Ramsses wis sin

Ramsses wis sin
pharaon (fr) 31 Mayyu 1279 BCE - 1213 BCE ← Séthi Ier (fr) - Mérenptah (fr) → 1. roi de Saqqarah (fr) - Séthi Ier (fr) → 3. pharaon de la XIXe dynastie (fr) ← Séthi Ier (fr) - Mérenptah (fr) →
Tameddurt
Talalit	1303 BCE
Taɣlent	Égypte antique (fr)
Tutlayt tayemmat	égyptien ancien (fr)
Lmut	Pi-Ramsès (fr) , 1213 BCE
Ideg n uẓekka	KV7 (fr) vallée des Rois (fr)
Tamentilt n tmekkest	isragen igamanen (athérosclérose (fr) )
Tawacult
Baba-s	Séthi Ier
Yemma-s	Mouttouya
Tissulya akked	Néfertari (fr) Hénoutmirê (fr) Nebettaouy (fr) Merytre (en) Bentanat (fr) Isis-Néféret (fr) Maâthornéferourê (fr) Mérytamon (fr)
Arraw-is	view Mérenptah (fr) Ramessou (fr) Mériatoum (fr) Khâemouaset (fr) Hénouttaouy (fr) Ramsès-Méryamon-Neboueben (fr) Mérytamon (fr) Bentanat (fr) Nebettaouy (fr) Parêherouenemef (fr) Mériamon (fr) Amonherkhépeshef (fr) Baketmout (fr) Hénoutmirê (fr) Bentanat II (fr) Horherouenemef (fr) Takhat Ire (fr) Amenemopet (fr) Merytre (en) Sétepenrê (fr)
Atmaten-is d yissetma-s	Nebchasetnebet (en) , Tia (fr) d Hénoutmirê (fr)
Tawsit	XIXe dynastie égyptienne (fr)
Tiɣri
Tutlayin	égyptien ancien (fr)
Amahil
Amahil	homme d'État (fr)
Addud	1,9 m

Ramsses wis sin, illul deg ahat 1304/1301 uqbel sidna Ɛisa, d yemmut deg ahat 1213 uqbel sidna Ɛisa, d ugellid (aferεun) wis tlata n tawacult tis tseɛṭac n yiferɛunen (Maṣer tagelsant), yeḥkem gar 1279 ed 1213 uqbel sidna Ɛisa, d tallit tis snat ɣezzifen maḍi akk deg umuzruy n Maṣer taqburt. Yettwassen mliḥ s ṭṭṛad-is mgal yihitiyen ed mgal yilibiyen (lejdud n imaziɣen), yettwassen daɣen s uhil-is n lebni ed akked isebdaden-is yimeqqranen.

Di tazwara n tgelda- s, yefka lwalha- s ɣef lebni n temdinin, ifukan, d ismektayen. Sakkin, mi d-yesbedd tamdint n Pi-Ramesses deg Udelta n Nil, yerra-tt d tamaneɣt tamaynut n Maṣer yerna yesseqdec-itt d amkan agejdan n ussewjed n tḥemliwin-nnes deg Surya. Ramesses yewwi aṭas n tnemzagin tiserdasiyin ɣer usammar alemmas, anda i d-yerra tuṭṭfa tamaṣrit ɣef kanɛan d Finiqiya; yewwi-d daɣen ddeqs n tnemzagin ɣer Nubia, yerna ttwamektayen-d akk deg tira ujerred (inscriptions) ay d-yellan deg Beit el-Wali d Gerf Hussein. Yesfugel 13 neɣ 14 n tmeɣriwin n Sed — ugar n yal ferɛun nniḍen deg umezruy n maṣer.

Aṭas i yimgerraden ɣef leɛmer-is mi yemmut, ɣas akken 90 neɣ 91 ay yettwaḥesben d amḍan ay izemren ad yili. Asmi yemmut, yettwamḍel deg yiwen n uẓekka (KV7) deg yeɣzer n yigelliden ; Tafekka-s syin akin rran-tt ɣer tuffirt tageldant. anda ay tt-id-ufan yimassanen n tgemmi (archéologues) deg 1881. afekka n Ramsses tella ass-a deg Usalay Aɣelnaw n Tɣerma Tamaṣrit, ay d-yezgan deg temdint n Lqahira.

Tudert tamezwarut

Ramsses ii ur d-ilul ara d ageldun. Jeddi-s Ramsses Amezwaru yella d aẓazir yerna d afesyan aserdasi deg tallit n ferɛun Huremheb, d netta i yerran Ramsses d agellid ad d-yasen umbeɛd-is. di tallit-nni, Ramesses II yesɛa azal n mraw d yiwen n yiseggasen.

Deffir tmettant n Ramsses Amezwaru, mmi-s Seti yuɣal d agellid, isemma-yas i mmi-s Ramsses ii d ageldun n tgelda deg leɛmer-nnes n wazal n 14 n yiseggasen.

Tiɣzi n tgelda

Azemz n unekcum n Ramsses ɣer ukersi n lḥekm yettwasekles s yisem n "III Shemu, ass n 27", ay ttwalin amur ameqran seg yimusnawen n Maṣer n zik d ass n 31 Mayu 1279 send talalit n Ɛisa.

