Aɣyul n wureɣ

Si Wikipedia, tasanayt tilellit.
Aller à la navigation Aller à la recherche
Aɣyul n wureɣ
Apuleius1650.jpg
Laṣel
Ameskar Apuleius
Year of creation lqern wis 2
Azwel aẓaran Metamorphoseon d Asinus aureus
Tamurt taẓarant amenkud aṛuman
Characteristics
Tawsit ungal apiskaran
Tutlayt Talatint

Aɣyul n wureɣ d yiwen n ungal i yura umyaru amaziɣ Afulay (Apuleius) deg uwines wis sin seld tlalit. Yettuneḥsab d ungal amezwaru maḍi yakk deg umezruy n talsa. Yura t s tlatint.

Agzul[ẓreg | ẓreg aɣbalu]

Ullis i d-yeddan degs yettales-d (iḥekku-d) ɣef yiwen n ilemẓi iwumi qqaren Lusyus (d isem uymaru s yiman is) i yunagen ɣer tmurt Igrigiyen ɣef kra n ccɣel, yuɣ lḥal Lusyus a d awnaf aṭas, ira (iḥemmel) ad yegzu u ad innekcem g kra yellan, akken i iteddu yettnadi armi yurem (yeɛreḍ) ad yekcem deg lumuṛ n ssḥur d wid i ten ixeddmen, dɣa yessen dd yiwet n tmeṭṭut, d taqeddact n umdakel is Milu uɣur yerza, tezdi ten tayri kra n wussan deg uxxam nni, akken armi d yiwwas teɛreḍ ad t tɛiwen s ukerrer akken ad yuɣal d igider ; maca i twenza tamcumt, yuɣal d aɣyul, ihi din i dd bdan yingazen is d icaliyen is n leɛtab akked wid i dd yemlal gar imakaren, iqettalen, imeksawen, iɛebbaden n yilluten, imeṛkantiyen d wiyaḍ ; ayen ur nfukk armi tetterra tillut Izis (d tillut tamaṣrit) ɣer ṣṣifa s tanaṣlit n wemdan. Deg teqsiṭ, akken yella deg tfekka n uɣersiw bab n 4 n iḍarren, allaɣ n Lusyus yeqqim d win n wemdan kan, daymi yessaweḍ ad dd yedlu ɣef ayen yeffren deg tmetti, cceṛ akk yettmaggan ideg ilaq ad yettekki tikwal netta s yiman is, yerna mannect d abrid i yewweḍ ɣer yimi n lmut, s twenza kan ig sellek. Ihi d tilufa iwumi yeḥḍer i d-yewwi deg wullis is anda i yesserway tiqsiḍin d tmucuha iwumi isell daɣen ɣer wiyaḍ ssya ɣer da. Taxatart gar asent d tin n Psici (Psyché) d Cupidu i dd iḍehren i tekelt tamezwarut deg udlis a syin tuɣal terna ɣer tmitulujit taqburt. Aɣanib n umeskar yeččur d asaran; s kra la d yettales, yettarra kulci ɣer yir tawenza i t yeṭṭafaren anda yekka send ma ad fakkent fell-as. Dɣa di tagara yuɣal d axewni ameqqran ibedden i tillut i d-t-isellken seg yir tumelt i gkaber aṭas n wayyuren.


Taɣbalut : ablug n Samir Tighzert, Timuɣliwin