Taggayt:Tasekla

Si Wikipedia, tasanayt tilellit.

Littérature. Aql-aɣ da, am wakk-a nezga… ntejjem wid i ɣ weǧǧan, wid ur nettwali ara d wid-nni izedɣen ulawen nneɣ. Akk-en yewɛeṛ ɣef walebɛaḍ ad yaf ameddakel n tidett, i yewɛeṛ fell-as beṭṭu yid-es. Tadukli ur s teggent tilas, ur tt ttruẓunt temɣer neɣ temẓi, ssaɛaya neɣ iri, tamussni d way-en iḍen. Timlilit d tegnitt slalayent-ed aḥulfu : ttemqadwan wulawen d tektiwin. D ay-a! Nnig way-a d asmeckukel d ukellex ɣef yiman-is, i wemdan.

Akk-a yal ass d asmeskti n Dda Ssaɛid s way-en iga d yemla, d way-en nnan wiyiḍ fell-as. Yal tiɣmert deg iɛedda tettader-ed isem-is. Tasreɣta, tamedyazt, tasekla, tiddukla, tasertit,… ttawint-d anza-s s yiseɣ d ṛṛeḥma. Win d-yudren Dda Ssaɛid, yader-ed taẓuri d yedles. Isefra d tezlatin wwint-ed ɣef tektiwin-is, tisebdad-is wwint-ed ɣef tezmert ufus-is, amezgun d isaragen wwin-d ɣef tugniwin i yebɣa ad beddlent… Ma d “Tasga n ṭṭlam” d ungal swayes awal yessurug s awal, d asdukkel n tektiwin ta ɣer ta, d acqirrew n way-en yessefken ad yili neɣ ad ibeddel.

Dda Ssaɛid yessaǧew ka ila ɣef tidett d yiseɣ s wul zeddigen. Tamussni-s tessager allaɣ, teffud ak timussniwin, tnuda timlilit d “wayeḍ”. Deg wawal n Urezqi Isyaxem : “…Je découvrais peu à peu pendant notre entretien un personnage attachant qui révélait son avidité des émotions pures, sa fascination pour les hommes de cultures de quelques origines qu’ils soient et une connaissance aiguisée de l’Histoire de notre pays.” Yesnulfa-d Muḥend Akli d temɣart n temɣarin s wudem n tlelli akk-en yella netta s timmad-is d wamek yettwali tudert : izenẓaren yuɣen d tafat. “Tafat i swayes iẓerr yeẓri deg way-en iferken. Tidett tettekkes timedlin imedlen ɣef yeẓri ifuden tafat. Tilelli, tidett, tafat d abrid uɣris ideg ggunin aṭas n yelmeẓyen d telmeẓyin.” Maca tuttriwin-is ur ufint ara tiririt neɣ ur tiririt ur s teččuṛ ara tit. Iseqsiyen-is gran-d ɛellqen am zzit n useggas-nni deg rrẓen yecbayliyen.

Asmekti n Dda Ssaɛid d agmar n tizizwit, d asmenteg n tilla d tekta. D tagemt deg wenza swayes yettili gar-aneɣ, amzun yedder. Dda Ssaɛid d azamul n tudert d yedles d tẓuri d tedmi zeddigen. Dda Ssaɛid d timmugent n yal aseggas i nekni d-yegran deffir-es.

Nnaṣeṛ Uqemmum Ass 25 dujembeṛ 2005.

Adutaggayin

Taggayt-agi tegber 2 n taggayin tisnawanin, gar-asent tigad 2 ddaw-a.

A

Isebtar deg taggayt "Tasekla"

Taggayt-agitegber 11 n isebtar, gar-asen 11 n ddaw-a.