Lwennas Meɛṭub

Lwennas Meɛtub ⵍⵡⴻⵏⵏⴰⵙ ⵎⴻⵄⵜⵓⴱ

Données clés

Isem	Lwennas At Lewnis
Talalit	24 yennayer 1956 Tawrirt n Musa, Tamurt Leqvayel
Tamurt n aẓar	Tamurt Leqvayel
Lmut	25 yunyu 1998 (ar 42 iseggwasen) Tala Bunan, Tamurt Leqvayel
Tawuri tagejdit	Acennay
Tiwura nniḍen	Ameskar-asuder n yeḍrisen-agerutlay
Tawsit n uẓawan	Caɛbi
Allalen	Taɣect Snitra Amendul Tamendult
Iseggwasen n tawuri	1978 - 1998
Asmel unṣib	http://matoub.rebelle.free.fr/

Lwennas Meɛtub ilul deg 24 yennayer 1956 di taddart n Tawrirt n Musa deg At Dwala, di Tmurt n leqbayel. Mi yessiweḍ tesɛa n isegassen deg lɛemer-is ixedm-d snitra-s tamezwarut akk-d ccnawi-s imezwura. Tarmit-is tasertayt, tadelsant, akk-d tugna-s tebda s ifukal ger leqbayel akk-d iɛsekriyen n wanabad n Ledzayer deg 1963-1964. Deg 1968 Anabad n Ledzayer yesseɣser-d asertay n useɛreb n Imaziɣen; Meɛtub yeḥbes-d leqraya-ines kra n iseggasen mbeɛd yunag ɣer Fransa.

Tamɣit

Lwennas Meɛtub yebda tanunnect deg ddunit n uẓawan s talilt n uccenay azwaw Idir; l album amezwaru-ines "Ay, Izem!" deg 1978, yiwen si ger 36 deg tuddert-is merra, yella d asmures ameqqran deg tmurt n yezwawen.

Lwennas Meɛtub ixdem-d abaraz amezwaru-ines deg Yebrir 1980 di lweqt n Tefsut Tamaziɣt imi agdud azwaw ibed mgal anabad n dreɛ n Ledzayer. Aẓawan-is d asserwi n Cceɛbi s uẓawan amaziɣ ; idrisen-ines heddren ɣef tamurt n imaziɣen, tilelli, tugdut, tayri, nnfu, timektit, amezruy, lehna, akk-d izerfan n yemdanen; ihedr-ed ɣef ayen yellan, ayen yelhan neɣ yerkan, deg tudert n medden merra.

Tudert Tasertayt

Deg 1980 imi bdan ccwalat n Tafsut Tamaziɣt, Lwennas Meɛtub yettwajeh-d xemsa n iberdan s yifasen n tamsetla n unabad n Ledzayer; yeqqim-ed sin iseggassen deg ṣbitar yerna yesɛedda 17 n igzamen ɣef lǧetta-s imi yewt-ed ɣef tiwwura n lmut.

Di lweqt n ttrad n tajmaɛt n tagmat n yinselmen, FIS akk-d GIA, i yebɣan ad kksen tugdut si Lezdayer deg useggas n 1992, ḥekmen fell-as s lmut. Deg wass 25 n Ctember 1994 yettwaxṭef-ed s yifasen n tagmat n yinsleman, maca 15 n wussan seld aya, serrḥen-as-d imi walan belli aḥric meqqren n wegdud azwaw bdan ttgalan deg-sen ɣef sseba-ines.

Deg 1994 yura-d yiwen n wedlis (taktabt) ɣef tudert-is s tutlayt Tafransist “Rebelle” (Paris: Stock, 1995).

Arrazen

• 6 n Dujember 1994 Meɛtub yeṭṭef-ed Le Prix de la Mémoire (“Arraz n Timektit”) seg ifasen n massa Danielle Mitterrand, taselwayt n “tuddsa n tlelli n tafransist” (La Fondation France Libertés) deg temdint n Paris.

