Tamhilt n Musa

Si Wikipedia, tasanayt tilellit.

Tamhilt n Musa ((tahibrut : מִבְצָע מֹשֶׁה (Mivtza Moshe)), tettusemma s yisem n nnbi Musa i yella deg Turah id-yessufɣen udayen seg tmurt n Ferɛun ɣer tmurt-nsen, d tamhilt gar yisserdasen n Israyel d CIA n Marikan, iheggan deg tmahalt n Marikan deg Xerṭum di Sudan, ɣer tama n kra n yiceffaren isudaniyen i wakken ad ssufɣen s tuffra ɣef udabu n Sudan udayen iflacen (udayen n Ityubya akken i asen-teqqar Israyel) id-irewlen ɣer Sudan seg laẓ i yeṭṭfen Ityubya deg 1984, bɣan ad ten-awin aklken ad idiren deg Israyel.

Segmi tebda deg 21 unbir 1984, tessexdem Irayel timsrafgin n turufdt akken ad d-awi azal n 8 000 n yimdanen ɣer-s armi d 5 yennayer 1985. Segmi yebda laẓ deg Ityubya, d igiman n udayen iflacen id-yunagen ɣer yigiṭunen n wid id-irewlen ɣer Sudan ɣef ḍar. Azal n 4 000 i yemmuten deg terwalin-agi. Di tazzwara yeɛmed Sudan i Israyel akken ad tent-awi ɣur-s imi Marikan teḥreṣ iten-id ùaca timura tiɛrabin ur qbilent ara ay-a dɣa Sudan tuɣal deg wawal-is. Ihi azal n 1 000 n udayen i yeqqimen dinna, amur ameqqran deg-sen unagen deg tmahilt n Jucwa i texdem Marikan. Ugar n wagim n warrac imecṭaḥ ufan-d iman-nsen ferrqen ɣef twaculin-nsen id-yeggran deg Tefriqt armi d tamhilt n Sliman id-yuwin ayen akk id-yeggran seg yiflacen ɣer Israyel.