Anmezray uday Yusefus, deg udlis-is "Contra Apionem" i d-yeddan d tanga seg Aegyptiaca n Manetho, yefka-yas Ramsses II ("Armesses Miamun") tagelda n 66 iseggasen, 2 wagguren. Aya yettwakcef-d s umata s teswast n tferka n Papyrus Gurob L, anda aseggas 67, ass n 18 deg Ramesses wis sin, din din i t-id-yeḍfer useggas 1, wis sin Akhet ass 19 n Merneptah (Ramsses II), anamek-is Ramsses II yemmut azal n 2 n wayyuren deg useggas wis 67 n useggas n tgelda.

Azemz n tmettant n Ramsses wis sin i d-yettwaskelsen ass wis sin Akhet 6 yeɣli-d akken iwata deg wayen i d-iqqar A. J. Peden d akken yemmut ugellid deg tuzzya gar Akhet wis sin ass wis 3 d Akhet win sin, ass wis 13. Anamek-is d akken Ramsses II yemmut deg useggasen wis 67, Akhet wis sin, ass wis 6, seg tgelda-s mi yeḥkem Maṣer 66 iseggasen 2 wagguren d 9 wussan.

Tiḥemliwin tiserdasiyin

Ramsses II iga aṭas n tḥemliwin tiserdasiyin akken ad d-yerr igelluyen-nni ay iɛerqen zdat Yinubiyen d Yiḥitutiyen, iɣellsanen tilisa n Maṣer yernu ad yesseǧhed tazrirt-nnes. Taredsa-s tesɛa azal n 100.000 n yirgazen.

Tarennawt mgal iqerṣanen Shardanes : seg useggas wis sin n leḥkem-is, yemḥeq iqerṣanen i d-yusan ahat seg Anatolia neɣ Sardinya. Imenɣiyen-a, syin kecmen ɣer uεessas-is udmawan.

tawayt deg Surya:

Aseggas wis 4: aẓdam n Loverou, yettabaɛen Iḥitutiyen.

Aseggas wis 5: Imenɣi n Qadesh mgal Iḥitutiyen n Muwatalli II. Ramsses yenna-d tarennawt, maca s tmuɣli tastratijit Iḥitutiyen qqimen d imεellmen n temnaḍt-a.

Aseggas wis 7: tawayt tamaynut deg tmurt n Surya d Kenɛan, tuṭṭfa n temdint n Lquds, Muεab, akk-d Dimecq iwakken ad tili ddaw tazrirt tamaṣrit.

Aseggas wis 8 -9 : yuẓa ɣer Dapour d Tunip, deg ugafa n Loverou, maca war agmuḍ imezgi.

Ulamma aṭas n tarennawt taredsant, ula d yiwen seg yidis-nni ur yessaweḍ ad yeḥkem tamnaḍt-a aṭas n wakud.

amtawa n talwit akked Yiḥitutiyen: deg useggas 21 (1259 B.C), Ramsses wis sin yefra-tt d Hattusili III, d amtawa amezwaru n talwit yettwassnen, S waya, yekfa yimenɣi i lmend n leḥkem n Surya yerna yesbedd-d talwit ara idumen.

tawayt n Nubia Ramsses: yewwi daɣen tinemzagin ɣer unẓul, akkin i ucarcur amezwaru n Nnil. Ddan warraw-is. Ifakanen am Beit el-Wali d Gerf Ḥusin smektayen-d timennayin-a.

tawayt deg Libya: yesbedd-d azeṭṭa n igudar deg tlisa n yilel agrakal n Libya. Iɣbula-a ttmeslayen-d ladɣa ɣef tawayt taserdasit tamaṣrit, maca war ma llan ttmeslayen-d s telqayt ɣef yimenɣiyen imeqranen.

S tewzel kan, Ramsses wis sin yella d amgaray, d adiplumaṭ : tiwayin-is tiserdasiyin, tikwal d tid i d-igellun s yigmaḍ-nsent, ssulint amtawa n talwit akked Yiḥitutiyen, ḍemnent arkad amassaɣ i Maṣer.

Isenfaṛen isegdanen imeqqranen n Ramsses II

Ramsses wis sin yessenker-d, seg useggas wis 3 n tgelda-s, yiwen seg wahilen imeqqranen akk n lebni i d-yellan seg tzumag. Yella yebna neɣ yerra-d ayen yettwabnen yakan seg Delta ɣer Nubia, ibeddel Maṣer d asmel meqqren i tmanegt-is. Yella yesseqdac taẓuri d allal n tezniwt, yura s telqayt tira-nnes deg ifukan, i wakken ad qqimen i lebda seddaw n yiṭij, d azamul n wassaɣ-is akked yillu Ri.

Tibes(Thebes): Ifakanen iqburen uɣalen mmugen akken ad qadren Ramsses d illu yeddren.

