Sliman Ɛazem

Sliman Ɛazem
Tameddurt
Talalit	Agni n Yeɣran, 19 Ctember 1918
Taɣlent	Lezzayer; Fransa
Tutlayt tayemmat	Taqbaylit
Lmut	Moissac, 28 Yennayer 1983
Tiɣri
Tutlayin	Taqbaylit
Amahil
Amahil	acennay, amedyaz, auteur-compositeur ou autrice-compositrice (fr) d amaru
Artistic movement	Aẓawan aqbayli
Dduzan n lmusiqa	snitra; taɣect
	slimane-azem.com

Sliman Ɛazem d amedyaz, anaẓur, agerutlay d ameskar n ccna aqbayli (taqbaylit). Ilul ass n 19 ctamber 1918 di taddart Agni n Yeɣran, i d-yezgan di lɛerc n At sedqa, di tama Iwadiyen. Mi ara nmuqel af ayen yecna Sliman Ɛazem u amek yecna, yella cbih aṭas ar tmedyazt n Si Muḥend u Mḥend, amedyaz aqbayli n tidmi wis XIX. Ur neɣleḍ ara ma nenna-d: Sliman Ɛazem yella i tidmi wis XX ayen yella Si Muḥ u Mḥand i tidmi wis XIX. Ur nettu ara belli Sliman Ɛazem yudred Si Muḥ u Mḥand d acḥal n tikkal di kra tezlatin-ines.

Sliman Ɛazem yemmut berra n tmurt-is d twacult-is n tmurt ass n 28 yennayer 1983 di 'Moissac' di Fransa. Ass-nni d Radyu Beur, Radyu Tamaziɣt akk d tilizri n Fransa : Antenne 2, i d-yefkan lexbar n tmettant n Sliman Ɛazem. Ass n 30 yennayer, ussan-d aṭas n lɣaci si yal tama n Fransa i wakken ad awzen fell-as. Tawacult-is yakk tella teḥḍer: ama d tameṭṭut-is 'Lucienne' umi qaren Malika (temmut deg useggas n 1995), ama d atmaten-is d warraw-nsen yakk, ama d weltma-s Wardiya i d-yussan si Lezzayer. Azekka nni, ass n 31 Yennayer, i yenṭel.

Sliman Ɛazem ɣur-s 2 tyesmatin: Ḥejila d Wardiya (temmut deg 2006), akk d 3 n watmaten: Bujma, Wali (yemmut deg 2002), akk d Ali (yemmut deg 2005). Imawlan-nsen isem-nsen: Lamara d Yamina.

Tuddert

Yiwen ur s-yenna acku Sliman Ɛezem, mi yella d agrud, ad yefeɣ d anaẓur ifazen n ccna aqbayli. Illa d mmis umekraz (ufellaḥ), deg uɣerbaz ur ifaz ara aṭas. Aqerruy-is iweha sanda nniḍen u yella d win i ḥemlen timucuha n 'La Fontaine'. Dɣa d anecta ijjan later deg umecwar-ines n taẓuri d ccna, imi di tizlatin-ines isexdam aṭas iseɣwan (lḥiwan).

Sliman Ɛazem yeffeɣ tadart-is bezzaf d ameẓyan. yella di leɛmer-is 11 isseggasen asmi iruḥ ar Lezzayer tamanaɣt i waken ad yexdem si Rrumyen di tama n Sṭawali, af yiri n ill agrakal. Asmi yewweḍ 19 isseggasen izger ill agi ar Fransa, ar tɣiwant n Lleɣwi (Longwy) anda yebda ixeddem deg yiwet n Luzin, uqbel ad isɛedi lɛesker-is, u ad yettekki di trad-nni umi qqaren 'Issoudun'. Deg 1940, iffeɣ-ed si lɛesker, u iruḥ ar Paris anda ixdem daxel uderbuz 'Métro RATP' (akken yeqqar di yiwet ger tizlatin-ines). Sin iseggasen umbeɛad, wint lɛesker n Lalman ar Rhénanie di tama umalu n Lalman, alama d tilelli n Fransa deg 1945. Kra iseggasen akin, iṭef yiwet n lqahwa din di 'Paris', anda illa icennu iy iminigen.

Taɣuct tamezwarut ines d A Muḥ a Muḥ isufeɣ-itt-id af iminigen (iɣriben). D tazlit id yeldin abrid i wazal n 50 iseggasen n ccna iwenɛen.

