Ǧamal Benɛuf

Ǧamal Benɛuf
Tameddurt
Taɣlent	Lezzayer
Tiɣri
Tutlayin	Taqbaylit
Amahil
Amahil	aneggal d amaru

Ğamal Benɛuf (Djamel Benaouf), d amaru, amedyaz, amuggay (argaz umezgun) aqbayli ilulen ass n 07 mayu 1960 deg Yiɣil Ɛli – Bgayet. Asmi yesɛa sḍis (6) iseggasen, imawlan-is ruḥen ɣer Wehran anda yettidir.

Ǧamal Benɛuf, d ameɣnas n tmaziɣt, d amesnulfu n terbaɛt «Imnayen n Numidya» deg useggas 1980, n tiddukla tadelsant « Asirem » di 1989, n tiddukla tadelsant « Numidya » deg useggas n 1990. Daɣen d amesnulfu n tesɣunt « Azul » aseggas 1990, yelmed tamaziɣt ɣer Kamal Nath Zerrad, yeḍfer akk timsirin i yefka si 1989 ar 1991.

D anagal, d amedyaz, amesmug daɣen amsullis, Ǧamal Benɛuf yettwammad d yiwen si tgejda n tsekla taqbaylit. 

Ǧamal Benɛuf yura aṭas n yeḍrisen nniḍen i werɛad d-nettwazreg ladɣa timezgunin. Tarbaɛt "Tigawt d wawal" i yeselḥay ḍran-as-d 29 warrazen ilmend n sa (7) tmezgunin i tessuli yakan.

Ǧamal Benɛuf yekki di tguri n llsas uselmed n tmaziɣt deg Wehran ideg yella netta d aselmad i tallit n 15 d aseggas.

Imuhal

Idlisen

• “Timlilit n tɣermiwin”, ungal, tizrigin  “l’Harmattan”, 2002, tullsa usizreg sɣur Tizrigin “Achab”, 2016;
• “Tujjma tuzzma”, ammud isefra (asuqel ɣer tefransist sɣur: Boucheneb Rabah et Hbib Hakim)), tizrigin “ l’Harmattan”,  2004;
• “Taklit n tayri”, tullist, asmel: www. imyura.net (2006);
• “Di tmurt uɛekki”, tamezgunt, tizrigin “HCA”, 2007;
• “Aneggaru a d-yerr tawwurt, yeččur wesqif n ṭṭmana”, tamezgunt, tizrigin “ENAG”, 2017;
• “Ccix-lkanun d Bu yefden”, amezgun, tizrigin “ENAG”, 2017;
• “Bu tfuset”, tamezgunt, tizrigin “Le Montagnard”, 2017

Timezgunin

• “Di tmurt uɛekki“ (2003),
• “Aneggaru a dyerr tawwurt“ (2005),
• “Bu tcacit ulac-it“ (2007),
• “Ccix-lkanun“ (2011),
• “Turart n sa twaculin“ (2012),
• “Tudzalin n ccfaya“ (2013),
• “Bu tmeldzidzt d Bu tseldzidzt“ (2014),
• “Tidzwist taneggarut”, 2015

Tamselyut

• Sɣur imyura.net Archived 2013-08-12 at the Wayback Machine