Asifliw arurad

Asifliw arurad
Addad n taggaẓt
Talmest ur tettwaggez  (IUCN 3.1)
Tasensartut
Asmil	Aves
Tafesna	Passeriformes
Tawacult	Phylloscopidae
Tawsit	Phylloscopus
talmest	Phylloscopus collybita Vieillot, 1817
Taẓuni tarakalt
Isali amatan
Tehri	18 cm

Asifliw neɣ Asaflu neɣ Asifliw arurad (isem ussnan: Phylloscopus collybita) d talmest n yijqiwen yeṭṭafaren tawsit n usifliw deg tawacult n tsifliwin. Yettidir s tuget deg Uruppa d Tefriqt yakk d Asya. Ini n usifliw arurad d aras izgezwen deg ufella n tfekka-as, yakk d umellal deg wadis-is. Talmest-a tebḍa ɣer kra tdu-lemsin.
Tawtemt tbennu Agdef yemmugen am tkerbust (taqubbet) sufel neɣ zdat n tegnit (lqaɛa) yerna tzeddel ɣef yifrax annen daɣen id tettawi učči. Ma d awtem ur yila ara (ur yesɛa ara) tiremt deg usegdef neɣ deg usečči n yefrax. Maca iy setten (yettḥuddu) ɣef tegnit-is seg yigṭaṭ n iden neɣ mgal n inegmaren.

Am waṭas n telmas timeẓyanin n yigṭaṭ. Ula d asifliw arurad iga d iswi n kra inegmren imsuḍad am yimcac d tedɣaɣat yakk d kra n tsekliwin nniḍen.

Aglam

Tafekka

Asifliw arurad d yiwen n wegḍiḍ meẓẓiyen, tafekka-ynes teččur, awtem iwzen 8,7 g ma d tawtemt tewzen gar n 6 d 7 g. Amawaḍ n tdu-lmest n wanaw utrim P. c. collybita, ila (yesɛa) imuren ifellayen (n ufella) igan d izegza d izurirɣen (ur qessiḥ ara), yakk d waras. Ma d imuren iddayen (n wadda) d imellalen yedda ɣer tewṛeɣ deg wafriwen. Iṭarren-is d ikacbaren-is berrik-it.

• 
  Asaflu arurad d amawaṭ deg ufurk n useklu.
• 
  Amur adday n usaflu arurad.
• 
  Asaflu arurad.

Tiwetmin mmirwasen-t (ttemcabin-t) d iwetmen deg tmeẓri n yinan, maca meẓẓiy-it fell-asen. Ma d ifrax gan d arasen deg imuren ifellayen ugar n imawaṭen.

Tikeli

Učči

Asaflu arurad tettunag ɣef wučči deg yakk tinnanin n tudert tamɣawt.

Am yal talmest deg twacult-is, agḍiḍ-a meẓẓiyen iga d amesburɣes, anda yettwaf-d itemmed (ileqqeḍ) ibureɣsen (Tasnefriwin (Diptera), s talɣa tagejdant) d ugar n 50 n twaculin nniḍen d kra n telmas n tegritin akken iy tett Timellalin d tkeččawin n iferṭeṭṭa.