Asmi i tewwi Lezzayer azarug ines deg useggas n 1962, Sliman Ɛazem ikat aṭas ɣef udabu (leḥkum) azzayri. I waya illa megdul di Rrayu n teqbaylit ger iseggasen n 1967 ar 1988. Dɣa asmi imut deg 1983, yemḍel di Franṣa, imi ur tejjan ad yilli wanecta di tmurt-is.

Aṭas inaẓuren n ccna n teqbaylit iy aran tajmilt i Sliman Ɛazem. Gar-asen Lwennas Meɛṭub mačči kan di yiwet n taɣuct.

Qqaren Sliman Ɛazem d 'Jean de la Fontaine' n Leqbayel

Sliman Ɛazem illa d win ikaten aṭas s inumak (lmeɛnat), imi d win i d-isenṭaqen iseɣwan (lḥiwan) di tezlatin ines: izem, uccen, amqerqer, azger, aɣyul, asardun, ayaziḍ, amcic, aqjun, taweṭṭuft, inissi, awtul, ... atg. I waya umi kra iɣmisen d ineɣmasen n Fransa semman-as i Sliman Ɛazem : 'Jean de la Fontaine Kabyle'.

Deg umedya tagi d yiwet n tmacahutt um'isemma : Ccra n lḥiwan (Parodie de justice animale).

Ayen ɣef yecna

Nezmer ad nini belli Sliman Ɛazem, ulac ɣef wacu ur icna ara. Yal aḥric n tmeddurt n imdanen ur tijja, ladɣa iɣeblan i d-ttmagaren di ddunit. Icna ɣef unekcam afranṣi (Ffeɣ ay ajrad tamurt-iw), af uzarug n tmurt (Iḍehr-ed wagur, itebɛ-it-id yitri), tafsut imaziɣen (ɣef teqbaylit yuli wass), tajjadit (Lejdud, A Taqbaylit a Tigejdit), tayri (nekk akk d kem), aɛebbuḍ, idrimen, tazmert, lbaṭel, lmut, tagmatt, lɣwerba, ddunit, 'carte de résidence', atg. Dayen ijjan lɣaci qqaren-d : ur d-ijja Sliman ayen a d-nini, imi kulci inna-t-id.

Sliman Ɛazem illa d anagi n umadal ixeṣren, ur iban s anda i t-teddu, aken yeqqar deg umeslayen-is: Ilah ɣaleb, Kulci yeqleb, Zzman tura yexxerweḍ, atg. Tuɣac n Sliman Ɛazem d tugniwin n temetti i d-isnuqul. Di tezlatin ines, yehder af zik d tura. Ar Sliman Ɛazem, zik tella nniya, nnif d tagmatt, ma d tura d aɛebbuḍ, d idrimen, d leḥsed, atg. Anecta yakk icnat s imeslayen iḥerfiyen: a ḥafid a settar, lqern 14, ṣaḥa di lweqt aɣeddar, atg.

Ulama deg akud (lweqt) ines, llan aṭas inazuren n ccna n teqbaylit i yecnan af lemḥayen n lɣwerba, lameɛna ar waṭas n leqbayel Sliman Ɛazem illa d win i t-ticnan ugar, imi lɣwerba tejreḥ ul-is nezzeh. Asmekti-s af tmurt n leqbayel dima yella di tezlatin ines, am : D aɣrib d aberrani, Ay afrux ifirelles, a tamurt-iw aɛzizen, atg.

Sliman Ɛazem, ɣas aken icna af leɛwayed, u illa yessarem akken leqbayel ad ṭfen deg-sen, lameɛna tamuɣli ines ar umadal atrar tella muqret. Illa d win i yettwalin acu ara yedrun ar zdat. Yesɛa isefra n necraḥa d utihi af tsartit tagreɣlant, am di tezlatin n: Amek ara nili ṣuṣṭa, Terwi tebberwi, atg.

Daɣen Sliman Ɛazem iṣehḍar-ed aṭas iseɣwan di tezlatin ines, ladɣa ma yebɣa ad iwet deg isertiyen i ṭṭfen adabu n tmurt. Ger tuɣac agi, nezmer ad nader kra am: baba ɣayu, taqṣit umqerqer, tlata yeqjan, Ufiɣ-d tasekkurt teḥzen, azger yeɛqel gma-s, atg.

