Ferruǧa Sudad

Ferruǧa Sudad d yiwet tmedyazt taqbaylit, d tameɣnast af tutlayt n tmaziɣt. Tlul di 17 meɣres 1934 di taddart n At Lqayed, ddaw udrar n ǧerǧer di lɛerc At sedqa di tama Iwaḍiyen d Wegni Geǧran. Am tilawin n leqbayel n talit irumyen, ur i ttidiṣaḥ ad tekcem ar uɣerbaz. Lamaana aɣerbaz n dunit tezmer ad teselmed aṭas i medden imi tilufa ik 3eddan fellas mačči d yiwet : tamettant n gmas Ramḍan di trad mgal Franṣa (1954-1962), tamettant n gmas wayet Amar di yiwet n laksida n tkarust deg segwas 1993, lehlak n wergaz-is d acḥal isegwasen armi d tmettant-is deg 1985.

Anecta yakw ig ɛeddan fellas, Ferruǧa Sudad tsuqlit-id ar isefra. Aṭas isental (sujets) af ayen i-t-sefra, gar asen: trad mgal irumyen, af watmaten-is imuten, af wargaz-is, tidyanin n tefsut tabarkant di tmurt n leqbayel (2001), af inig (lɣwerba) n leqbayel, tilufa n twaculin s umata. Tebda tamedyazt asmi tesɛa 24 isegasen, mi yemut kan gma-s Remḍan deg 1958. D tilufa n ddunit, akw d umenɣi af izerfan n wemdan d tutlayt tamaziɣt, d anecta yakw id yibwin Ferruǧa Sudad s anar isefra.

AYEN YEDRAN DI TMURT, IBRIR 2001

Tidyanin n tefsut tabarkant i yebdan di tagara n ibrir (kuzyur) 2001 ar nant i Ferruǧa Sudad afud amuqwran i waken a ttkemel deg mecwar n tmedyazt. Imi anect-nni iqerḥitt nezeh, aken yakw iqreḥ iqbayliyen, u yal amdan isɛan ul. Asmi id ḍrant tidyanin agi, yufatt lḥal di tmurt n Kanada di Marikan ugafa, ar yellis. Din t-tteka di yal temesbanit id yellan din sɣur leqbayel, ama di tɣimant n Muriyal neɣ tin n Uṭawa, tamanaɣt n Kanada. Illa wanda teṭef ula d asawaḍ i waken ad sebgen urfan-is s isefra i texdem ilmend n tedyanin agi n tefsut tabarkant. A tnan kra isefra i texdem ilmend n tefsut tabarkant:

