Mani

Si Wikipedia, tasanayt tilellit.
Aller à la navigation Aller à la recherche
Simpleicons Interface user-outline.svg Mani
File:Mani.jpg
Tameddurt
Talalit Ctésiphon (fr) Suqel, 216 n tlalit deg Lɛiraq
Taɣlent Amenkud aferti - amenkud asasani
Tagrawn n uzdar peuples iraniens (fr) Suqel
Lmut Gundishapur (fr) Suqel, 276 n tlalit di Ǧendisabur deg Lɛiraq
Tamentilt n tmekkest  (écorchement (fr) Suqel)
Amahil
Amahil théologien (fr) Suqel, amaru, prophète (fr) Suqel, chef religieux (fr) Suqel, afelsuf d amedyaz
Taflest
Asɣan manichéisme (fr) Suqel

Mani ( s tfarisit ماني ) d yiwen seg yimceyyɛen id-ibane deg tmurt n gar sin n yisaffen , ilul-d deg 216 n tlalit deg temdint n Babil i yenbeḍ umenkud afarisi , d netta id-yesnulfan ajjed amanawi , i yekcemen aṭas n tmura , gar-asent tafriqt n ugafa , gar wid-itt-ikecmen agerram Uɣesṭin , wid i t-iḍefren deg tmurt n gar sin n yisaffen ttwaḥerṣen mliḥ sɣur umenkud afarisi yellan ttamnen s tmess , yettwaḥbes deg usekraf deg useggas n 276 ḥekkmen fella-s s lmut .

Tudert[ẓreg | ẓreg aɣbalu]

Tugna i Mani

Ilul deg 14 yebrrir 216 deg ugafa n Lɛiraq n wass-a i yellan imiren d aḥric seg umenkud afarisi . Ur yeddir ara Mani akked yemma-s tettwabɛed fella-s, ɣef way-a timẓi-ines tusa-d tewɛer , imi baba-s yeffeɣ i wajjed i yellan imiren deg Lɛiraq yekcem ɣer wajjed n yisabiyen neɣ ɣer yiwet n terbaɛt i yettekkan ɣer yisabiyen . Tarbaɛt-agi ttamnen belli tameṭṭut d nnǧasa d yelli-s n cciṭan ɣef way-a yusa-d Fatezk ɣer mmi-s Mani ass mi i yesɛa kan ukkuz n yiseggasen deg yila-s yessebɛed-it ɣef yemma-s ddren akkenni ɛezlen akked d terbaɛt-nni ttẓallan ttebɛaden ɣef akk ayen yettɣuṛṛun amdan ladɣa tulawin .

Fatek yenna-d belli yesla-as i yillu yessawel-as kraḍ n yiberdan akken ad yunag ɣer taddart i wumi qqren Misan deg lɛiraq ideg ttilin yibellazen , imiren ihi i yexdem Fatek d mmi-s abellez , kcemen ɣer wajjed n yiṣabiyen imindayen s talɣa tunṣibt , aya yeḍra-d uqbel ad tewseɛ tmasiḥit .

Yeqqim mani akken ɣef wajjed i ɣer t-isssekcem baba-s armi d aseggas-is wis 21 , imiren yesla s tmasiḥit d wayen akk id-qqaren ɣef umidag n Yissu ; dɣa seg yimiren yella yeqqar belli d netta i d Rruḥ lqudus nni iɣef d-ttmeslay tmasiḥit , ḥessben wat tarbaɛt-ines belli tagi d ticuffert dɣa staxṛen-t syinna .

