Photoshop
 | |
| Original author(s) |
Thomas Knoll John Knoll |
|---|---|
| Developer(s) | Adobe Inc. |
| Initial release | fuṛaṛ 19, 1990 |
| Operating system | Windows 10 version 1709 Fall Creators and above and macOS 10.12 Sierra and later[1] |
| Platform | X64 |
| Available in | 26 languages[2] |
|
Umuɣ n tutlayin English (United States), English (United Kingdom), Arabic, Chinese Simplified, Chinese Traditional, Czech, Danish, Dutch, Finnish, French, German, Hebrew, Hungarian, Italian, Japanese, Korean, Norwegian, Polish, Portuguese, Russian, Spanish, Swedish, Romanian, Turkish and Ukrainian | |
| Type | Raster graphics editor |
| License | Trialware, SaaS |
| Website |
www |
Photoshop d-aseɣẓan en ubeddel ed useqdec en tugniwin, aha wunuɣ yullen es uselkim (DAO) i d-yeẓreg Adobe. Yettwaseqdac es waṭṭas i usker en tfarut tomḍint, maca daɣen i usuffaɣ en tugniwin timaynutin.
Photoshop d-aseɣẓan i yesseqdacen tugniwin tusriwin (Bitmap) acku tugniwin-agi gant am iẓiki en irden iwumi neqqar Pixel: aferdis en tugna.
Photoshop yuɣal yesɛa azal ameqqṛan ger isenselkimen acku yesɛa aṭṭas en testayin tinezmarin, ifecka udlifen lɛali, tura iɣerbazen yesselmaden aseqdec en oseɣẓan en photoshop ufrarend es waṭṭas, gar-asen iɣerbazen imeqqṛanen, asuday en "Les Beaux Arts" ed tifurra en merru.
Adobe tesnefli aseɣẓan photoshop i Microsoft Windows ed Mac OS kan, maca lqem CS4 yezmer ad yettuselkem di Linux es Wine.
Amezruy[ẓreg | ẓreg aɣbalu]
Aseggʷas en 1987, Thomas Knoll aselmad di tesdawit en Micigan yebda yettaru yiwen wahil iwakken ad ibeqqeḍ tugniwin es yiswiren en tkaẓaṭ ɣef ugdil ammaɣay. Isemma-yas Display, ahil-agi ad win i d-ijebden tawnafit en gmas John Knoll, yellan d-axeddam di ''Industrial Light & Magic''. Yenna-yas John ad yexdem amaẓrag en tugniwin ummid. T.Knoll yewwi-d dɣa sed wayyuren si lxedma iwakken netta ed gmas ad qedcen ɣef wahil agi, i wumi i isemma imagepro, di taggara n useggas-nni T.Knoll ibeddel-as isem i wahil ɣer Photoshop. Sinna kin yemlal akked umɣaraf en scanners Barneyscan iwakken ad isedger ineɣlan. 200 ineɣlan ttwasdegren akked scanners Barneyscan di tazwara.
Di twala agi, John Knoll iṛuḥ ar Silicon Valley iwakken ad isnat ahil-ines i Apple akked Russell Brown: anemhal n Adobe, i sin yid-sen iɛeǧb-asen wahil agi es waṭṭas, dɣa di Cutember 1988 Adobe teɣtes ad taɣ turagt iwakken ad tsegder ahil agi, J.Knoll yerna yeqdec ɣef wayen umi neqqaṛ plug-in ma d- T.Knoll yeqqim di Ann Arbor yettṛaǧu targalt taɣbalut. Akka di 1990 Photoshop 1.0 yeffeɣ-d i tikkelt tamezwarut.
Aglam[ẓreg | ẓreg aɣbalu]
Photoshop yesɛa amasal en ufaylu en yiman-is (Asiɣzef: psd) ayen i ɣ-yettaǧǧan ad neḥrez ticriḥin en usenfar i d-iselɣen tugna iwakken ad twasqedcent subrez. Ahil yettaǧǧa daɣan aseqdac ad ikter aha ad isifeḍ ifuyla tugniwin deg imusal yettwasnen es waṭṭas am (Asiɣzef : gif, jpg, tif, png, etc.).
Taneflit[ẓreg | ẓreg aɣbalu]
| Ileqman id imseḍfaṛen si 1990 | |||
|---|---|---|---|
| Lqem | Tiɣeṛɣeṛt | isem en telgalt | Azmez en uzenzi |
| 1.0 | Mac OS | foṛaṛ 1990 | |
| 2.0 | Mac OS | Fast Eddy | yunyu 1991 |
| 2.0.1 | Mac OS | yennayer 1992 | |
| 2.5 | Mac OS | Merlin (photoshop) | wamber 1992 |
| Windows | Brimstone | ||
| 2.5.1 | Mac OS | 1993 | |
| 3.0 | Mac OS | Tiger Mountain | ctember 1994 |
| Windows, IRIX | wamber 1994 | ||
| 4.0 | Mac OS, Windows | Big Electric Cat | wamber 1996 |
| 4.0.1 | Mac OS, Windows | ɣuct 1997 | |
| 5.0 | Mac OS, Windows | Strange Cargo | mayu 1998 |
| 5.0.1 | Mac OS, Windows | 1999 | |
| 5.5 | Mac OS, Windows | foṛaṛ 1999 | |
| 6.0 | Mac OS, Windows | Venus in Furs | ctember 2000 |
| 6.1 | Mac OS, Windows | meɣṛes 2001 | |
| 7.0 | Mac OS, Windows | Liquid Sky | meɣṛes 2001 |
| 7.0.1 | Mac OS, Windows | ɣuct 2002 | |
| CS (8.0) | Mac OS, Windows | Dark Matter | tuber 2003 |
| CS2 (9.0) | Mac OS, Windows | Space Monkey | yebrir 2005 |
| CS3 (10.0) | Mac OS, Windows | Red Pill | taagara en meɣṛes 2007 |
| CS4 (11.0) | Mac OS, Windows | Stonehenge | taggara en tuber 2008 |
| CS5 (12.0) | Mac OS, Windows | White Rabbit | 12 yebrir 2010 |
Tamselyut[ẓreg | ẓreg aɣbalu]
- ↑ "Photoshop system requirements". Adobe Inc. Retrieved January 10, 2019.
- ↑ "language versions | Adobe Photoshop CS6". Adobe.com. Retrieved February 29, 2012.