Hazdurbaɛl Aḥeqqi

Asebded i Hazdurbaɛl Aḥeqqi deg temdint n Qerṭaǧna tasbenyulit i yebna.

Hazdurbaɛl Aḥeqqi (s tbuniqit 𐤏𐤆𐤓‬𐤁‬𐤏𐤋, yedder gar 270 armi d 221 ST) yella d aɣella n tsertit, d aqerru ɣef yiserdasen aqerṭaǧi, d anembaḍ n temcagzirt tibirit ardekal lmut n Hamliqar Berqa, d netta i yebnan tamdint n Qerṭaǧna tasbenyulit.

Tawacult

Hazdurbaɛl (neɣ daɣen Saderbaɛl) yella d argaz n weltma-s n uɣella Ḥannibaɛl Berqa d argaz n yell-is n Himlaqar.

Axeddim

Yeḍfer Hazdurbaɛl Himlaqar deg uxeddim-is mgal ineṣbaɣuren iqerṭaǧiyen yeččan tamurt-nsen di taggara n nnfaq abuniqi amenzu, syin yedda yid*-s ɣer umenɣi-ines deg Sbenyul deg useggas n 237 ST. Di tallit gar 231 d 23.0 ST yessexdem Hazdurbaɛl isem n Himlaqar akken ad yawi lehna d yinumiden yettidiren di swaḥel n Tefriqt n Ugafa, din din tuɣal teɣli Numidya sdat yiqerṭajiyen.

Asmi yemmut Hamliqar deg 228 ST, yeṭṭef Hazdurbaɛl amdḍiq-is, imi arraw n Himlaqar meẓẓiyit aṭas, yiwen akka am Ḥannibaɛl i d amenzu gar warrac yesɛa kan mraw d tẓa n yiseggasen imiren, Hazdurbaɛl yuwi-d abrid n tdiblumasit d umciwer yugi abrid n nnfaq, ɣef way-a yemsefham d yiderman ibiriyen d yimaziɣen yerna yemɛahad d yirumaniyen i wakken ad sunɣen tilisa n tmura-nsen ɣef wasif n Tebret ( Ibra s taɛrab/ Ebru s talitinit d tutlayin n umalu akka am tesbenyulit d teglizit), amsefhem-agi uwint-*id snat n tmehrasin tigrigin d tin n Unburic (Anboryas) d tin n Saɣuntu tibiritn, i yugaden aṭas seg usewseɛ n yiqerṭaǧiyendɣa erran-d ɣer tama n Rum i wakken ad tesseḥbiber fella-sen, Hazdurbaɛl yeqbel s tmara kan imi llan ur ǧhiden ara aṭas i wakken ad rren asewseɛ-,nsen d wakal-nsen di yir liḥala deg umennuɣ ara d-yasen di yir akud

Aselqef

Mi ɛeddan Ṣa n yiseggasen, deg useggas n 221 St yenɣa-t yiwen n wakli ɣer ugellid aqelṭi Tagus, id-yerran ttar i bab-is yettwanɣan sɣur yiqerṭaǧiyen ardekal n lmut-is, yeṭṭef Ḥannibaɛl Berqa amḍiq n Hazdurbaɛl Aḥeqqi yemmuten.