Pi-Ramsses: yesnulfa-d yiwet n tmaneɣt d tamaynut deg Delta Usammar, isem-is Pi-Ramsses Aa-nakhtu ("Agezdu n Ramsses, d ameqqran deg tmerniwin"), iqerben ɣer Levant akken ad yessifsus tiḥemliwin-is. Tamdint-nni yella deg-s yifakanen, yiwet n tiɣremt tageldant d tameqqrant ula d urti n yiɣersiwen.

Ramssum: afakan n temḍelt n Remḍan wis sin deg Tibes, mucaεen s yisebdaden-is imeqqranen (d yiwen seg-sen 17 m d wugar n 1000 n yiṭunen) d tifelwiyin-is i d-isban ayen tarennawt-is deg Qadesh.

Abu Simbel: yettwabna azal n 1255 U.Ɛ, afakan-a yeɣza deg uẓru n Nubie, yettwahda i Ramsses d tmeṭṭut-is Nefertari, d azamul n tezmert-is n Rebbi d tin n lebda. Ufan-t-id deg 1813, yuɣal d yiwen seg yimekwan yettwassenen akk deg Maṣer taqburt.

Imekwan nniḍen: Ramsses yebna neɣ yerra-d aṭas n yifakanen deg Nubia (Beit el-Wali, Gerf Ḥusin, Kalabsha) yerna yessuter lebni n waṭas n yisebdaden ijehden, gar-asen yiwen seg 83 n yiṭunen tura deg uskan ɣer tama n usalay amaṣri ameqqran.

Tifin tiasenzikt tineggura-ya (2018 -2024) beggnent-d ayen i d-yegran d ajdid icudden ɣer Ramsses II : d akersi asfuglen deg Matariya, tafekka deg ugranit azeggaɣ icebbḥen s uzamul n Ka, yerna ula d agestur n wureɣ yettwacerḍen s yisem-is i d-yufraren deg yiwen ugadir n 3,200 iseggasen-a yagi.

Tamettant d temḍelt n Remsses wis sin

Remsses wis sin yeḥkem azal n 66 n yiseggasen, yerna yemmut deg leɛmer-nnes azal n 90 n yiseggasen, yemmut deffir leḥkem ɣezzifen n liser d lufa. Ɣer taggara n tudert-is, yella yesεa uguren meqqren n tuɣmas, takriṭ d waṭṭan n wul. Yeǧǧa-d yiwet n temnekda d tamerkantit d waṭas n yisekwan. deffir ma yerbeḥ rrbeḥ d ameqqran. Ɣer taggara n tudert-is, yella yesεa uguren meqqren n tuɣmas, d waṭṭan n wul. Yeǧǧa-d yiwet n temnekda d tamerkantit d waṭas n yisekwan d ifukan. Tẓa n ifarɛunen wwin isem-is s yiseɣ-nnes.

Tamumya n Ramsses wis sin

Yettwamḍel i tikkelt tamezwarut deg uẓekka n KV7 n Tɣzut n Yigelliden, maca ɣef lǧal n tukarḍa yellan deg tallit-nni, lmuqedmin aṭas iberdan i ibeddlen amkan n uẓekka-nnes, uqbel ad t-ffren deg uẓekka n umazday TT320, anda i t-id-ufan deg 1881. Tura atan deg usalay aɣelnaw n tɣermiwin timaṣriyin deg Lqahira.

Tamumya-nnes tessken-d yiwen n wergaz s teɣzi n 1,70 m, s wudem ijehden d ucekkuḥ azeggaɣ, yezmer lḥal yettwasfeḍ s lḥenni. Tiskanin- agi ssawḍent kra n yemnadiyen ad amnen belli yella seg yiwen n wegdud yesɛan acekkuḥ azeggaɣ, yerna yeqqen s lemtel ɣer yillu Set — isem n baba- s, Set Amezwaru, yeɛna s tidet “win i d-iḍefren Set.”

Deg 1976, ttwazen-d tamumya-nnes ɣer Fṛansa akken ad tt-id-ṣeggmen, anda ay tt-id-snebgin s yiseɣ aserdasi. Tasleḍt tasnujjyant sseknen-d aṭas n yimejraḥ iqburen deg tfekka-nnes, d d yiwen n unfafad n tuɣmas izemren ad yili d sebba n tmettant-nnes. Send adawi, rran-d tamummit-nni ɣer Maṣer deg 1977.

Iẓekwan n twacult

Nefertari, tameṭṭut-is tagejdant, tettwamḍel deg yiwen uẓekka d ummid i d-yufa Ernesto Schiaparelli deg useggas n 1904. Tifelwiyin-is n uɣrab i d-yekkan seg udlis n wid yemmuten n umyi amaṣri, seg tẓuri tamaṣrit i icebḥen akk.

KV5,yettwaf deg useggas 1995, d aẓekka meqqren n warraw-is : ugar n 150 n texxamin i d-ibanen, ahat alamma d 200, ɣas akken timumyitin ttwaɣent deg tallit taqburt.

Tajmilt tatrart

Deg 2021, tettekka tamumya n Remsses II deg ufsir n "ureɣ n Ferεun" deg uɣlaḍ n Lqahira, d asiweḍ yettεan azal ɣer usalay amaynut n Lqahira, ɣer tama n 21 n yigelliden nniḍen.