• Deg 22 n Meɣres 1995, tuddsa n ineymas n l Kanada tefka-yas Le Prix de la Liberté d'Expression (Arraz n tanfalit tilellit).

• Dujember 19, 1995 yeṭṭef-ed Le Prix Tahar Djaout (Arraz n Ṭaher Ǧawut) seg ifasen n La Fondation Nourredine Abba (Tudsa n Nourredine ɛabba) deg azadaɣ n l UNESCO deg Paris. Irwan agi yettussema ɣef yiwen n uneɣmas yettwanɣen s yifassen n "tagmat n yinsleman".

Ussan Ineggura

Lwennas Meɛtub deg 1988 asmi t-wwten iǧadarmiyen

25 yunyu 1998 azal n 12:30 n tmeddit, ṭonobil n Meɛtub tettwaḥbes ɣef rrif n webrid; bu tmegrad, u yiwen wergaz ur nettwassen ara, yenɣa Meɛtub, ijreḥ tlata n tilawen i llant yid-es. Akken kan, azal n sin neɣ tlata n swayɛ mbeɛd, tamgert n Meɛṭub thuz tamurt n izwawen merra imi aṭas n medden i t-iḥemlen; ilulufen n lɣaci fɣen ɣef iberdan n ttnaddin “Anabad Aqettal!”. Sebɛa n wussan n ccwal iǧehden snuhzen tamurt merrra; ilemẓyen nnuɣen mgal tamsetla, zedmen ɣef izdaɣen akk d wayla n unabad. Deg 28 n Yunyu 1998 ilulufen n lɣaci ḥedren ussan-ed ɣef timeqbert n taddart-is am akken a t-ẓren ɣef tikkelt taneggarut as-fken tanemmirt akken ilaq lḥal.

Tamgert n Meɛtub tedra yiwet n ddurt aqbel anabad n Ledzayer yesɛedda lqanun i menɛen tamaziɣt s imukan n lbaylek; Meɛtub yella d afernan iǧehden mgal lqanun-agi.

Meɛtub Lwennas nɣan-t iɛdawen n tudert amedyaz, d acennay ameqqran, d win yefkan udem yelhan i ccna n wezwawen, daɣen d ameɣnas ameqqran n tmaziɣt d tugdut, yefka fell-asent ula d idammen-is; yella mechur deg ddunit merra imi iqerreb-ed aṭas n medden s imeslayen akk-d lecɣal-is.

Deg useggas mbeɛd lmut-is, asunded meqqren iḥebs-d Tizi Wezzu imi ilulufen n lɣaci fɣen-ed ɣef izenqan ad sskan belli ur ttun ara Meɛṭub. L BBC (“tudsa n tifeffaɣt n tmurt n Legliz”) txebber-ed belli aḥric ameqqran n lɣaci lumen anabad n Ledzayer ɣef lmut-is ur qeblen ara tamacahutt n unabad i qqaren belli d tagmat n yinsleman i t-inɣan.

Azal n 20,000 n lɣaci fɣen-ed ɣef izenqan deg useggas wis tlata n temgert-is.

Sin iberdan deg timdinin n Grenoble akk-d Lyon, tamurt n Fransa, ttusemman ɣef Meɛtub Lwennas.

Tawacult-is txelq-ed yiwet n tudsa (Tundsa n Mɛṭub Lwennas) iwakken ad seɣlin tafat ɣef ssiba n temgert-is akk-d ad rnun lǧehd-nsen i wid yettnaɣen ɣef izerfan n yemdanen merra.

Aḥric ameqqran n tudert-is Meɛṭub yella d argaz urmid n izerfan n wegdud azwaw, tugdut, akk-d tilelli; ɣas akken wid yerkan ttqelliben amek ara t-susmen, imi nɣant, Meɛtub deg wulawen n wegdud-is mazal yedder.

