Alger Républicain

Si Wikipedia, tasanayt tilellit.
Jump to navigation Jump to search

"Alger Républicain" d aɣmis ayallas i yesbedd Pascal Pia akked Paul Schmitt deg Lezzayer deg useggas n 1938.

Talalit[ẓreg | ẓreg aɣbalu]

Aɣmis-a n uzelmaḍ, llan qedcen deg-s aṭas n Yezzayriyen. Gar Tuber 1939 d Fuṛar 1943, yettwagdel (yettwamneɛ) deg tmurt, sakkin, asmi i d-yuɣal ɣer tuffɣa, yuɣal d aɣmis asduklan (communiste).

Deg wemgarru n Lezzayer[ẓreg | ẓreg aɣbalu]

Deg Ctember 1955, imi i bedd ɣer yidis n Yezzayriyen i yellan ttnaɣen ɣef uzarug (indépendance) n tmurt-nsen, aɣmis-a yettwagdel tikkelt nniḍen, yerna aṭas seg wid i iqedcen deg-s ttwaṭṭfen (am unemhal-ines, Henri Alleg), neɣ ttwanɣan, am Henri Maillot, Georges Rafini, Ɛemar Xaluf, Ɛabd Lqader Ben Ɛmara, Muṛad At Saɛda d Ɛebd Lqader Cuxal. Deg 17 Yulyu 1962 (s deffir ma tewwi Lezzayer azarug-ines), "Alger Républicain" yuɣal-d ɣer tuffɣa, yerna yuɣal d netta i d aɣmis Azzayri i d-yessuffuɣen amḍan ameqṛan akk n tsukan (exemplaires) (75.000 yal ass).

Sakkin uzarug[ẓreg | ẓreg aɣbalu]

S waya, "Alger Républicain" yella yugar aɣmis n "Le Peuple" (n Terni n Weslelli Aɣelnaw). Deg 1964, imḍebbren n "Alger Républicain" qeblen ad rren aɣmis-nsen d win n Terni n Weslelli Aɣelnaw, sakkin, deg 1965, s deffir ma tella-d tuttya-nni taserdasit i deg Hewwari Bumedyen yesseɣli Ḥmed Ben Bella, anabaḍ Azzayri yesddukkel iɣmisen n "Alger Républicain" d "Le Peuple" yerna yerra-ten d yiwen weɣmis umi isemma "El Moudjahid". S deffir n tedyanin n Tuber 1988, "Alger Républicain" yuɣal-d ɣer tuffɣa, maca ɣef ljal n wuguren i d-yemlal, yeḥbes deg 1994. Seg yimir-nni, yuɣal itteffeɣ-d seg-a ɣer da, tikkal yal dduṛt, tikkal yal ayyur, xas akken mazal yesɛa uguren. Albert Camus d Kateb Yasin seg wid i d-yuran imagraden deg weɣmis-a.