnit acku tallit n tuzzya d umili n tedɣert n tuzzya d tid yettemcabin s waṭas, Dɣa imusnawen ttɣilen d akken amtiweg n mezweɣ yella yeččur d aman send n 3,8 n imelyaṛen n iseggasen ayen i d-ten-iǧǧan ad brun i teẓri n tilit n tudert deg-s ɣas ma zik-nni, akken illant deg-s idurar yugaren wid yellan deg tegnit yakk d isafen yeqquren. Akken i tella deg-s teẓrumest tameqqṛant yakk deg wudus anafuk isem-is Olympus Mons yeddmen isem-a seg wedrar n ulimpus,Akken ig yella deg-s wasif n Marineris igan d yiwen seg tiɣa meqqren yakk deg wudus anafuk.

Asekkud n Mezweɣ s wallen d ayen yefraren (isehlen) s waṭas, Azal-is amaskad yettawaṭ ɣer -2.94, dɣa azal amaskad n Yebter d tatrit d wayyur d tafukt ugaren agla n Mezweɣ[9].

S unect n tezrawt n sin n imusnawen n Marikan, Mezweɣ yezmer ad yili d amtiweg ur yesmid ara (ur ikemmel ara) gemmu-ines seld mi ig slek seg waṭas n imickaṭen yakk d yesmilen d iseffuden d tfekkiwin tigennawin niden i d-illan seg wass mi i d-innulfa wudus anafuk (ayen i d-iglan s temɣer n yimtiwgen akken ma llan), Anecta yessegzaw-d temẓi n ubleɣ n mezweɣ s wassaɣ ɣer tegnit d tatrit, Dɣa sin n imusnawen-a ffɣen-d s ugemmud-a seld n tezrawt taminigt i ifuras n werjan imezzerzen deg iseffuden

Références[ẓreg | ẓreg aɣbalu]

  1. . ISBN 978-0-684-83550-1. OCLC 489144963. Unknown parameter |azemz= ignored (help); Unknown parameter |aneggar1= ignored (help); Unknown parameter |amezwar2= ignored (help); Unknown parameter |Azwel= ignored (help); Unknown parameter |adeg= ignored (help); Unknown parameter |amezwar1= ignored (help); Unknown parameter |aneggar2= ignored (help); Unknown parameter |anafsar= ignored (help); Missing or empty |title= (help)
  2. "The Lure of Hematite". Science@NASA. NASA. March 28, 2001. Archived from the original on January 14, 2010. Retrieved December 24, 2009.
  3. Yeager, Ashley (July 19, 2008). "Impact May Have Transformed Mars". ScienceNews.org. Retrieved August 12, 2008.
  4. Sample, Ian (June 26, 2008). "Cataclysmic impact created north-south divide on Mars". London: Science @ guardian.co.uk. Retrieved August 12, 2008.
  5. . Space. Unknown parameter |akala n ufaylu= ignored (help); Unknown parameter |azemz n ufaylu= ignored (help); Unknown parameter |akala= ignored (help); Unknown parameter |Azwel= ignored (help); Unknown parameter |amezwar= ignored (help); Unknown parameter |aneggar= ignored (help); Unknown parameter |amahil= ignored (help); Missing or empty |title= (help); Missing or empty |url= (help)
  6. Adler, M.; Owen, W.; Riedel, J. (June 2012). Use of MRO Optical Navigation Camera to Prepare for Mars Sample Return (PDF). Concepts and Approaches for Mars Exploration. June 12–14, 2012. Houston, Texas. 4337. Bibcode:2012LPICo1679.4337A. Unknown parameter |azemz n ufaylu= ignored (help); Unknown parameter |akala n ufaylu= ignored (help)
  7. Yeomans، Donald K.، "5261 Eureka (1990 MB)"، JPL Small-Body Database Browser، NASA، yettwaɣra deg wass n 13 yebrir 2016.
  8. Trilling, David; Rivking, Andrew; Stansberry, John; Spahr, Timothy; Crudo, Richard; Davies, John (2007). "Albedos and diameters of three Mars Trojan asteroids". Icarus 192 (2): 442–447. arXiv:0709.1921. Bibcode:2007Icar..192..442T. doi:10.1016/j.icarus.2007.08.002. Alsaru yettwaklasen 24 ɣuct 2017 deg tansa n Wayback Machine.
  9. Mallama, Anthony; Hilton, James L. (October 2018). "Computing apparent planetary magnitudes for The Astronomical Almanac". Astronomy and Computing. 25: 10–24. arXiv:1808.01973. Bibcode:2018A&C....25...10M. doi:10.1016/j.ascom.2018.08.002.