Azazer
| Azazer | |
|---|---|
 | |
| Tasensartut | |
| Tagelda | Plantae |
| Tafesna | Buxales (fr)  |
| Tawacult | Buxaceae |
| tawsit | Buxus Linnaeus, 1753
|
| Isali amatan | |
| Taɣbalut |
bois de buis (fr)  |
Azazer (Assaɣ ussnan: Buxus) d tawsit n imɣan imagnulanen yeṭṭafaren tawacult n tzazrayt deg tafesna n tzazrin. Tawsit-a d tin deg acu llant wazal n 90 n telmas id yettemɣayen deg yakk imenẓawen adɣa deg yideggan (imukan) isbegsanen d imezzayen. Tilmas-a gant d timeɣalin n tizzegzut (ur sseɣlayent ara iferr) yerna kra deg-sent d tid ilan (yesɛan) tikdi igerrzen s waṭas
Ammasen igejdanen n usemyanaw n tewsit-a ttilin deg Kuba d Ccinwa. Anagar n kra n telmas n Uruppa d Asya i zemren ad zbunt (ad beddent) mgal n wegris d uqerrif. Gar-asent snat n telmas ttemɣayent-d deg Uruppa. Tamezwart d azazer abelyar (Buxus balearica) id yettemɣayen deg Tama n Andalus akken daɣen i ttilint kra trawin deg Tigzirin tibelyaṛin d Sirdinya. Ma d talmest tus snat d tin yellan s tuget isem-is azazer imezdi (Buxus sempervirens) dɣa tettemɣay-d g tlemmast n Uruppa