Wlad Nayel
أولاد نايل | |
|---|---|
 Tilemẓit n Wlad Nayel (tugna n 1905) s uwcem amaziɣ. | |
| Leḥsab | |
| 1.000.000<...<1.500.000 | |
| Timnaḍin akked amur ameqqran n yimezdaɣen | |
| Busɛada Msila Lǧelfa akked yidurar n Wlad Nayel | |
| Tutlayin | |
| taɛrabt tanaylit | |
| Ddin | |
| tineslemt |
Wlad Nayel (s taɛrabt: اولاد نايل ) d adrum aserɣin (aɛrab) yedduklen, ttidiren deg Lɛerc n Wlad Nayel, di Lezzayer. Nettaf-iten s waṭ)as deg Busɛada, Msila d Lǧelfa, sɛan daɣen amḍan d amqqran seg-sen di Tɣerdayt.
Iẓuran
[ẓreg | ẓreg aɣbalu]Later n timmawit n Wlad Nayel, yeqqar-d belli nutni d iɛraben, d arraw n yiderman ihilaliyen id-yusan ɣer Lezzayer agim n yiseggasen ay-a, ihilaliyen d arraw n tmnaḍt n Ḥiǧaz ideg tella Mekka, uwint-id yifaṭimiyen ɣer Tɣerdayt d Wad Suf. Qqaren-d belli d arraw n ugellid Dris ameqqran (Dris 1ru).
Tudert-nsen
[ẓreg | ẓreg aɣbalu]Wlad Nayel zik amur ameqqran d aɣref imreḥḥlen i yettidiren deg lɛerc-nsen, deg yidurar n Waṭlas aseḥrawi, i yessɛan tura isem-nsen (lɛerc/idurar n Wlad Nayel). Lǧelfa zik tella d ssuq ameqqran ideg qeṭṭun akk Wlad Nayel i wakken ad ceččen lmal-nsen. Tamurt, qessiḥet tegrist-is armi dayen, ɣezzifet, talemmasty-is tettili di 4 °C. Deg wussan-a, agezdu n Lǧelfa seg yigezdan akk yesɛan aṭas n yimezdaɣ deg tɣaltin-yulin s yimezdaɣ yewwḍen amḍan n 1,164,870.
Zik-nni Wlad Nayel lxedma-nsen d arebbi n wakraren imi d imreḥḥlen, ladɣa seg Lḥeḍna deg ugafa ɣer Dyas deg unẓul. Mi ttinigen, llan ttidiren deg yigiṭunen yunɣen s uberkan d uzewwaɣ, daɣen zedɣen deg decra neɣ di tudrin ur nesɛi ṣṣur, daɣen ddren deg leqṣur, ladɣa wid iwumi d-zzin leṣwar. Llan tteẓẓun daɣen irden d timẓin deg yidurar, xas akken lɣella-nni ur d-ttili ara d tin meqqren. Tikwal kan, ttelḥaqen ad ẓẓun tizdayin deg yidurar maxca llan zgan sɛan ttmeṛ ɣur-sen imi ttaɣen-t-id si temnaḍin nniḍenn, ladɣa Busɛada id yhezgan deg taggara n ugafa n lɛerc.
Ccḍeḥ d ccna
[ẓreg | ẓreg aɣbalu]Wlad Nayel sɛan ccna-nsen weḥd-nsen, qqaqren-as daɣen ccna n Busɛada i yqerben ɣer tmurt-nsen tanaṣlit, daɣen sɛan ɣur-sen yiwen n yixef s ccḍeh s uɛebbuḍ s wayes tettwassen temnaḍt.