Timzerɣelt
| Timzerɣelt | |
|---|---|
.jpg) | |
| Tasensartut | |
| Tagelda | Animalia |
| Adur | Arthropoda |
| Asmil | Insecta |
| Tafesna | Odonata |
| adu-tfesna | Anisoptera Selys, 1854
|
Timzerɣelt neɣ Timni (Assaɣ ussnan: Anisoptera) d yiwen n adu-tfesna n yibureɣsen yeṭṭafaren tafesna n tmzerɣlin, tettwassen s tallet-is (seɛɛu-ines) i wallen tugtudmawin meqqren d sin n wafriwen ifrawanen ijehden, d tfekka ɣezzifen. Dɣa deg kra n tikwal yettili-d wemray (luɛaṛa) deg usemgirred gar n temzerɣelt yakk d tiẓawin n tala (Zygoptera) acku ttemcabint deg talɣa tamuṛfulujt.
Timzerɣelt tettumeggez seg yibureɣsen inegmaren ixataren acku tettett tadasin d yibureɣsen imeẓyanen niḍen am yizi n wexxam d tzizwa d ugeṭṭuf d yirẓaẓen d waṭas n telmas niḍen, maca drus kan n tikwal deg wanda i d-tettet iferṭeṭṭa. Ɣas akken timzerɣelt tga d aburɣes anegmar, maca ula d nettat tezmer ad tettwičč sɣur n yigḍaḍ d tzermemmuyin d yimqerqar yakk tmzerɣlin meqqren fellas.
Ibureɣsen-a ttilin deg yibaliɣen d igelmimen d timedwin d wuna. Llant wazal n 5680 n telmas yemgaraden n tmzerɣlin deg umaḍal.