Aḍebsaru

19xx : Dounia

Arrebi almudaber (Alqem wis 1)
Kulci yeḍhar
Akka id nnan
Annaɣ ay aɛebuḍ (Alqem wis 1)
Ezhar ddi ččina.

19xx : MC 508

Effeɣ ay ajrad tamurt-iw
Iḍahr-ed wagur
Azger yaɛqel gma-s
Lahbab lweqt-a
Aha lala lala
Muḥend u Qasi
A Madame encore à boire.

19xx : MC 532

Iya wiyak Ahmed
Amek aka
Lfull di bawen
Debza udma
Zman elɣaṭi
Afrux ifileles
Lweqt aɣedar
Cfiɣ ttuɣ.

19xx : MC 578

Taqsiṭ bw umqerqer
A nekkar leḥsan
Ezux d lmecmel
Tlata yeqjan
Baba ɣayu
Si Muḥ u M'ḥand yenna-d

19xx : MC 763

A tamurt-iw aɛzizen 1/2
A tamurt-iw aɛzizen 2/2
Berkayi tisit n crab 1/2
Berkayi tisit n crab 2/2
Aṭṭas i sebreɣ (akw d Bahia Faraḥ)
Ddunit akka i ttedu
Ay ul-iw utub.

19xx : MC 764

Nek akw d kem (akw d Fadma Zuhra)
Amek a nilli ṣuṣta (s taɛrabt n Lezzayer)
Nek d lmir (s taɛrabt n Lezzayer)
Nek d lmir (s teqbaylit)
Nnan as yakw ccah
Nettruḥ u nettuɣal
A Muḥ A Muḥ (Ma tedduḍ anruḥ). Alqem wis 1u id ifɣen deg 1948.

19xx : MC 765

Lalla Margaza
Extrait n°2
Ay ul iw henni-yi
Argaz d tmeṭṭut
Ṭikkuk
Amqerqer bw umdun
Terwi teberwi.

19xx : MC 801

D aɣrib d aberrani
Ay ul iw zwar
Ay amuḍin
Tixraṣ i lɛabd ad yeḍar (akw d Muḥmed Ḥilmi)
Annaɣ ay aɛabuḍ
A Taqbaylit a tigejdit
In-as i leflani
Amek akka.

19xx : MC 802

Yekfa laman
Neḍleb Rebbi ad aɣ yaɛfu
A Rebbi kečč damɛwen
Lahbab lweqta
A ḥafid a settar
Zman ixarwaḍ
A ttnaddiɣ ad cetkiɣ
Lweqt aɣedar
I lukan d ulac lukan.

19xx : MC 803

Ṣelliw af nbi
Arrebi almudaber
Ddunit
Gumaɣ ad mektiɣ
Idrimen
Ukw aɛyiɣ
Llah ɣaleb
"Atam ɣurrit".

19xx : Melt-iyi-d ma tecfam

Aheddad n At Yenni
Wid ijebben leqlam
Melt-iyi-d ma tecfam
Ddunit akka i telḥad
Yyaw a ttezrem
Ttixar ay ul iw
Ay ul iw ɣur-ek
Att ttud tasekkurt
D nekkwni id nekkwni
Dda Meẓyan.

19xx : AL 05

Radio trottoir
Ṭikkuk
Ccraɛ n lḥiwan 1/2
Ccraɛ n lḥiwan 2/2
Wa ibenu wa itthudu.

19xx : AL 06

Aṭṭas i sebreɣ (akw d Bahia Faraḥ)
Ya Muḥend 1/2
Ya Muḥend 2/2
Akka id nnan
Neḍleb Rebbi ad aɣ yaɛfu
Aha lala lala
Amek a nilli ṣuṣta
Si zik.

19xx : AL 07

Lejdud n zik 1/2
Lejdud n zik 2/2
Zik ay ul iw
Ajerreb 1/2
Ajerreb 2/2
Lwaldin.

19xx : VDF 431

Temẓi iruḥen
Wid yemmuten
Muḥ yetabeɛ Muḥ
Bɣiɣ ak iniɣ 1/2
Bɣiɣ ak iniɣ 2/2.

19xx : VDF 433

Baba d mmis
Ad hekuɣ mazal 1/2
Ad hekuɣ mazal 2/2
Ayen jerbeɣ.