Aḍebsaru

Aqeddac n Lwennas Meɛtub tessuddes s 28 iseɣraz (naɣ 34 isunad).

1978 : Ay Izem Ay Izem, Ifenanen, Tegrawla-nneɣ, Aqlaɣ, Ya lferh-iw, Leḥbab-iw, Terriḍ Anfiyi.

1978 : Daεwessu A yemma aεzizen, Azul felawen, Nehder mitmal ddunit, Tiɣratin an ṛuḥ, Inaɣd ayen akka, Ddeεwessu.

1979 : Ṛuḥ ay aqcic Yaw at n magret, Ṛuḥ ay aqcic, Eqdaɣ lyass, Ur diyi-sseḍlam, Ay akal hader, Idewweṛ i wedrar, Amirouche d Ferhat, Yeb°ded lawan, Acangal yezi , Arqiq lhal-iw.

1979 : Yekkes-as i znad ucekkel Yekkes-as i znad ucekkal, Ay imesdurar, Aken kan id ttaxreɣ, A tidett wi kem-iεebban, Iwexxer wagu, Ğeṛğeṛ yessawel i Luṛis

1979 : A lḥif yuran Azul a mmi-s idurar, Ger idurar n Luṛis , Ufiɣt yeduri tejra, Tegrurez, Ay idurar n Ğeṛğeṛ, Abehri, A lḥif yuran.

1979 : Ay aḥlili Ay aḥlili, Atidett rdju, Gara nneɣ ur d yigri usirem , Ay ahbib assa ad ṛuḥeɣ, Ak°it ay arrac nneɣ.

1980 : A ttwaliɣ Waka m di-ssawlen, Xas ṛuḥ, Ay aqcic, Annaɣ i yi-iga ṛṛay-iw, Tilelli, Uh ay ihbiben-is, Ttaṛ-im a m-t-id-rreɣ, A ttwaliɣ.

1980 : Récital à l'Olympia 80 Intro, JSK, Imaziɣen (Hekun), D aɣrib, Lgirra tefra, Poème, Tter.

1981 : Assagi liɣ Zhut ay arrac, Uh a yemma sber, Ya lfehr-iw, Poèmes tayeb, Tiɣratin,# Assagi lliɣ.

1981 : Slaεbitt ay abeḥri (vol.1: Slaεbitt ay abeḥri, vol.2: Yeḥzen Lwad Aεissi) Volume 1 : Sleεb-itt ay abeḥri, Defreɣ-k s wallen-iw, An-nerreẓ wala an-neknu, Ay adrar n At Yiraten. Volume 2 : Yeḥzen Lwad Aεisi, Amuss yezga izedɣiten, Lwexda iṣaren, Berzidan

1981 : At Yiraten Muggreɣ At Yiraten, Iffis, A askri, A mmi aεzizen, Yenayi aqli ad ṛuḥeɣ, Anef-iyi ad ruɣ.

1982 : Tirgin Ru ay ul, Tiɣri idurar, Kumiṣar, Tirgin, Assa tesεiḍ, Letnayen iṛuḥ d tlata, Ameḥbus-iw, Mi neztel s lkif.

1983 : Tamsalt n Sliman Ur ifur, Imcumen, Allah wakbeṛ, Afalku bezru leɣrib, As lferh, Abrid at n aεqel, Tamsalt n Sliman, Yir tayri, A lexlaxel.

1984 : A tarwa n lḥif Lhaq, A sidi Abderahmane, Monsieur le Président , Asa djazayri, Igujilen, A tarwa n lḥif.

1985 : Da Hamou Da Hamou, Asɣersif, Yecbas i rebbi leqlam, Ẓẓehr-iw, Tamsalt-iw, Aṭṭan n mmi, Lgirra n esscandriya, Qelleb lmetl-im.

