Yuwan Rugatinus

Yuwanis Rugatinus ( s tlatinit  : Ioannes Rogathinus ) d aqerru n yiserdasen abizenṭi di tasut tis seddis .Yexdem di temnaḍt n Britwar n tefriqt yeɣlin s ddaw n ufus n ucengu abizenṭi s ddaw leḥkem n umenkad Justinyan ( 527-565 ) . Di yennayer 563 yuɣal d netta i d aqerru n yiserdasen n tefriqt tabizenṭit meṛṛa  . Deg wazemz-agi i yenɣa aqerru ameqqran Kusina yellan d ameddakel meqqren n yibizenṭiyen ;  mi d-yusa ad yessuter amur-is seg yedrimen , d ayen yesserfan arraw-is xedmen tagrawla . Akken id-yettban ur yufi ara Rugatinus iserdasen akken ad ten-yenheṛ imi ffɣen akk i ufus-is ardekal timenɣiwt n Kusina , iceyyeɛ-d Justinyan aqerru n yiserdasen Martyan akken ad d-yerr imaziɣen igrawliwen ɣer talwit . Di taggara , yelḥeq win iḥekmen britwar "Tumas" ad d-yawi talwit s ustag meqqren gar-as d yigrawliwen .