19xx : VDF 440

Argaz teččat tfunast
Bu cwit 1/2
Bu cwit 2/2
Fell-ak yewǧeb
Adouda di Paris
Allo Barbès
Amɣar d ttemɣart.

19xx : VDF 442

Lweqt i beddel
Extrait n°2
Yufeg weɣyul 1/2
Yufeg weɣyul 2/2
Nettidir
Aɛttar stixbar
Ihecckulen
Nesbar
Zwaǧ
D acu d ifen nneɣ.

19xx : VDF 470

Tamurt aɛzizen felli
J'en ai marre
Algérie mon beau pays
Dites-moi mes amis
Tiherci udegwal
Extrait n°2
Ay adegwal
Ay adegwal (instrumental).

19xx : VDF 472

Hommage à Kamal Hamadi
Zman idewwer
Tentqed taɣat
Aɣerda yeččan amcic
Yetwečč Lfil yerna-d gma-s 1/2
Extrait n°2
Extrait n°3
Yetwečč Lfil yerna-d gma-s 2/2
Kulci n walat
Extrait n°2.

19xx : VDF 475

Wid yemmuten
I xaq wul iw
Amenṭas
Afrux ifileles (asefru)
Diminu
Ur iruḥ ur yeqqim
Istixbar (asefru)
Muḥ yetabeɛ Muḥ.

19xx : VDF 486

Si Muḥ u M'ḥand
Extrait n°2
Taqbaylit 1/2
Taqbaylit 2/2
Yettawi dnub i iri-s
Azger yaɛqel gma-s
A tagitart iw
Tura jerbeɣ kulci.

19xx : VDG 088

Yussa-yid lefker
Izem yeččat wewtul
Ubḍen s wagur
Dewara
Temɣart akkw d wemɣar
Extraut n°2
Wumcic
Lhem n wurgaz.

19xx : Aɛssas n Tala

Assiaḍi lefham
Ay aɛessas n tala
Lɣurba
Lḥut ettwekka
Subhan.

19xx : Dada Aɛmar

Ccegaɛnaɣd Lkaɣed
Ul iw irfa
Tamaziɣt
A zḥar iɛewjen
Dada Aɛmar.

19xx : Dernier concert à l'Olympia

Saḥa saḥa di lɣurba
Ddunit akka i telḥa
A wid i jebḍen leqlam
Terwi tebberwi
Ay ul iw henni-yi
.

19xx : Chansons rares

Ahbib n wul iw
Wi yellan d lefɛel
Nettmeni a wi yestufan
Les 2 immigrés 1/2
Les 2 immigrés 2/2
Ayen zriɣ di targit
Ya ddunit tura faqaɣam
Akk mihdu Rebbi a ddunit
Targit
Suq lxalat
Remḍan
Extrait n°2
Netfed taqarnit
Imdanen
Efk-as elkaris
Ma yella reflaɣ semhiyi
Amek ara sebreɣ
Lehlak iw ur yesɛi tbib
Tbiɛa n baba-s.