Ayen yeḍran di tmura

Yettru wul tejreh tasa

ɣef ayen yedran di tmura

I yenɣan ay ilmezyen

mazal ur zwijen ara

Nɣan-ten ɣef Tmaziɣt

d nnif mačči t-takwerda

I tkkerm a nemwafaq

akken i nxedm i Franṣa

Immut umelyun d nnefs

am akken ur tt-id ḥerren ara

Ččan-ts igad ur neklal

d lḥecma ur as-daren ara

Assa mi d-dehren lumur

arwan akkw lejnas taḍsa

Kkert a wid i zewren

ad a-ɣ-d tessuksem

an idir deg lḥerma

Nettwaḥqer

Yettru wul yugi ad yesber,

ay atma netswaḥqer

kul ass fell-aɣ d amenɣi

Ig mmuten ay ilmezyen

adim yeɣleb leḥmali

Mmuten akkw ɣef Tmaziɣt

tin frren si zik-nni

ɣurwat ayetma att-feclem

s lkuraj a-tt-id nawi

Wi mmuten ad-as yaafu

degw mezruy ad immmerki

A lxir llan yergazen

i-ɣ-tt-id yeskweflan

itij-is ad yeflali

ɣurwet ay atma att wexrem

idim yeḥwaj tilelli

Ḥkemn-aɣ-tt Waɛraben

Yettru wul atah yehzen

rrzaget ula d lmakla

Lzayer ats-an tennehwel

s idamen i-ts-id nhella

Hkmmen-aneɣ-ts Waa3raben

kkesen-aɣ ula d llu$a

Kkren-d warraw n lefhul

ur nqebil lbatel amma

I yenɣan degg lmezyen

kul adrum degs rraawa

Attrunt akkw tyemmatin

ɣef arrac i-d nrebba

Arraw nkwent d imjuhad

isem-nsen di lmunima

Tamaziɣt tura tedhar

slan yis lejnas merra

Kkert argaz tamettut

nuɣ tanumi d lgirra

Nekkweni yakkw s Imaziɣen

a nebnu Lzayer uzekka

Lɛaslama s lɣaci

Asefru agi tewit-id Ferruǧa Sudad asmi i teḥder i tikelt tamezwaru di yiwet n tmesbanit di Kanada deg yunyu (sedyur) 2001.

Lɛaslama s lɣaci

aqrur argaz tamettut

Nussa-d an su$ ger lejnas

ɣef ayen ay derrun di tmurt

I yen$an ay ilmezyen

a-ten tsseggiden am lhut

Ccan izerfan nneɣ

ugin a-ɣ ldin tappurt

Kkert akkw s Imaziɣen

an n3iwen argaz tameṭut

Aṭas i mazal gnen

Ferruǧa Sudad imi twala amek leqbayel gan afus deg fus di yakw timesbaniyin id yellan di Kanada akw d lwilayat n marikan ugafa (USA) di 2001, texdem-ed yiwen usefru af wanecta.

La cennuɣ ssefrayeɣ

ay atma helkaɣ

atas i mazal ttsen

Ferqen yakkw d ikabaren

mazal ur faqen

hed ur yeppwid ɣer lebɣ-is

I teyyem an-neddukel

amar a-ɣ-d idher yixef-is

A nennaɣ ɣef Tmaziɣt

di lka$ed ig cbeh yisem-is

Nekkweni d arraw n Lzayer

yal w'ad yili s lqedr-is

Iɣriben

Asefru agi d tajmilit i texdem Ferruǧa Sudad i leqbayel i gellan berra n tmurt, af uqedcen nsen af tmaziɣt akw d izerfan n weɣref aqbayli.

Ad cekreɣ yakkw iɣriben

wigad iklalen

at nnif t-tsirugza

A tsnaɣen yakkw gef Tmaziɣt

tin i fren macci d kra

Fren-ts ay atma d leqrun

wehmaɣ d acu i d sebba

Nudan-ts-id wigad yeɣran

sfaqayen di laama

Mi ten-zran nitenni a-ten-nɣen

qqaren-aɣ d laksida

Ma tura nfaq a ddewla

ɣas d ameksa di lexla

Tamaziɣt a-ts-id nawi

ɣas tegwraya-ɣ-d ccama

LɣWERBA D IɣEBLAN N TWACULT

Ferruǧa Sudad tsufri s tmettant n Yemma-s, , n wergaz-is, n sin n watmaten-is, n mis awḥid. T rebbad u tsekred krad (3) n tullas. Deg 1985, argaz d win i t sɛeda 28 isegwasen yebweḍ tisureft n yakuc. Mraw yan (11) isegwasen ar zdat, yellis tamecṭuḥt tuneg ar tmurt n Kanada. Anecta iǧad degs aṭas n leḥzen imi d nettat i gellan d amwanes-is deg uxxam acku snat nniden yufad lḥal fɣent zewǧent. Af tilufa agi yakw n ddunit: lɣwerba, iminig n yellis, tamettant n wergaz-is, d ttin n yemas, atg., tebbwid fellasen isefra, atnan kra seg sen:

