Karkasan

Si Wikipedia, tasanayt tilellit.

Karkasan d aɣella amaziɣ n Yisfuras , yiwen seg yiderman imermadiyen yeddren di Ṭrabels itekkan deg tegrawliwin timaziɣin deg ugezdu n Brituryan n Tefriqt mgal ucengu abizenṭi deg tlemmast n tasut tis seddis . iban-d deg ubrid amezzwaru deg tira n Jan trujlita ɣef nnfaq deg tegrest n 546/547 , mi xesren yiqerra imaziɣen meqqren akka am Antalas sdat yiserdasen ibizenṭiyen di tefsut n 547 , mi yemmut Laɣwatan Yerna ( isem-is Yerna anamek-is yerna at n Laɣwatan s umeslay n wassa aqerru n udrum n wat Laɣwatan iwumi qqaren daɣen Ilewwatiyen ( Lewata ) ) yejmeɛ Karkasan iderman imaziɣen yettwabḍan yuɣal d aɣella fella-sen . Mi yeccawer amẓur n ukafan n Amun , yuɣal ɣer umennuɣ yuwi asen-d lexsara meqqren di tnegluft n Marta

Di tefsut n 548 , yennuɣ netta d Antalas akked Jan trujlita d uḥbib-is Kusina . Xedmen yiserdasen imaziɣen tagrawla meqqren ɣef Trujlita qqimen deg luḍa n Mummas . Yella Karkasan yebɣa ad yennaɣ d yiserdasen n Jan din din , imi yesɛa tabɣest d tumert i s-d yekkan s rrbeḥ n yilindi-nni . Maca yeǧǧa-d adeg i Antalas , i yxedmen awellay yettḥadaren akter , ad uɣalen ɣer deffir akken ad jebden iserdasen n ucengu ɣr daxel n tmurt , dɣa ad tent-err tmara ad aẓen ɣer sdat ad beɛden ɣef wanda i llan niqal , ad ɛeddin seg tmura yerɣan ( d timura i deg ulac la lmakla la aman kullec deg-s yerɣa ) akken ad ɛeyyun ad asen-iruḥ usirem . Xedmen yigrawliwen iwellayen n Antalas . Maca mi akken ggan igiṭunen deg luḍa n yigran n Katun , di Latara . xedmen tanegluft iqeɛden ideg ad mlilen udel s udem d yiserdasen n ucengu . deg yimenɣi ardekal wagi , rebḥen yibizenṭiyen d wid yeddan yidsen seg yimaziɣen , yemmut Karkasan di tnegluft d Trujlita i t-yenɣan s ufus-is