Ɛli Ɛemran
 Ɛli Ɛemran | |
|---|---|
 | |
| Tameddurt | |
| Talalit | Lemɛatqa, 20 Mayyu 1969 (55 n yiseggasen) |
| Taɣlent | Lezzayer |
| Tiɣri | |
| Tutlayin | Taqbaylit |
| Amahil | |
| Amahil |
acennay d guitariste (fr)  |
| Dduzan n lmusiqa |
snitra taɣect |
| aliamran.net | |
Ɛli Ɛemran, s yissem-is unṣib (Ɛli Kulugli, s tefransist : Ali Koulougli), d acennay n tmurt n leqbayel, ilul-d ass n 20 Mayyu 1969, deg Igariden i d-yezgan di Mɛatqa (Tizi wezzu). Ɛemran yella d isem n yiwen si lejdud-is.
Tameddurt n Ɛli Ɛemran
[ẓreg | ẓreg aɣbalu]Temẓi-s
[ẓreg | ẓreg aɣbalu]Yebda yettarra lmendad-is ar uẓawan si temzi-s, asmi yella isell i Radyu akked kra n tesfifin n kra icennayen yellan di teswaɛt-nni, Aladra isell i widen akken ḥarmen ur d-sɛeddayen ara tizlatin-nsen deg yimaṭṭafen n Radyu n tmurt n Lzayer, amedya n Dda Sliman Ɛazem... d wiyaḍ nniḍen.
D ameẓyan yettaɛraḍ yetturar snitra, yessaweḍ yexdem-d yiwet s tebelyunt n zzit, am akken xedmen akk icennayen iɛeddan uqebl-is; Yettaɛraḍ, yeṭṭafar, yal tizlitt umi slan imeẓẓudzen-is; D acu kan netta yesɛa zzher, imi yufa-d snitra deg wexxam si temẓi-s, xas akken d taqburt meɛna ar ɣur-s tesɛa azal meqqren; Tella niqal n d ayla n gma-s armi yuɣal ikesbi-tt, netta.
Amecwar-is n Lfen
[ẓreg | ẓreg aɣbalu]Asmi yeffeɣ i tillumẓit, Ɛli yettwassen d win yettarun isefra ak ttezlatin, imi tizlatin ines timezwura i yura, Kra deg-sent cnantent kra icennayen yetwasenen, gar-asen Lani Rabaḥ.
Asmi yella di tesdawit, dinna Ɛli i d-yebda yettbin-id, imi yella yetturar snitra, ixeddem aẓawan, icennu i yiwet n tarbaɛt umezgun n tesdawit n Dda Lmulud at Mɛemmar di Tiziwezzu, uwumi qqaren Meɣres ; Di tallit nni, yebda yetturar tizlatin n Yidir, Simon and Garfunkel, Moustaki, Cabrel, Inaṣliyen, Pink Floyd, Abranis, Cat Steγens,... S wakka Ɛli ilemmed u yebda isurifen ines imezwura deg-wubrid n lfen.
Di 2001, yesekles tasfift-ines tamenzut, anda is-yeqqar : Amsebrid, s wakka, s tesfift-agi, Ɛli yekcem annar n cna.Ur iɛeṭṭel ara yebda timaɣriwin di tmurt n leqbayel, deg-waxxam n yedles Lmulud at Mɛemmar, daɣen deg-wuxxam umezgun n Bgayet.
Arazen & Tifaskiwin
[ẓreg | ẓreg aɣbalu]Ɛli daɣen yuka deg waṭas n tfaskiwin, s kra n wanda id iɛedda s waraz, imi cna-ines s ṣṣut-is d uẓawan-ines yufraren-d.
Araz amenzu, yewwit-id di tafska taɣennawt n cna n teqbaylit, araz wis sin, yewwit-id di tafska uẓawan n Ṣumam.
Abrid n lɣarba
[ẓreg | ẓreg aɣbalu]Deg useggas n 2000, Ɛli yeǧǧa tamurt-is, yeǧǧa taddart-is, yunag ar tmurt n Fransa, anda yella yezdeɣ di Lpari, ula dinna, am da di tmurt iqeddec, ixeddem daɣen timaɣriwin.
Aken assegas, ilemnd n tefsut tabarkant, Ɛli yecna di tzeqqa n Zinit (Zénith) di Lpari, s idis n ucennay ameqran Farḥat Imaziɣen Imula, Akli. D, d Gnawa Diffusion.
Zdat n lɣaci id yusan, tizlitt-is A xali sliman yufrar-d yarna taɛǧeb nezzah i lɣaci nni id yussan, yeslkelsitt yarratt di <le clips> weqbel ad yessufeɣ tasfift-is, tinna yessufeɣ di 2005.
Ɛli yessewjed tasfift tamaynut id-yefɣen deg useggas n 2009, anda is-yeqqar : "Akka id amur".
Tisfifin n Ɛli Ɛemran
[ẓreg | ẓreg aɣbalu]2001, Tasfift tamenzut anda is yeqqar: Amsebrid
2005, Tasfift tis snat anda is yeqqar: Xali sliman
2009, Tasfift tis tlata anda is yeqqar: Akka id amur
2013, Tasfift tis rebɛa anda is yeqqar: Tizi n leryah'
Ayen nniḍen
[ẓreg | ẓreg aɣbalu]...
Tamselyut
[ẓreg | ẓreg aɣbalu]- [1], Ɛli Ɛemran, Xali Sliman. (Ali Amran)