Ruba tamunakt

Ruba tamunakt (neɣ Buba) d tamunakt tamaziɣt, taɣewwart yernu tameɣrast, d weltma-s n Hunuratus, amunak n Akwa Sirinsiz, tlul deg 384 nɣan-tt yimunaken ikatuliken deg 434, tettwakerrem s tezdayt n umeɣnas ardeklal lmut-is bnan-as tamezdayt tameqqrant ideg ttẓallan ɣef rruḥ-is deg Ala Miliara (ass-a di Lbenyan, 37km ɣef Mɛesker deg ugezdu n Mɛesker di Lezzayer), tella Ruba d azamul n umennuɣ adunati mgal ucengu.

Lebni id-ufan yimussnawen n umezruy ssur n utaram, yella d axxam n yiserdasen meqqren aṭas di Mureṭanya, d netta akk i d ameqqran n Tefriqt s deffir n win n Lambez, ihi tamezdayt tadunatit d aɛiwed n usexdem i wayen yellan uqbel 422 d axxam n yiserdasen deg Mɛesker i ǧǧan deg tasut tis IV  ccahed-is ufant-id deg texxamt n mass Ezisyas yellan s ddaw n lqaɛa, yellan d aselmad n Tizi, d ccahezd awḥid yellan ɣef yimeɣrasen idunzaten atan di Louvre di Fransa yura akka :

« Mem(oria) Robb(a)e, sacr(a)e Dei (ancillae), germana(e) Honor[ati A]qu(a)e Siren(sis) ep(i)s(cop)i, c(a)ede tradi[torum] v(e)xata meruit dignitate(m) martiri(i); vixit annis L et reddidit sp(iritu)m die VIII kal(endas) Apriles, (anno) pro(vinciae) CCCXCV ».

Tasuqilt tilellit : "Asmekti i Ruba, taqeddact i ywehben iman-is i Yillu, weltma-s n Hunuratus amunak n Akwa Sirinis; i yettwanɣan s teytiwin n yikatuliken, tettwakerrem s tmuɣrest, tedder 50 n yiseggasen temmut di yebrir 395 (25 meɣres 434 s wazemz n tidet).