Tala Ɛetman

Si Wikipedia, tasanayt tilellit.
Aller à la navigation Aller à la recherche
Globe icon.svgTala Ɛetman
Tala Athmane.jpg

Ansa
 36°43′35″N 4°10′13″E / 36.7264°N 4.1703°E / 36.7264; 4.1703Coordinates: 36°43′35″N 4°10′13″E / 36.7264°N 4.1703°E / 36.7264; 4.1703
Awanek anayanLezzayer
TawilaytTawilayt n Tizi Wezzu
TadayraTadayra n Tizi Wezzu
TaɣiwantTizi Wezzu

Tala Ɛetman (s tefrensist : Tala Athmane), d taddart ger tudrin n Tmurt n Yeqbayliyen, d tin i d-yezgan 15 n ikilumitren ar usamar n tɣiwant n Tizi Wezzu. Angal n tnazzant-ines (Code Postal) 15144[1].

Ayen i d-yezzin i Taddart n Tala Ɛetman:[ẓreg | ẓreg aɣbalu]

Tuddar tinaragin n Tala Ɛetman
Aɛeṛqub n Tbarda At Wagnun Ččalawaṭi (At Wagnun)
Tazmalt (n Tizi Wezzu) Taɣiwant ? Jebla (At Wagnun)
Tazmalt (n Tizi Wezzu) Asif n Sibawu Tamda (At Wagnun)

Tala Ɛetman tebḍa ɣef smmus(5) n igmamen(Quartiers) :[ẓreg | ẓreg aɣbalu]

Tala Ɛetman tesɛa :[ẓreg | ẓreg aɣbalu]

  • Aɣerbaz amenzu Atmaten Mula
  • Aɣerbaz alemmas amaɣras Amar Bubker
  • Tanazzant(Bureau de Poste) : angal-is 15144
  • Annar n ddabex n uḍar
  • Tazeqqa n tujya amaɣras Ɛliwat Belɛid

Amezruy[ẓreg | ẓreg aɣbalu]

  • Uqbel timunent n Lezzayer :

Deg iseggasen n 1930, Tala Ɛetman tella d taddart d tamecṭuḥt, tesɛa drus n imezdaɣ, Iɣil n Ufella, Tadukart d Lexmis llan d iɛeṛqyab, kera deg-sen tteẓẓun-ten ma d wiyiḍ kssen deg-sen lmal. 3(Kṛaḍ) n tisutwin(Générations) ɣer deffir, at taddart zedɣen ixxamen yebnan s walim d waluḍ, am ixxamen urkel n Tamurt n Iqbayliyen, di lweqt-nni win yesɛan axxam d lɛali-t d win yebnan s weblaḍ akked uqeṛmud n leqbayel. Tudert ussan-nni tella qssiḥet mačči d kra.

  • Lawan n tegrawla :

Lawan n tegrawla, tella-d yiwet n temlilit di Makuda, i g-llan s ddaw n laɛnaya n lyuṭnu Amer Bessalaḥ, i wumi qqaṛen "El Bass", igensasen(Représentants) n temnaḍin n At Wagnun d Makuda llan deg temlilit-agi. Tala Ɛetman tceggeɛ Mass Mula Ali(Ali Wamer) akked Mass Benziyan Muḥemmed(Ṛebbaṭ). Ssin-agi ttewakelfen ad jemɛen isurdiyen d isufar nniḍen i Tirni Tesllullit Taɣennawt(FLN). Mass Aṛezqi Kaceṛ rran-t d aqeṛṛu ɣef umussu-agi, imir yefren wid ara yilin deg umussu-agi : Gawa Ḥend, Benziyan Muḥemmed(Ṛebbaṭ), Ǧemɛa Akli, Amer Xeyaṛ, Certuḥa Aṛezqi, Geṭṭab Ali. Wigi ttewakelfen ad jemɛen tadrimt akked leslaḥ(Ibeckiḍen, Timeẓyanin...atg), amussu-agi yeḍmen isufar n wučči d teɣellist(Sécurité) n imenɣan (Imjuhad) ma ara mlilen, neɣ ma ara bedllen amekkan. Di tazwara n useggas 1955, Tala Ɛetman teṭṭef amekkan axatar (Important) deg Lwilaya tis 3, i d-yefkkan aṭṭas i waken ad d-tawi Tmurt n Lezzayer timunent-is(Indépendance).

  • Tallit n timunent :

Akken kan tefra tegrawla, Lezzayer tewwi-d timunent-is, imezdaɣ bdan tteɛawaden lebni n taddart-nsen, ayen iwumi qqaren Abraḥ(Tala) yettwaxdem deg useggas n 1963. Leǧameɛ, d lebni i yesɛan azal d ameqqran di taddart, yettwabna ger 1979 d 1982 di tlemmast n taddart, isem-is : Ɛetman Ibn Ɛeffan.

Tafrayt n tejmaɛt n taddart 2011[ẓreg | ẓreg aɣbalu]

Di tuber 2011, tella-d yiwwet n temlilit deg uɣerbaz amenzu i waken ad fernen tajmaɛt(Comité) tamynut i taddart. Tajmaɛt-agi tettewakellef i wakken ad d-tawi aṭṭas n isenfaren(Projets) i taddart, ger-asen : asufeɣ n waman ur nzeddig ara, asiweḍ n trisiti i ixxamen iḍeṛffen(Isolés), agudṛuni n iberdan, aɛiwed n tregwa...

Addal[ẓreg | ẓreg aɣbalu]

Tala Ɛetman tesɛa yiwet n tidukla n waddal (Association Sportive) i wumi ssawalen USTA Union Sportive de Tala Athmane, i yesɛan deg teqecwalt-is aṭṭas n waddalen : Dabex n uḍar, Lekarati akked Lkik-buksing.

  1. Tala Ɛetman deg La Dépêche de Kabylie