Tasnafriwin

Tasnafriwin
Tasensartut
Tagelda	Animalia
Adu-tgelda	Bilateria
Adur	Arthropoda
Asmil	Insecta
tafesna	Diptera Linnaeus, 1758

Tasnafriwin (isem ussnan: Diptera) d tafesna n ibureɣsen yeṭṭafaren adur n teswermin.
Tafesna ayi d tin igebren seg waṭas n telmas n ibureɣsen ilan (isɛan) sin n wafriwen deg yidmaren-nsen ilemmasen, yakk d sin n wadfaren n tamneknit i d-izgan deg taggara n yidmaren.

Dɣa, tilin n tyuga n wafriwen d ayen i d-ittizellmen (i d-tittmeyyizen) ɣef yibureɣsen niḍen, yerna kra n telmas n tesnafriwin yuɣal wafriw ɣur-sent d asennaw, aladɣa ɣer kra n telmas n yizan iherrsen imecdalen (ixxamen) n yibureɣsen niḍen.
Tasnafriwin d tafesna meqqren s waṭas, anda tegber seg wazal 240.000 n telmas yemgaraden n tadasin d tizit d yizan d telmas niḍen. Ɣas akken tasnafriwin d tid ilan azal meqqren i wemdan d twennaṭ, maca anagar azgen neɣ ddaw n wezgen Kan n telmas-is i d-ittusnemlen sɣur n imusnawen ar tura (ayen yegdan 120.000 n telmas).

Asesmel

S umata, llant snat n tdu-tfesniwin yettwassnen deg tesnefriwin:

• Tiɣraskiwin — (Nematocera): ttwassnent seg tfekkiwin-nsen ɣezzifen d tmejjiwin-nsent tinafriwin. Tegber seg 77 n twaculin gar-asent 35 n twaculin negrent.
• Tigezlacciwin — (Brachycera): tga d adu-tfesna ilan tifekkiwin tizamalin d tmejjiwin meẓẓiyen. Tegber seg 141 n twaculin, gar-asent 8 negrent.