Dunatus Maɣnus

Dunatus Maɣnus neɣ ( Dunatus ameqqran ) ilul deg 270 yemmut deg 355 d ameksa amasiḥi amaziɣ yeffɣen i wawal n yibabaten imasiḥiyen ikatulikiyen yesnulfa-d abrid n liman d " tadunatit " wid i t-iḍefren qqaren-asen Idunatiyen .

Tudert-is

Ilul-d Duna ameqqren deg Negrin deg Tbessa , yella d ameksa n deg timezgida n taddart-is deg Negrin armi yuɣal d ameksa ameqqran deg Tefriqt n ugafa yettwassen s umennuɣ-is mgal ucengu arumani deg tallit i deg tella tmasiḥit tettwabḍa ɣef yiman-is , tebɛent akk wid yugin ad ilin yirumaniyen akka am Firmus d Ǧildun ( yeffeɣ seg tdunatit maca yuyal-d ɣur-s ) , yemmut deg 355 . Ur neẓri ara aṭas ɣef tudert-is n temẓi-s imi ruḥen akk yidlisen d tebratin-is , yettwabder-d i ubrid amezzwaru mi d yexdem tazɣent di tmezgida , imi iɛawed abellez i kra n yimasiḥiyen yeɣlin .

Tagrawla tadunatit

Tban-d tegrawla tadunatit mi tuɣal tmasiḥit d ajjed unṣib deg umenkud arumani , yessnulfa-d Dunatus abrid amaynut akken ad yessiweḍ tiɣri n yimaziɣen ɣer yirumaniyen , dɣa ḍefren-t yimaziɣen wa s deffir wagi akken ad fɣen i ucengu arumani , d ayen i as-yerran d taɣenlawt imi tettḥadar imaziɣen seg ccer n yiserdasen irumaniyen d yinesbaɣuren-nsen akked yibabbaten ikatulikiyen .

Syin ixdem-d Dunatus tagrawla deg tmetti-ines , yeffeɣ seg tmasiḥit takatulikit i yebɣa Tyuduz ad t-yerr bessif ɣef yigduden-i yellan s ddaw n ucengu-ines , tuffɣa-agi tewwi-d imenɣi s yidammen gar tmezgida d yiserdasen n Rum akked yidunatiyen d yigrawliwen imesdurar i ykecmen deg tdunatit akken ad d-awin azref-nsen tkemmel tegrawla-agi armi d-wwḍen yiwindaliyen ɣer Tefriqt n ugafa deg useggas n 439 n tlalit . Yemhel Dunatus ɣer tama n kra n yimeksa d lecyux n tmasiḥit tagrawla nnan-d deg-s ala ! ala i ucengu arumani , tettusemma s tegrawla n Dunatus neɣ tagrawla tadunatit.

Ihi Dunatus yella yessawal i ubrid amaynut yettaken azref i akk imdanen , yessawal i lemɛawna n wid yenḥafen ur yettamen s win iḥekkmen anagar Illu i ɣ-d-ixelqen , yessawel i yimaziɣen akken ad ssufɣen akk imaziɣen irumaniyen inesbaɣren sg tmura-nsen .

Tettwattbeɛ tdunatit deg akk igudaz d tgeldatin timaziɣin ( ula d tid yellan berra n leḥkem arumani ) ladɣa deg ugadez n Numidya d Afrika i deg sserɣayen timezgida , ixxamen , igran n yinesbayuren

Tettwafreq tdunatit ɣer sin n yiḥricen : aḥric yessexdamen ajjed i yiman-is , wigi d aklan imaziɣen ttakren sqiṭṭaɛen i medden akken ad awin adrim , d uḥric nniḍen i mazal yeṭṭef deg tterbya-nsen ttamnen s Yillu , melmi id-ufan arumani ad bdun asqerdec yid-s .

Nnulfan-d imiren kra n yiserdasen iǧehden bɣan ad skecmen akk imasiḥiyen ɣer wajjed-nsen , imaren idunatiyen llan d aklan kan , ssawalen akken ad uɣalen akk medden kif kif-iten ulac anesbaɣur d igellil , maca uɣalen d iceffaren yernu d imakaren , ffɣen ula d i Rebbi , d ayen yessisehlen i yiserdasen irumaniyen ad ten-id-afen . Ma d idunatiyen n tidet llan sɛan leɛqel , amur ameqqran deg-sen d arraw n yimaziɣen mačči d aklan , ǧehden yernu ḥercen ttraǧun melmi ara rnun aɛdaw-nsen , llan ttargun tilelli ssawalen-as s deffir n yisem n "wajjed"

Reffu-agi d acengu arumani i t-id-yuwin imi anda tella tudert ksen-tt

Dagi i ɣ-d-iban belli tadunatit d mm snat n yiḥricen : win n yirebraben d yimakaren d win n yideyyaniyen ileḥḥun s ttawil tessen amek ara tennaɣ d yirumaniyen , ssawalen akken ad yili unesbaɣur d gma-s n yigellil tella-d sdat n wid yukren tamurt d yimezdaɣ-is . Ibabaten Ikatuliken sxedmen ajjed ula d nutni akken ad-asen kksen i yimaziɣen iderimen , ixxamen , rraan-ten d aklan war-leqdic d war-axxam yettnadin ɣef uɣrum , d ayen id-yessurwen Tagrawla n yidewaren , i yessawlen i uḥbas n tmuḥqranit maca irumaniyen hubben akken ad sseḥbibren ɣef wayen ukren seg Tmazɣa , yella uɣesṭin d netta i d-yettmeslayen fella-sen , mgal yidunatiyen , yessarem tilelli d teɣdemt .

Tagrawla tadunatit tuɣal tesɛa imesli di Ruma ihi tceyyeɛ-d iserdasen yezlan yal adunati id-ufan deg ubrid-nsen ukren tamurt fkan timezgida i yibabaten ikatulikiyen

Tadunatit ardekal Dunatus

Yettwanfa dunatus deg 347 ɣer Turuft i deg yemmut deg 355 . Mi yemmut tella tmezgida tadunatit d tamezzwarut deg tefriqt ugafa maca yessuḍen-itt ufraq gar yirebraben d yideyaniyen , daɣen tamezgida takatulikit yettaɛraḍen ad tuɣal d tamezzwarut ad tessemlil Tafriqt n ugafa s ddaw-as .