Ameksa wulli
| Ameksa wulli | |
|---|---|
| Addad n taggaẓt | |
 Talmest ur tettwaggez (IUCN 3.1) | |
| Tasensartut | |
| Asmil | Aves |
| Tafesna | Passeriformes |
| Tawacult | loriot (fr)  |
| Tawsit | Oriolus |
| talmest | Oriolus oriolus Linnaeus, 1758
|
| Taẓuni tarakalt | |
 | |
| Isali amatan | |
| Takura | 7,3 g |
| Tehri | 46 cm |
Ameksa wulli neɣ Siwriɣ neɣ Tuwriɣt (isem ussnan: Oriolus oriolus) d talmest n yigḍaḍ yeṭṭafaren tawsit n tuwriɣt d twacult n telyatin. Talmest-a d tamnummsant n webleɣ, s teɣzi igan gar n 22 ar 25 cm, yerna tezmer ad tidir alamma d 8 n iseggasen. Ameksa wulli agḍiḍ yettinigen deg unebdu ɣer Uruppa d Asya talemmast d Tefriqt ugafa, ma deg tegrest yettinig ɣer tlemmast d unẓul n Tefriqt.
Aglam
[ẓreg | ẓreg aɣbalu]Ariɣ n uwtem d awraɣ aweṛɣan. Yakk d wafriw n wedfar d aberkan. Dɣa anaw n tmuɣlit-is temgarad yakk ɣef iylalen niḍen yettidiren deg Uruppa d tmurt n Yiqbayliyen. Isem Alatin n umeksa wulli Oriolus dɣa awal-a yennumk-d ini awraɣ n wegḍiḍ-a.
Afraw n tewtemt iga d amnummsan ugar. Arur-is d azegza s yini n iferran n uzemmur, ma d adis-is d adnanes yebberqec. Afraw n iknuzen (ifrax) d aras yeɣman (qessiḥen).
Oriolus oriolus - Awtem
Oriolus oriolus - Tawtemt
Afrux.
Tikeli
[ẓreg | ẓreg aɣbalu]Učči
Učči n umeksa wulli yezzi ɣef iburɣas meqqren d teswermin am izinzren, tkeččawin, iferṭeṭṭa, warẓaẓen, agayemru, Tadlafriwin yakk d iberruten maca daɣen deg waṭas n wakuden iy tett ula d tissisin yakk d tigritin. Mi ara ad yas wakud n igumma am uredlim, tiyni, tibexsisin yakk d tizwal yiwet n tayuga n umeksa wulli tezmer ad tt-fakk yakk igumma yellan deg useklu.
Taẓuni d yideggan n tudert
[ẓreg | ẓreg aɣbalu]Ameksa wulli neɣ Tuwriɣt d talmest tamyiwent n tewsit-is yettidiren deg Uruppa d Tmurt n Iqbayliyen. Anda i tettwammẓer deg yakk tmura n Uruppa anagar Skundinavya d tmura n Ubeltik, Deg tegzirin n Britanya iga d imidrus maca yettidir deg tignatin yudren d timnummsanin n waddud.
Tinigt
Amyaraw
[ẓreg | ẓreg aɣbalu]
Agdef n umeksa wulli
Timellalin n umeksa wulli deg usalay n Toulouse.
_nest_W_IMG_9566.jpg)
Ameksa wulli d aylal iminig. Yettuɣal-d seg tmezduɣt-is n unebdu deg Tefriqt gar n tlemmast n Yebrir d taggara n Mayu s unect n Izerrigen n tehri, dɣa deg wakud-a isekla ččaṛayen d iferran. Ayen iy banen d akken iwetmen d twetmin ttinigen yal uzuf iman-is yerna d iwetmen id yettawaṭen d imenza. Dɣa iy tekker imenɣi deg teɣzi n tallit nni dgi id ttmagen-t tyuga n imeksa wulli.