Tinnagrawt

Tinnagrawt deg tussniwin n tudert d umezruy agaman d tussna tuzdigt n usismel n temsurta deg snat n talliyin (izri d yimal) d wassaɣ gar imuddiren deg talliyin. S tenfalit tamatant (s umata), d ayen ara ad yeǧǧen amdan ad yegzu (ad yefhem) amezruy anemhaz n tudert deg tegnit.

Tikwal, irem n tennagrawt d win yemmegdan (yemsawan) d yirem n usismel n tesnudert, akken i yezmer daɣen ad yemmerwi (ad yexleḍ) d usismel ussnan.

Ifurken d isnasen

Inagmayen ssexdamen deg tezrawt n tinnagrawt tasnudrant ifurken yemgaraden i wakken ad rnun ad gzun (ad fehmen) aṭas ɣef wassaɣ gar imuddiren yemgaraden. Ifurken-a ttwasxedmen i wbeggen n isnasen d isexdimen n inagrawen itraren.

Tinnagrawin tisnudranin ssismilent tilmas s 3 n ifurken imezlayen. S usexdem n ifurken imezlayen, inagmayen zemren ad sbadun (ad beggnen) isnasen d isexdamen n tennagrawin n tallit tatrart.

Igburen n isnasen-a:

• Tazrawt n imuddiren de tukza (ameyyez) gar n imuddiren i negren d wid i zeddiɣ (mazal) ddren.
• Andar d useddu n yismawen ussnanen, d iglamen n telmas, d tiẓra timatanin yakk d usnay n isesmilen isnudranen d usismel n imezruyen inemhazen, d imezruyen n imuddiren.
• Assegzu n tuggtiwin tisnudranin deg tegnit.
• Aɣmar ɣef umadal agaman.