Lɣwerba

A trruɣ imeṭi d arqaq

ay atma ḥed ur izri

ɣef nekk i nyejjan tamurt

ansakken i-d nefruri

Nesrafɣ-ed yakkw am leḍyur

ɣer tmurt n lberrani

Nejja-n imawlan a ttrun

nfurq-ed mebla lebɣi

Rrekba-ynu di rrubyan

deg genwan la tettɛelli

Tarusi-w di Kanada

ufiɣ-d ljens llɛali

La ttnadiɣ ɣef Leqbayel

i wakken ad nemḥami

ɣas s iwleɣ-as i yemma

di lxiḍ ulac awali

ṭhella di ddaɛwa lxir

am assa ad nwelli

Tafsut Imaziɣen di Kanada

ɣef Tmurt n Kanada

ɣef yekkat wedfel yeqwa

Tebbwi-d irgazen akkw yeɣran

tudrin ula d acemma

ǧǧan-en imawlan a ttrun

i twaɛred a bettu n tasa

Kanada xdem-asen lxir

tefked-asen yakkw lqima

Assa t-tameɣra t-tmaziɣt

a-tt-id-afen i neggura

Azul siwd-it i yeɣriben

akken ma llan s ljemla

Asefru id iteddun af wasmi i temut yemma-s n Ferruǧa Sudad. Mi tekcem yemma-s ar ṣbiṭar n Tizi Wezzu, azekka-nni tesewjad i wakken a tterzu fell-as ar ṣbiṭar. Tekred af 5 n tifawin (ṣbeḥ) i waken ad taweḍ zik ar Iwaḍiyen, azal n 5km si taddart-is, s wanda lkiran (Bus) ttruhun ar Tizi Wezzu. Ihi tebbweḍ uqbel lawan s waṭas, tella tettraǧu, s wayen yakw i yasdeqḍa i yemma-s. Yufad lḥal tella temut, u srabes n ṣbiṭar sawḍen isalen (lexbar) ar taddart-is af tmettant-is mebla ma tezra yell-is Ferruǧa i tt-ittrajun di berra d acḥal n swaya. Anecta ijjad degs aṭas n later, ladɣa ayen id yernan mačči d yiwet: tazwara tawacult ilaq ad taf iman-is aṣenduq. Mi ruḥen a t idqelben uɣalend, yufad lḥal, ixedamen ay zemlen (signer) tawafɣa n tmerḥumt fɣen. Isyin akin anwa ara yzemlen, armi bessif i tuffa. Imir-en akin, nnan asen belli ulac takaruct n Ambulans a yawin tamerḥumt. Tara tmara tawacult a-tt-tawi di tkarust menwala. Anecta yak tebbwid fell-as asefru, atan:

Ass n tlata taṣebhit

Ass n tlata taṣebhit

S zzerb ay bdiɣ tikli

Abrid ɣer Tizi Wezzu

I yemma a-tt-id nwali

I yeqdiɣ dgem a lerbaḥ

Rjiɣ tabbwurt a tteldi

Atah yussa-d Nnasser (d yiwen si twacult-is)

Yemma-m nusa-d a-tt-nawi

Ufiɣ-tt-in ggew frijidir

Tasa-w a medden tetti

Mi-tt-id rriɣ s asenduq

I wbulis ad yestenyi

Lukan di yella gma (gma-s yuffat lḥal di Franṣa)

Assen, ad yeqdec fell-i

A win i-d yuznen faruq

Ṣebri-yi ula d nekkini

Assagi ggujlent tulas

A yemma tettru lhara-w

walaɣ-tt thud ɣer lsas

Ayemma tettru tmurt-iw

yesgem uberbur fell-as

Fell-ak ay izem ahedday

anida yɣab uɣilas

Iɣab ɣer ddaw wakal

anwa i-ɣ-d-ijja d ɛassas

Ɛawent-aɣ deg mettawen

assagi ggujlent tullas

Asefru id iteddun af tmettant n wegaz-is Lemsawd.

Asmi yemmut Lemsawd

Asmi yemmut Lemsawd

ɣileɣ ur yi-rzi wara

Ziɣ laɛnayt-is t-tameqwrant

iḥebs-iyi di lɛama

Wa yusa-d ad-iy-iwret

wa yqerbiyi-d tilisa

Tɣad-iyi ǧeǧǧiga (d yell-is)

tɛarq-as ula d leqraya

Mi tebbwed meskint s axxam

ur idri ula d acemma

Gguleɣ jmaɛ liman

ur ǧǧiɣ ddaɛwa akka

Tabbwurt n craa ar tt-ldiɣ

d bab-as n medden merra

"Imawlan" is a tribute to the poet's parents. The metaphor as male and female partridge is recurrent in Kabyle poetry and symbolizes beauty.

