Amagraman

Si Wikipedia, tasanayt tilellit.
Neggez ar: ẓer isebtar, anadi

Amagraman (Inula helenium) d imγi iḥemlen imeṭqan i yetuneddan. Imusnawen n yimγan, qqaren-ed, belli seg Lazi i yed-itac, akken ad yaγ iri n yilel agrakal akked  Lurup neγ amadal s umata. Imγi n umagraman ittak anzi γer buzduz akked taysa: Ad iṣbeḥ seg yiwet n txerrubt i yed-cetlen. Iferrawen n umagraman d izegzawen. Tizegzewt nsen ḥemqet. Mayella d talγa nsen truḥ s teγzef. Teγzef i yettuferyen afray n tuγmest.

Tasnaẓγurt [Aẓar n wawal][ẓreg | ẓreg aɣbalu]

Amagraman d awal uddis [taguri tamawalt tuddist] i yed-ikkan seg sin n wawalen: “ < ''amager'' + ''aman'': Imγi itmagaren aman. Taseklut [Ccejra] n umagraman qqaren-as medden '''Tamagramant'''.
Awal ayi n
umagraman d amay amgut. Amedya: amṭiq ayi yeṭṭuqet s umagraman. Amgraman ur ad itett ara uγelmi.

Aglam[ẓreg | ẓreg aɣbalu]

Ağğuğğey n umagraman

Amagraman d imγi i ḥemlen imeṭqan i yetuneddan (< nda) = [ideg llan waman]; γas akken tikwal ittemγay-ed deg iyufa (< ayafa). Amagraman iğğuğğuy deg anebdu. Iğğeğğiyen ines werriγet. Imγi n umagraman izmer ad yaweṭ alammi d wazal n lmitra d wezgen deg teγzef; mayella deg tehri, adarnuc-is, izmer ad yaweṭ alammi d lmitra. Ifrawen n umagraman tminṭaṭen am llazuq.

Imγan-is tacen: imeqq-id γef yiri n yilel agrakal akken i yed-imeqqi deg Lurup akken mayella tella.

Timitar[ẓreg | ẓreg aɣbalu]

Amagraman (Inula helenium)
  • Ṣṣenf n uğğuğğey: corymbe de capitules
  •   Bettu n wazfi: Awtemt
  • Ṣṣenf n aṭlu : entomogame, autogame
  • Lawan n uğğuğğey : Yulyu - Γuct

* Ifes :

    • Ṣṣenf n ugummu : akène
    • Anamek n uγebber: anémochore
  • Tamezduγt akked wemγi n umagraman:
    • Amγi : mégaphorbiaies planitiaires-collinéennes, eutrophiles
    • Annar n wemγi : seg (Lazi n ugafa)

Ayagi n yemr-it-id s γur: Julve, Ph., 1998 ff. - Baseflor. Index botanique, écologique et chorologique de la flore de France. Version : 23 avril 2004.

Igan[ẓreg | ẓreg aɣbalu]

Amagraman d imγi amdawi: Ifer n umagraman iskussum tiggest (lğerḥ). Zik, m’ara yigges yemdan, deg lexla - anida ur yelli la qej la waj - ama d argaz neγ d tameṭṭut, d aqcic neγ d taqcict, ad iḥuf tamagramant, ad ilwu iferrawen-is, imir ad ten-ig γef tiggest i t-yuγen, ad t-en-iṭṭef tiremt - akken meqqer tiggest: azal n 5 alammi d 10 n dqayq -, imir ad tekkusem tiggest

Assexzen, ssexzanent medden d taγ ebbart, neγ d asγar (n iferrawen).

Aẓar n umagraman iddukul d dwa n iḥetwacen. Tdawin medden yes tusut, turin, tgr.

Rret tamawt: Imγi ayinni ur ed-iwwi yara ad s-xedment lxalat i refden akked tid yeṣuṭuṭen. Siwama yella s ladan n Ṭbib, γef usexṣer ines, am tuzla n tεebbut, iriran akked ingaẓen n wammas[1].

Azamul[ẓreg | ẓreg aɣbalu]

Helenium s γur Pietro Andrea Mattioli, Kreutterbuch [Iḥetwacen] n Johan Feyerabendt (1590)

Tamagramant maci d imγi i yeggaren iẓuran lqayen. D ayesmi qqaren madden i wayen yak ur nesεi lmeεna neγ ur nebni yara γef ṣṣeḥ: Iẓuran n tamagramant.

Notes[ẓreg | ẓreg aɣbalu]

  1. Gérard Chenuet et al., Phytothérapie : la santé par les plantes, Vidal - Sélection du reader's digest,‎ , 320 p.

Liens externes[ẓreg | ẓreg aɣbalu]