Fannu

Fannu (temmut di yebrir 1147) tella d tageldunt n twacult n yimrabḍen . Telsa am urgaz , tettekka deg uḥuddu mi yella unekum ɣer Merrakec

Tekker-d deg teɣremt n yimrabḍen deg merrakec d yelli-s n Ɛumar U Yintan , ur yelli ara wacu texdem d taɣawsa tamnuffelt imi tameṭṭut deg tgelda n yimrabḍen tella tesɛa azal yugaren win yellan ɣer tulawin n tmura tinselmin nniḍen . Neẓra belli tulawin imiren llant sɛant azalmeqqren deg yixamen n teɣdemt akka am Zaynab tanefrawit , tin yebnan tawacult d tgelda n yimrabḍen : imaren tulain llant ur ttarrant ara tifunaṛin neɣ imendilen , ulmud n tmeṭṭut yella yettwaqbel ulazc win i d-ibedden mgal-ines , llant tulawin akka am Ḥafṣa U lḥaǧ tarkunit xeddment timsirin n useɣri s daxel n teɣremt n ugellid , llant ugar n snat n tlawin i aɣ d-yemmel umezruy belli llant d timejjayin .

Deg meɣres 1147 , wwḍen-d yiserdasen n Ɛebd Lmumen U Ɛli Agumi , amekkasu n Ibn Tumert d win yebnan tagelda n yimweḥḥden , ɣer tmannaɣt Merrakec mi akken yettnaɣ mgal twacult n yimrabḍen , kecmen tamdint , zeḍmen ɣer leswaṛ i yettɛassan taɣremt n yimrabḍen . Tettwwassen Fannu s tilsin-is iceṭṭiḍen n urgaz tḥudd ɣef teɣremt , akken id-yules umezry ur lḥiqen ara yimweḥden ad kecmen tiɣremt armi temmut " yiwet n tlemẓit temrabeḍt " , daɣen yenna-d umezruy belli imweḥḥden wehmen deg tebɣest d tezmert n Fannu , yernu ur ẓrin ara belli d tameṭṭut armi dayen tettwanɣa .

Di Lmerruk , mazal tttawalin-tt d azamul n yigrawliwen Imaziɣen