Imawlan: iferraǧ d tsekkurt

La ttaznen medden leḍyur

nekk ay yuzneɣ t-tasarut

Tarusi-inem timeqbert

amendar ma yi-ldin tabbwurt

Ad zraɣ yakkw imawlan-iw

ay iferraǧ d tsekkurt

ɣilen medden di ten-ttuɣ

mara ttrusuɣ taqendurt

LGIRRA N LZAYER & LMUT

Akend nenna Ferruǧa Sudad tlul deg 1934 d akud asmi i llan i Franṣiyen di tmurt irumyen. Tesɛa aṭas n teḥkayin af traḍ mgal irumyen agi. Ura d tettat tetteka, tefkad amur-is. Amek yakw i tuder i traḍ, teḥkat-id di kra isefra. Atnan kra degsen:

Amǧahed

ɣurwat a medden a ttewtem

mara ttruɣ taaderm-iyi

Segw asmi yemmut Remḍan (d gma-s n tmedyazt, nɣant irumyen di 1958)

a win aazizen felli

Mi tebbwin Irumiyen

slqid i t-urzen

abaden a-sen-d iqerri

Bbwin-t-id s Agweni Ggeɣran

i lqebtan ac' aa yini

Lqwebtan ihkem-as s lmut

ata yetti d Baladi (d isem n yiwen umǧahed si taddart At Lqayed)

Mi t-erran ar Bwa ɛemmar (d yiwen umkan ttama n Agweni Ggeɣran)

i bedd d nnadar

ǧǧan-t d ayadir iɣli

Mi yensa din id d was

ur t-zri yemmas

i trum awi saan izri

Ur immut ḥed mertayen

mi-ɣ-d yusa d akuli

Yusa-d ibeddel ṣṣifa

d aksum idda-d claxi

A Rebbi ṣebber yemma

di tasa-s maa d-tidesmkti

Awi snen ad yessefru

Awi snen ad yessefru

maan' a-ten-id yessemɣer

Ad yecnu izlan aṭas

ad yesseddu Bwa ɛemmer

ɣef Remḍan d Belqacem

din iɣ-d mmuten

la nettru nug' a neṣber

I wasmi yella Rabaḥ (d amǧahed i ttili-yas i tmedyazt)

degw zal i-sen-d yerra ttar

Ig ldi dgem a lminat

ikumya ttin d aɣebbar

Ibbwed-anaɣ-d lexbar immut

ilaq leḥzen d leqhar

A Rebbi ḥerz Nnaṣer-is

amkkan-is ad a-ɣ-t yaɛmer

Ur neqbil ara

Asefru yagi n yiwet n tmettut i sittilin i tmedyazt Ferruǧa Sudad, isem-is Faṭima n At Musa, umi d cfa fell-as. Atan ihi:

Ass n ssebt mi nennejmaa

qila sbaa meyya

nennad amarci ger at laxart

Nebbwi-d arrac mezziyen

d imɣaren yedreɣlen

ma tsaam dnub a luma

Yekr-ed gma ad yetterǧem

d lfesyan yewhem

s walen-is i-d ismexwyaa

Inna-yas ma d aman ɣer Tlata

ur neqbil ara

ḥekkayt a tmudem lkura

Ma nedder d yir tudert

ma nemmut t-tin ay nebɣa

Alxir llan yergazen

i daɣ-d yessuksen

an idir deg lḥerma

Tilizri n BRTV

Kemini a BRTV, a ruḥ n medden yakw ttirni

Alxir llan yargazen i-ɣ-dixedmen BRTV

Tekseḍ lxiq i lɣaci, am amɣar, am ilemzi

Slam af ixedamen i sittilin di latili

Ilaq ayetma attnaawen a tteǧiǧeg a ttenerni

Sekenaɣ-d inazuren, nemyusan yakw d lɣaci

I tarwid di dawa n lxir seg imɣaren n zik nni.

Kemini a BRTV agur deg-geni yaɛlan

Tefkid-d tiziri s nnur, wala-mken di mkul amkan

Txedmed aneɣ-d latili, nfehm-as melba tarǧman

Skednaɣ-d iɣriben farḥen leḥbab d-imawlan

Skednaɣ-d timura fiḥel ma yunadet uḍar

BRTV d adrar lwiz, tuklaled akem i-d-n ceker.