Ɛebderreḥman Bugarmuḥ

Si Wikipedia, tasanayt tilellit.
(Yettusmimeḍ seg Abderreḥman Bugarmuḥ)
Jump to navigation Jump to search
Ɛebderreḥman Bugarmuḥ
Tameddurt
Talalit Iwzellagen, 25 Fuṛaṛ 1936
Taɣlent Lezzayer
Lmut Lezzayer, 3 Fuṛaṛ 2013
Lxedma
Lxedma film director Suqel
IMDb nm0099310

Ɛebderreḥman Bugarmuḥ (s trumit: Abderrahmane Bouguermouh), d amseḍru n isura n tiliẓri d sinima aqbayli. Ilul ass n 25 di Fuṛaṛ aseggas 1936 deg uqbu, tamnaṭ n Bgayet, yemmut ass n 3 Fuṛaṛ aseggas 2013 di ldzayer.

D netta i d-isufɣen asaru ameqqran amezwaru s tmaziɣt / taqbaylit deg aseggas 1996. Isem-is Tawrirt yettwattun (La colline oubliée), i yellan d adlis umyaru Mulud At Mɛammar.


Tameddurt-is[ẓreg | ẓreg aɣbalu]

Ilul deg uzellagen ass n 25 Fuṛaṛ aseggas 1936, yella d mmis n uselmad n uɣarbaz afṛansi aqbuṛ, yemma-s ur teɣri ara, maca d tin yesnen aṭas tamedyazt d Ccna aqbayli. Yekcem s aɣerbaz alemmas deg Ṣṭif anida yedder iwala ayen iḍran ussan n mayu 1945.

Asegwas 1957 yemmuger-d amaru Mouloud At Mammar, i yuɣalen d amdakel-is ameqṛan. Iɛedda seg IDHEC (Institut des hautes des Etudes Cinématographiques) deg useggas 1960; Bugermuḥ isker tidwilin i Tiliẓri RTF di Cognac Jay.

Aseggas 1963 yuɣal-d ɣer tmurt iwakken ad ittekki deg usnulfu n CNCA (Centre National Cinématographique Algérien), win seg anda tessufɣen deg 1964 ɣef tiktiwin ines. Aseggas 1965 seg uḍris n Malek Ḥeddad yessufeɣ-d (comme une âme) asaru s tmaziɣt, asaru agi ur yettwaqbel ara seg uɣlif adzayri i t-yebɣan s taɛrabt; Sinna yunag ɣer lpari yessufeɣ-d asaru s tefṛansist, ayagi dayen is-d yewwin astixer i tikelt tisnat, d-huddu n uaru. asrau yagi werǧin i d-yeffeɣ ar assa.

Seg 1965 armi 1968 isker-d amazrar n imselɣet yerna yewwi-d tamusni d imusnawen iqedcen ɣef timmuzɣa, gar-asen mass Ḥannuz, Ṭawes Amṛuc, Mulud At Mammar, Mulud Baṭuc, Muḥend Aɛrab Bessaɛud. Amseḍru yerra ddahn-is ɣer yiwen imselɣet (usaru) aɣermiw, sinna isker-d asaru la grive aseggas 1967. Asaru i d-yewwin aṭas n warazen, yerna d win yellan ɣur ineɣmasen d amenzu deg usarag Adzayri.

Aseggas 1968, issars La coline oubliée Tawrirt yettwattun anda yura dakken asaru yagi ur yezmir ad yettwaxdem ala s teqbaylit, maca asenfaṛ agi rran-t-id (ugin-t) mebla asegzi. Ayagi yeǧǧa-t ad yidir iseggasen mebla leqdic, armi d asegwas 1973 anida i d-isker d Mohamed Lakhdar Hamina deg Chronique des années de braises.

Issufɣed (isker-ed) i Tiliẓri wa deffir wayeḍ les oiseaux de l'été, aseggas 1978 d Kahla oua beida, aseggas 1980, i d-yemmugren tarennawet tameqqṛant. aseggas 1987, isker asaru ines ameqqṛan 35mm Cri de pierre, i d-yewwin aṭas n warazen berra n tmurt, maca di ledzayer wten-d deg-s. Deg useggas 1989 yewwi-d ttriḥ iwakken ad yessuffeɣ s tmaziɣt (taqbaylit) Tawrirt yettwattun i d-yeffɣen di 1996.

Seg iseggasen n 60' isker-d aṭas isura imecṭaḥ, d wiɣaḍ imeqṛanen in Tiliẓri RTA Les Oiseaux de l'été (1978) d Noir et blanc (1986), Cri de pierre (1986), La Colline oubliée (1996).

Isura-yines[ẓreg | ẓreg aɣbalu]

Tamselyut[ẓreg | ẓreg aɣbalu]