Faḍma Zuhra
 Faḍma Zuhra | |
|---|---|
| Tameddurt | |
| Amahil | |
| Amahil | acennay |
Faḍma Zuhra (isem-is n tidett d Fadma Zuhra Caibi) d tacennayt i ilullen deg Lebyar (Lezzayer) deg useggas n 1906. Tawacult-nnes seg Tulga (Tibeskert). Ɣas akken ur telli d taqbaylit, maca tecna s tutlayt-agi. Temmut asmi tewwed 94 iseggasen di leɛmer-is.
Tedder cwiṭ n lweqt deg yinig di Franca nettat d wergaz-is (Muh Akli, yiwen n uẓawan aqbayli) di 1930. Dɣa, deg yinig i tebda ccna deg leqhawi n Yeqbayliyen di Lpari.
Deg yinig temlal daɣen d yinaẓuren iqbayliyen am Bahya Faraḥ, Dda Sliman Ɛazem, Ccix Aɛrab Buyzgaren.
Ger tezlatin teccna Faṭma Zuhra, llant :
- Ay axelxal aǧdid
- Annaɣ a Muḥend a mmi
- Ad nili labas
- May rad uɛessad
Teccnan nettat akked Sliman Ɛazem tizlitt-nni umi yeqqar "Nek akked kem, kem akked nek". Nezmar daɣen ad as-nsell deg tezlit-nni n Ccix Aɛrab Buyzgaren umi yeqqar "Anfas, anfas".
Asmi i d-tuɣal Faṭma Zuhra ar tmurt n Lezzayer deg iseggasen n 1970, tettiki deqs n lweqt deg "Nnuba n lxalat" n rradyu tis snat, anda teccnu akked Lla Cṛifa, tiyyad daɣen. Tkemmel deg nnuba n lxalat, alami d asemi i tekfa tedwilt-agi.