Isarazniyen

Si Wikipedia, tasanayt tilellit.

Isarazniyen neɣ Isarasniyen d isem i yettunnefkan deg yiseggasen ilemmasen sɣur yimezdaɣ n Turuft i yimdanen i yeṭṭafaren asɣan n tneslemt. Qqaren-asen daɣen "Iɛraben" (Imi imiren ammas n tneslemt llan d iɛraben) , "Imuḥammadiyen" (Ɣef yisem n yimceyyeɛ Muḥemmed),"Ismaɛiliyen" (Imi imceyyeɛ Muḥemmed d yiɛraben si d dderya n yimceyyeɛ Yesmaɛil) neɣ daɣen "Ihaǧeriyen" (d tirrin ɣer Haǧer tameṭṭut tis snat n yimceyyeɛ Yebrahim sɣur d-ilul Yesmaɛil baba-s n yiɛraben). Snulfan-asen-d daɣen ismawen-nniḍen akka am "Imuriyen", i yettarran ɣer yimaziɣen d yiɛraben n Tefriqt n Ugafa ardekal anekcum n tneslemt ɣur-s. Ismawen n "tneslemt" d "yinselmen" llan ulac-iten deg Turuft n tallit-nni, akken ad mmeslayen ɣef yinselmen llan sexdamen awalen*agi ma d akken ad bedren tineslemt qqaren-d "ccariɛa n yisaraziyen".