Imaksimyaniyen

D tarbaɛt tamasiḥit yettabaɛen tamezdayt tadunatit, d tuffɣa i ffɣen seg-s, imaksimyaniyen d wid i yḍefren Maksimyan yiwen n ucemmas yeqqaren ɣer umunak Dunatus, d netta i yeṭṭfen tiɣri n usebgen n yidunatiyen urtuduksiyen yeddren deg temdinin tirumaniyin d tbuniqiyen daɣen deg Ssaḥel n Tunes. Axṣim-is d amunak adunati n Qerṭaj iwumi qqaren Brimyan, d amunak yellan ɣef uqerru n yinumiden akken ma llan. Yeɛreḍ Brimyan ad isellez "imɣaren" n tmezdayt-is i wakken ad cetkin ɣef Maksimyan maca ineggura-agi ugin akk ad s-ksen azref-nsen. Tarabɛt n Maksimyan s yiman-is daɣen tuɣal tessyli cekwa ɣef terbaɛt n Brimyan deg usqamu n 392 sutren deg-s astixer n Brimyan si cceɣl-is. Maca deg useggas id-iteddun gan asqamu nnniḍen i yennan belli Brimyan ulac deg wacu yeɣleḍ rrant-id ɣer umḍiq-is. Deg 394 yennulfa-d usqamu nniḍ)en yugaren widak iɛeddan deg wazal xedment di Baɣay, deg unẓul n Numidya ḥeḍen-t uzal n kraḍ n twinas d mraw n yimunak idunatiyen . Sufɣen-d deg-s Maksimyan d mraw d sin seg wid i t-iṭṭafaren seg wajjed adunati ḥekmen fella-sen s tukksa n yizerfan-nsen deg tmezdayt. Syin yelḥeq Brimyan, s lemɛawna n yinẓarfuyen irumaniyen ad yesusem tiɣri n yimaksimyaniyen