At Ɛidel

At Ɛidel

Timnaḍin akked amur ameqqran n yimezdaɣen
Deg wakal nsen	akka 46628.
Deg timdinin n Lezzayer	Ur neẓri ara, maca aṭas.

At Σidel (s tifinaɣ ⴰⵜ ⵄⵉⴷⴻⵍ) d yiwen lɛerc aqbayli yezgan gar yidurar n Yiwannuɣen akk d Udrar n Tbabuṛt, deg usamar n Tmurt n Leqbayel tama n Asif Ɛebbas, di tmurt n Lezzayer.

Deg wakal n lɛerc-ayi i ttemlilen Asif n Saḥel akk d wasif n Busellam, deg yiwen umkan qqaren-as Tasfart, anda i yettlal Asif Asemmam, neɣ Asif Ɛebbas.

Tarakalt

Tiɣiwanin d tudrin n At Ɛidel

Zgan-d At Ɛidel deg usammar n temdint n Uqbu, deg ugafa n lɛerc n At Ɛebbas.

Yezger-iten Asif n Busellam. Sɛan di tlisa nsen deg unẓul At Ɛebbas, deg usammar At Yeɛdel d Wat Wertiren, deg ugafa At U-Mɛuc, Imula d Wat Yemmel, u deg umalu U-Zellagen d Illulen Usammar.

At Ɛidel deg yiwet tkarḍa n 1846

Deg-s tiɣiwanin n Tamuqra, Buḥemza, Amalu, Sedduq d kra n tudrin n Imsisen, deg ugezdu n Bgayet, rnu yiwet taddart n tɣiwant n Ilmayen, deg ugezdu n Berǧ Buɛririǧ.

Deg-s tudrin-ayi :

• Tamuqra, Butwab, Tasirra, Tuffirt, Tawrirt n Tizi Ɛidel d Tizi Ɛidel.
• Iɣil Aberkan (Buḥemza), Tuddar, Bujimeɛ, Tala Ɛebḍella, Tawrirt, Lxendeq, Tiɣilt, Taxlijt Iceɛcuɛen, Imeḥfuḍen, Tacewwaft, Tansawt, Ssaḥel, Tasfart, Bu-Mesɛud, Talɣemt, Iǧeddaren, Semɛa, Igemmunen, Ifiɣa, Tala Umḥawed, Tizi Uẓru, At Bṛahem akk d Buḥitem.
• Amalu, Iɣil Igenni, Taddart Wadda, At Ǧemhuṛ, Taxlijt, At Ǧeɛd, Tizi Lemneɛ, Timesririn, Busḥel, Ixercucen, Lakul, Tawrirt, Akurma, Tizi Uqdem, Iɣil n Tala, Tiɣermin, Bizyun Gribu, Tizi Larebɛa d Iseɛdunen.
• Taqaɛet, Tibuɛmucin, Bu-Yekni, Sedduq Wadda, Sidi Muffeq, Axnaq, Sedduq Ufella, Zunina d Iɣil n Ǧebbar.
• Adrar n Sidi Yidir.
• Amagaz, Tɣermin, Iɣul Uɛenter, Iɣil Mellulen.

Muqel daɣen

• Sidi Yeḥya at Ɛidel

Takarḍa n tɣiwanin n At Ɛidel