Ɛli Belḥaǧ
 Ɛli Belḥaǧ | |
|---|---|
| Tameddurt | |
| Talalit | Tunes tamaneɣt, 16 Duǧember 1956 (68 n yiseggasen) |
| Taɣlent | Lezzayer |
| Tiɣri | |
| Tutlayin |
Taɛrabt Taɛrabt tazzayrit |
| Amahil | |
| Amahil | asertay |
| Taflest | |
| Ikabaren isertiyen | Tirni Tislamit n Ussukkes |
Ɛli Belḥaǧ (ilul deg 1956 deg temdint n Tunes), d argaz n tsertit adzayri, yettekka akked Ɛebbasi Madani deg ussebded n Terni Tislamit n Ussukkes (FIS).
Temẓi-s d laṣel-is
[ẓreg | ẓreg aɣbalu]Imawlan n Belḥaǧ rewlen seg Dzayer ɣer Tunes, yerna laṣel-nsen seg Muriṭanya. Belḥaǧ yezdeɣ deg Tqubbet (deg temdint n Ldzayer).
Takcemt deg tsertit
[ẓreg | ẓreg aɣbalu]Deg yiseggasen n 1980, yella yeqren ɣer Mustafa Buyali, yerna d aya ay t-yessawḍen ad yettwaṭṭef ɣer lḥebs i tikkelt tamezwarut deg 1984. Deg 1989, yessebded-d akked Ɛebbasi Madani akabar isenneslem (islamiste) n Terni Tislamit n Ussukkes (FIS), yerna yella yeqqar-d lxeḍbat deg yiwet n tmesgida deg Bab Lwad.
Tirni Tislamit n Ussukkes af Uqecuc-is
[ẓreg | ẓreg aɣbalu]Deg 1991, iger-d tiɣri i lɣaci akken ad d-snekren imenɣi imselleḥ mgal udabu, am wakken ay yettekka akked Ɛebbasi Madani deg ussenker n ccwal deg tmurt. D aya ay yejjan anabaḍ (lḥukuma) adzayri ad ten-yeḥbes deg sin, yerna akabar-nsen yettwafsex deg tezwara n 1992.
Sakkin ṭrad
[ẓreg | ẓreg aɣbalu]Deg 2006, Ɛebdelɛaziz Butefliqa yeɛfa fell-as yerna yebra-as-d seg lḥebs. Llan aṭas n medden ay t-yettwalin d yiwen seg wid ay yezzuɣren tamurt ɣer tallit-nni taberkant n yimenɣi imselleḥ ay d-yellan gar udabu ed tegrawin timsellḥin ay d-yefrurxen seg Terni Tislamit n Ussukkes. Seg wasmi ay d-yeffeɣ seg lḥebs, Ɛli Belḥaǧ yettwaṭṭef yerna yettwaḥbes acḥal d tikkelt ɣef wawal-nnes ayyes ay iɛerreḍ ad d-yessenker ccwal tikkelt nniḍen.