Imiren ifarisiyen llan ttabaɛen ajjed azaradicti yettqeddisen timest , Mani yella yeqqar yettwali asɣanen , ihi yegmen ad yini belli d netta i d nnbi amaynut , yeqqar-d ɣef yiman-is belli ass mi yesɛa 12 n yiseggasen yeffeɣ-as-d lmelk , ur d-yuɣal ara armi d aseggas-is wis 24 akken ad-yessuffeɣ tabrat n yillu ; yernu ad yebnu timsirin n wajjed amanawi ara yilin seg Ccinwa ɣer tmurt n Sbenyul d Fṛansa , yebda niqal asiwel d usekcem ɣer ddin-is deg temnaḍt-nni i deg yedder maca , i tmental ur neẓri yunag ɣer Lhend , ideg yessawel ɣer wajjed nni ines yessekcem ɣer-s aṭas n yimdanen , dinna i yelmed timsirin tibudiyin d tzaradictiyin .

Deg useggas n 240 yebda asiwel ɣer wajjed-agi-ines , yuwi abrid n unelmad tuma ɣef way-a id-iɛedda sezg Bakistan , Afɣanistan , Lhend n wass-a , mi dayen yunag ɣrer Lhend d Maṣer nnan-d belli yelḥeq ad yessekcem yiwen n unembaḍ ɣer wajjed-ines , deg useggas n 242 ibedde-d sdat n ugellid Cabur I , i as-iɛemden ad yessiwel ɣer wajjed-ines s tlelli meqqren , yuɣal seg yiqeddacen n ugellid , imiren i yebda tira n udlis-ines i yqeddsen , syin yerra ɣer ywet n tiɣilt ɣer tama n wasif n Diǧla ideg yebda lebni n tmezdayt-ines , yeqqim Mani yessawal i wajjed-ines s ṭul n 30 n yiseggasen mebla ma yeḥreṣ-it-id yiwen .

Assmi yemmutt umenkad Cabr deg useggas n 272 , yebda iɣelli Mani imi sin n yimenkad i yellan s deffir-s llan d tixutam deg yifassen n yimunaken izaradictiyen , d ayen i yerran imunaken ad bdun aḥraṣ dd udfaṛ n yal win yumnen s tmanawit di taggara sullzen amenkad akken ad-as yessiwel i Mani akken ad ibedd sdat n uxxam n teɣdemt n yimunaken izaradictiyen  , ihi wwin-t ɣer usekraf zzin as-d s senslat , yeqqim deg usekraf 26 n wussan la yettidir am uɣerda yal ass d tiytiwin d uḥqar inelmaden-is zgan ẓerren-t armi yeḥkem fella-s umenkad s lmut deg useggas n 276 .

Lmut-is[ẓreg | ẓreg aɣbalu]

Amenkad afarisi yeḥkem ɣef s lmut , imi di tazzwara Babil tuɣal d ammas ideg ttemlilin wasɣanen ihi ma tuɣal akken i tella zik nni d tawaɣit fella-sen , syin llan yimunaken izaradictiyen yugaden ad yewseɛ wajjed-ines , asɣan-nsen ad d-yeggri mebla imeḍfaren . Ihi , yettwaṣleb Mani , syin kksen-d tafekka-ines gezmen-as ifassen-is d yiḍarren-is sserɣen-t , maca imeḍfaren-is ummnen belli rruḥ-is tuli d asawen , ɣef way-a yuɣal wass-nni d tafaska ɣur-sen ttuẓumen 30 n wussan n wayyur n yebrir ɣef way-a .

Tiktiwin-is[ẓreg | ẓreg aɣbalu]

Deg tasut tis kraḍ yewseɛ cwiya wajjed n Mani , asɣan-ines d asexleḍ gar waṭas n wasɣanen akka am tmasiḥit d tbudit d tzaradictit : yumen Mani belli amaḍal yefreq ɣef sin win n lxir d win n ccer ( akken i umnen yizaradictioyen ) illu n lxir iga tagelda-ines deg tafat n lxir , maca imi ur s-yezmir ara i ccer yexleq-d tayemmat n tudert id-yefkan amdan aqbur , tlata n yiṛebbaten agi ( ababat - tayemmat-aqcic amectuḥ) yettemcabi-as i tmasiḥit