Adobe After Effects

Si Wikipedia, tasanayt tilellit.
Jump to navigation Jump to search
Adobe After Effects
Adobe After Effects CC icon.svg
Original author(s) Company of Science and Art
Developer(s)
Initial release yennayer 1993; Talɣa:Years or months ago (1993-01)
Stable release
CC 2019 (16.0.1.48) / dujamber 10, 2018; 7 ayyuren aya (2018-12-10)
Written in C++[citation needed]
Operating system Windows 10 (x64 only) v1703 and later, macOS 10.12 Sierra or later
Type Visual effects, Motion graphics, Compositing, Computer animation
License Trialware, software as a service (SaaS)
Website www.adobe.com/products/aftereffects

After Effects d aseɣẓan n usudes i d-yeẓreg Adobe. Yettaǧǧa aseqdac ad ismentel (créer) isemda imeẓliyen d imrayen udlifen i yal tannalt seg yal tawsit taɣbalut. Tẓa ileqman i d-yeffɣen seg-s ar assa, taneggarut seg-sent d Adobe After Effects CS5.5 v11.5.

Amezruy[ẓreg | ẓreg aɣbalu]

After Effects d aseɣẓan n usudes d isemda uwali i yellan d amenzu seg imrayen udlifen deg uselkim n wemdan. Amecwaṛ yebda deg yiwet n tmetti tamecṭuḥt iwumi qqaṛen CoSA (The Company of Science and Art) id yuzgan di Providence addad n Rhode Island. seg asmi id sneflin aseɣẓan PACo (PICS Animation Compiler) Dave Herbstman, Dave Simmons d Dan Wilk bdan di tneflit n Egg i d-yefkan di taggara After Effects yennayer useggas 1993 i smahin di MacWorld (Boston).

iswi n useɣẓan agi d asmentel n imrayen i tiliẓṛi (tilivizyu) d ssinima deg uselkim n wemdan. Di tawala (lawan) nni tifrat n usekker umḍin n tugna deg umḍiq imusnawen, sseqdacen arrumen yettwaxedmen iwayagi kan, yarna d-wid ɣlayen s waṭas d wid yesɛan ferru usviḍ. COSA tebwid tifrat: aseɣẓan agetferru n usekker uvidyu, ileḥḥu ɣef Windows d Mac.

Tuggdiwin deg uswir n imusal twakecma d twafɣa llant ttwajemqent ala si tnezmart tmacint d tmeska n tkatut s waddaf agacuran: RAM (Random Access Memory). Aseɣẓan agi uɣent wa deffir wa Aldus Corporation, sinna Adobe Systems Inc. Tura After effects ittesdiwin yark aked wahilen n tseddart Adobe Creative Suite.

  • 1995 : lqem wis 3 - lqem tamenzut yewwḍen, i yettwasekren di ugduz (ssuq) ;
  • 1999 : lqem wis 4 - tikkelt tamenzut deg tella tasuqilt ɣer tutlayt tafṛansist ;
  • 2001 : lqem wis 5 - yebwid ta 3D d tinfaylin ;
  • 2003 : lqem wis 6 - askripti, asaraw n tira ;
  • 2005 : lqem wis 7 - agrudem amaynu d amarraz udlif d uqqin HDR 32 ibitten ;
  • 2007 : lqem wis 8 (CS3) - teskecmed isriwen n talɣiwin, d merru n tira s 3D, arnu afecku n usexweḍ ;
  • 2008 : lqem wis 9 (CS4) - tanezmart n umru s berraz imsidag xyz, asemdu n wunuɣ amray.
  • 2010 : lqem wis 10 (CS5) - asaka (aɛeddi) ɣer 64 ibitten, Plug-in tiferkit.

Tihawt[ẓreg | ẓreg aɣbalu]

After Effects yesseqdac asegraw n usemnenni n iswiren iwakken ad yessuffeɣ asudes amray si tugniwin timeẓliyin. Ad naf ayagi daɣen deg aṭas iseɣẓan yecban After Effects, amakken yella di Photoshop maca After Effects yefka i useqdac tazemert ad ibeddel iswiren deg akud, yerna s weskar ur nessengar. Neqqaṛ-as ur nessengar acku afaylu n usenfaṛ di After Effects yesɛa ala tilɣa n usekker aɣbalu. Iwakken ad isiḍen amray ttagara, ilaq ad nesɛu si tama asenfaṛ n After Effects, si tama nniḍen tiɣbula tizedganin (tugniwin tusbiḍin, avidyu). Nezmer daɣen ad nexdem imrayen srid si After Effects mebla tiɣbula di tazwara. Ayakken yebɣu yella, m'ad tseqdaceḍ aseɣẓan n After Effects iwakken ad txedmeḍ amray ilaq ad tɛeddiḍ seg umecwaṛ n usiḍen yesɛan tazdagt tamattayt ittdukulen aked uxnaz n usenfaṛ.

Ifecka Igejdayen[ẓreg | ẓreg aɣbalu]

Ifecka igejdayen i d-isummer After Effects d:

  • Ifecka tgelmust, n tita, taklut tamawayt.
  • Asfaylu neɣ ṭṭaq n uṛekkev n iswiren amakken yella di Photoshop, anda zemren ad mehzen iɣewwaren may mehhez wakud d ma yettbeddilen iswiren. Iwakken ad txedmeḍ ayagi ilaq s umata ad tseḥnuccdeḍ yiwen usemdu seg uḍella isemda ɣef uswir nevɣa arnu veddel asligen ines.
  • Aḍella isemda d win id iteddun di temkaṛdit isemda neɣ win rennun s ttawil n plugins.
  • Asfaylu neɣ ṭṭaq usuddes t-ttaked awali n ugemmuḍ. Azaruskan n umray yettwaxdam di tagara n usiḍen n tkatut s waddaf agacuran RAM di teɣzunt n lxedma. Aseqdac yezmer daɣen ad yeldi isfuyla nniḍen iwakken ad isɛu tamuɣli nniḍen deg usenfaṛ n 3D. Ilaq daɣen aseqdac ad iṣubb ferru n ubeqqeḍ iwakken ad iɣiwel azaruskan n lxedma-is.

Tamselyut[ẓreg | ẓreg aɣbalu]