Tin Hinan

Tin Hinan
Tameddurt
Talalit	Ahaggar, lqern wis 4
Lmut	valeur inconnue
Ideg n uẓekka	Abalessa
Amahil

Tin Hinan (s tamaceq: ⵜⵏ ⵂⵏⵏ) d tagellidt Tamaziɣt yeddren deg tsut tis 4. Imaziɣen imuhaɣ n Ahaggaṛ ttwalint d immat-sen tamezwarut. Inzaɣen imawen n Imuhaɣ gellmentt Tin Hinan d akken d tin iẓilen (icebḥen) s waṭas, tiddi-ines d taɣezfant, udem-is ulac degs ayen tacrurt neɣ inidi, allen-is d tid yehrawen, inzaren-is d imesdanen.

Tagmuẓart (Aẓar n wawal Tin Hinan)

Awal n Tin Hinan d awal amaziɣ n imuhaɣ yebḍan ɣef sin n yirmawen (awal n Tin d talɣa tuntit yegdan bab n kra n tɣawsa. Ma d awal Hinan d talɣa tasegtant n wawal ihen yennumken acluc).

Tagellidt n Uhaggar

Tanfust

Ɣɣaren-as tikwal i Tin Hinan "tagellidt n Uhaggar" neɣ Tamnukalt ɣer Imuhaɣ, ayen id-emmalen "tagellidt". Mmalent-d tmucuha tiqburin d akken Tin Hinan tella d tageldunt irewlen yedren deg tasut tis ukkuz ST . Terwel-d seg ugafa n Uneẓruf, nettat d yiqeddacen-is, akken i d-teqqar tenfust d akken qrib mmuten deg webrid, maca ufan-d kra n tgella deg wadeg anda ttidiren yiweṭṭufenn. Deg tenfust nniḍen deg wanda ulac inzan s wassaɣ ɣer tenfust tamezwarut, Tin Hinan tella dinna d tagellidt tineslemt n udrum n Imaziɣen id-yusan seg Tafilalt deg yidurar n Waṭlas di tmurt n Lmerruk ɣer tama-s tella tqeddact qqaren-as Takmat. Deg tenfust-a, Tin Hinan tla (tesɛa) yelli-s neɣ ahat d tayyawt-is, isem-is Kella, ma d Takmat tla snat  n yessi-s. Tarwa-s ayi uɣalen d imarawen n Yimuhaɣ n Uhaggar . Ulsen-d daɣen fella-s d akken Tin Hinan tla-d kraḍ n tullas i tsemma s yismawen n yiɣersiwen n tneẓruft yettidiren deg tamiwin d yideggan izedɣen Imuhaɣ.