Tizlatin

A Muḥ A Muḥ (Ma tedduḍ anruḥ). Alqem (version) wis 1u id ifɣen deg 1948
Aṭṭas i sebreɣ (akw d Bahia Faraḥ)
Nek akw d kem (akw d Fadma Zuhra)
Nek d lmir (s teqbaylit d taɛrabt n Lezzayer)
Akk-agi difeɣ lexbar
Amek a nilli ṣuṣta (s teqbaylit d taɛrabt n Lezzayer)
Debza u dmaɣ (akw d Moḥamed Ḥilmi)
Lalla Margaza
Ezhar ddi ččina
Annaɣ ay aɛebuḍ (Alqem wis 1)
Ṣelliw af nbi
Ay ul-iw utub
Allah ɣaleb
Arrebi Almudaber (Alqem wis 1)
Ata lqum
Tixraṣ i lɛabd adihder (akw d Moḥamed Ḥilmi)
Idrimen idrimen
Dunnit tettɣuru
Ur ideqar
Rebbi kečč damɛwen
Ay ul-iw ili-k d lḥar
Ezman ixarwaḍ
Aḥbib n wul-iw iruḥ
Afrux ifileles
Effeɣ ay ajrad tamurt-iw
D aɣrib d aberani
Ezux d lmecmel
Iḍahr-ed wagur
Neḍleb Rebbi ad aɣ yafu
Berkayi tisit n crab
Nettruḥ u nettuɣal
Ikfa laman
In-as i leflani (Alqem wis 1: t ruḥ)
Aya tmurt-iw (Alqem wis 1: t ruḥ)
Terwi teberwi
Azger yaɛqel gma-s
Lahbab lweqta
Zman elɣaṭi
Akem ixda rebbi a dunit
Baba ɣayu
A Muḥ A Muḥ (Ma tedduḍ anruḥ). Alqem wis 2 id ifɣen deg 1967
Amqerqer bw umdun
Taqsiṭ bw umqerqer
In-as i leflani (Alqem wis 2 id ifɣen deg 1967)
Tseɛṭac meɣres
A tamurt-iw aɛzizen
A tigejdit
Aha lala lala
Annaɣ ay aɛabuḍ (Alqem wis 2 id ifɣen deg 1967)
Argaz t tmeṭṭut
Arrebi lmudeber (Alqem wis 2 id ifɣen deg 1967 neɣ 1968)
Ayamudin
Ayul-iw henn-iyi
Cfiɣ ttuɣ
Ukw aayiɣ
A nekkar leḥsan
Wah Rebbi Wah
Muḥend u Qasi
Iya wiyak Ahmed
Lqarn 14
Lfull di bawen
Tlata yeqjan
Diminu
A ttnaddiɣ ad cetkiɣ
A Madame encore à boire
Amenṭas
Awin ilan d lfahem ( adebsi ureɣ deg 1970)
Lweqt aɣedar
Gumaɣ ad mektiɣ
I lukan d ulac lukan
Ul-iw baqi ittxemim
Wiyak a lfahem
A nxemmem
A tagiṭart-iw
Aya tmurt-iw (Alqem wis 2 s tgiṭart kan)
Asefru
Bunadem
Da Meẓyan
Ddunit
Zhar iɛawjen (Akw d Ccix Nuredin)
Lejdud n zik
Nukni i d nukni
Si Muḥ u M'ḥand yenna-d
Si zik
Tabratt
Taqbaylit
Taqsiṭ lewḥuc
Taqsiṭ n Muḥ
Wa ibenu wa itthudu
Ya Muḥend
Yir lexbar n lmut
Zik ɣilaɣ d aqeṣer
La Carte de résidence
Tasekkurt
Wid ijebben leqlam
Yyaw a ttezrem
Ahddad n at yanni
Melt-iyi-d ma tecfam
D nekni i d nekni
101 Ddunit akka i telḥad

Idrisen n tuɣac

Sliman Ɛazem, ulac af wacu ur icna ara. Yal aḥric n ddunit ur tijja. Icna ɣef unekcam afranṣi (Ffeɣ ay ajrad tamurt-iw), ɣef uzarug n tmurt (Iḍehr-ed wagur), tafsut imaziɣen n 80 (ɣef teqbaylit yuli was), tajjadit (Lejdud, A Taqbaylit a Tigejdit), tayri (nek ak d kem), lɣwerba (D aɣwrib d aberrani), dunit (ṣaḥa di lweqt aɣedar, Ilah ɣaleb, Kulci yeqleb, Zzman tura yexxerweḍ, Amek ara nili ṣuṣṭa, Terwi tebberwi), tamurt n leqbayel (Ay afrux ifilelles, a tamurt-iw aɛzizen), aɛebuḍ, idrimen, lmut, nnif, tagmatt, 'carte de résidence', atg. Dayen ijjan lɣaci qqaren-d : ur d-ijja Sliman ayen ad nini, imi kulci inna-t-id. Daɣen Sliman Ɛazem i ṣehḍar-ed aṭas iseɣwan di tezlatin ines am: baba ɣayu, taqṣit umqerqer, tlata yeqjan, Ufiɣ-d tasekkurt teḥzen, azger yaaqel gma-s, atg. Atnan imeslayen n kra n tuɣac s Sliman Ɛazem.

Ẓer Idrisen n tuɣac n Sliman Ɛazem

Tijmilin

Tamdint n Paris (asun wis 14) tefka isem n Sliman Ɛazem i yiwwen n usarag.

Tamselyut, Iseddagen akk-d Izdayen Iberraniyen

http://www.slimane-azem.com
Encyclopédie berbère, tome VIII
Slimane Azem : Izlan édité par Numidie Music
Tasemlilt tamezwarut sɣur R. Begnan
http://www.wikimusique.net/index.php/Slimane_Azem Archived 2008-03-16 at the Wayback Machine