Tixencelt

Tixencelt neɣ Xencla, d tɣiwant n tmurt n yicawiyen d tamaneɣt n twilayt n Txencelt. Tezga-d deg temnaṭ n Wawras deg wegmuḍ (ccerq) n Ledzayer, ar 1122 lmitrat deg tfellayt af yillel. Llan deg useggas n 2008 ugar n 108 580 imezdaɣ di tɣiwant-nni.

Tarakalt

Tixencelt tezga-d deg ugafa n twilayt n Txencelt, ar 470km seg Ldzayer d 100km seg Tbatent ar wegmuḍ. Bnan aɣrem-a deg ukessar n iɣallen imezwura n udrar n Wawras, ar utaram a d-nufa yiwet teqacuct i wumi qqaren Ixf n Sidi Ɣris. Deg wegmud illa yeɣzer n Baɣay.