Henri Maillot

Si Wikipedia, tasanayt tilellit.
Jump to navigation Jump to search
Henri Maillot
Aspirant-maillot-1956-206x248.jpg
Tameddurt
Talalit Lezzayer, Yennayer 21, 1928
Taɣlent Fransa
Timekkest Lkarimeyya, Yunyu 5, 1956
Tiɣri
Tutlayin Tafransist
Amahil
Military service
Yennuɣ deg Algerian War of Independence Suqel

Henri Francois Maillot (ilul deg 1928 deg temdint n Dzayer, yemmut deg 1956 deg tama n Lkarimeyya, Cclef), d ameɣnas asduklan (communiste) afrensis (seg yiḍarren iberkanen ay ilulen deg Dzayer) yerna yettekka deg Tegrawla n Ldzayer.

Imenɣi af uzarug n Ledzayer[ẓreg | ẓreg aɣbalu]

Deg 1956, Maillot yella d aserdas afrensis yerna yesserwel akamyun n yemrigen (leslaḥat) i yemjuhad ay yellan ttnaɣen i uzarug (indépendance) n tmurt Ldzayer. Maillot yella d amaru amatu n Tdukli Yilemẓiyen Imegdayen Idzayriyen (Union de la Jeunesse Démocratique Algérienne) ay yellan d tagrawt tasduklant, yerna yella iqeddec d amessiḍan (comptable) deg weɣmis azelmaḍ n Alger Républicain (aydeg ttekkan ula d Idzayriyen). Maillot yella daɣen yessawal s yisem n Ldzayer deg temliliyin n yilemẓiyen ay d-yellan deg tallit-nni deg Prag akked Warsu. Asmi ay yella deg yiserdasen ifrensisen, Maillot yettuwekkel (deg 4 Yebrir 1956) ad yawey yiwen ikamyunen iserdasiyen seg Tmelyant (deg twilayt n Tiṭ Ulili, ass-a) ɣer temdint n Ledzayer. Mi ḥebsen deg yiwen n wemkan akken ad sgunfun deg-s yiserdasen, Maillot yumer anehhar n ukamyun-nni ay d-ibubben imrigen akken ad yeqleɛ, sakkin ddan ɣer teẓgi n Baynam (deg utaram n temdint n Ldzayer), anda ay d-usan yemjuhad ay yuwyen imrigen-nni. Sdeffir tedyant-a, aɣmis asduklan n Liberté (ay yellan itteffeɣ-d s tuffra), iga ifadden i medden akken ad ɛawnen Tagrawla Tadzayrit s yemrigen i wakken ad tawey Ldzayer azarug-nnes (indépendance).

Tamettant[ẓreg | ẓreg aɣbalu]

Axxam n ccreɛ afrensis icureɛ Maillot (s uɣabi) yerna yeḥkem-as s tmettant deg wass n 22 Mayyu 1956. Deg 5 Yunyu 1956, iɣallen ifrensisen mmɣen ɣef yiwet n tegrawt n yemjuhad deg tama n Lamartine (Lkarimeyya (deg twilayt n Cclef), dɣa nɣan sa (sebɛa) seg-sen, gar-asen sin n yiḍarren iberkanen (Ifrensisen n Ldzayer): yiwen seg-sen d Maillot, ma d wayeḍ d Maurice Laban, yiwen seg yimeɣnasen ay yettekkan deg ussebded n Ukabar Asduklan Adzayri. Henri Maillot rran-as tajmilt deg Ldzayer imi ay fkan isem-nnes i yiwen n wesbiṭar deg Bab Lwad (tamdint n Ldzayer). Deg 2002, gan-as daɣen timenzit (stèle) deg Ldzayer.