1985 : Lbabur Imɣereq, Ma suɣeɣ, Lbabur, Tadukla, Ugadeɣ a k-rwin, Zzriɣ accu, Lebɣ-iw d array-iw, Mrehba s lehbab.

1986 : Les deux compères Les deux compères, Yir argaz, A mes frères, Aɣrib , Amek akka, Utlif, Uh ay ihbiben-iw, Ul-iw gezm-it.

1986 : Tamurt-iw Yir aqbayli, Ddunit-iw, A tamurt-iw, Lezzayer , Askri, Imdanen, Eras tili.

1987 : Tissirt n endama Tensa tafat, Udem n Lezzayer, Sseḥseb , Tadart-a, Instrumental tensa tafat, Tissirt n endama, Dayen idub ṛṛuḥ.

1988 : Lmut Lmut, Ihedaden bb°awal, Idrimen, Ay arrac, Tidett yeffren, Igiṛṛu n lkif, Uzu n tayri.

1988 : Rwah rwah Sserhas ay adu, Aɣrib, Abrid ireglen, Rwah rwah , At-tili lḥağa, Arrac n tmanyin, S kra b-b°i-ghelken yeḥla, Attas i-ssyenan.

1989 : L'ironie du sort Ayen iraden, Yir lehlak, Wissen, A win iṛuḥen, Lεemeṛ-iw, Imceblen, Ameni, Ssu-yas, Tarewla

1991 : Regard sur l'histoire d'un pays damné (vol.1: Regard sur l'histoire... , vol.2: Iẓri-w) Volume 1 : Regard sur l'histoire d'un pays damné. Volume 2 : Iẓri-w (Mes yeux), Aḥlil Aḥlil, Tadukli, Uzu tassa, Abeḥri n lḥif.

1993 : Communion avec la patrie (vol.1: Communion avec la patrie, vol.2: Lmeḥna) Volume 1 : Hymne à Boudiaf, A yemma amek, Imesḥaf, Amğazi. Volume 2 : A yemma yemma, Tuzzma n temɣer, Si ddaw uẓekka tiɣri-w, Amessefray, Taseεdit, Lmeḥna.

1994 : Kenza Mm imezran, A ṭṭaffareɣ deg wussan, Ttuɣ, Kenza, Ṛuḥ ṛuḥ, Tamara, Tannumi, Tatut, Tiɣri u gujil.

1996 : Tiɣri g-gemma (vol.1: Assirem, vol.2: Tiɣri g-gemma) Volume 1 : Asirem, Tameddit b-b°ass, Abrid n tdukli, Asmekti t-tuzzma, Yir aṭṭan, Lɣella n ṭṭrad, La sœur musulmane. Volume 2 : Taεekkemt n tegrawla, Imettawen-iw, Tiɣri g-gemma, Tuzzma, Lḥif n nnger, Lmutt b-b°egrawliw, Tiɣri n tağğalt.

1997 : Au nom de tous les miens (vol.1: Semeḥtiyi, vol.2: Sel kan i dderz) Volume 1 : Semmeḥt-iyi a leḥbab-iw, Ay ixf-iw, Anda-tt teεzibt, A baba ṛuh, Ay aḥbib-iw, Imcumen. Volume 2 : Sel kan i dderz, Ffeɣ ay ajṛad tamurt-iw, At yetran, Qqurent tregwa, Ay izri yesrindimen, Armi glalzeɣ i faqeɣ.

1998 : Lettre ouverte aux… (vol.1: Tabratt i lḥekam, vol.2: I luḥqed zhir) Volume 1 : Ayen ayen, A tamɣart, Ifut lawan, Nezga, Tabratt i lḥekam Volume 2 : Ur sḥissif ara, Iluḥq-ed zzhir, Ddu d webrid-ik a l'ḥif, Yehwa-yam, Beddeɣ di tizi, Sers iman-ik.

yiwet n tezlitt

Tabratt i lḥekkam…)

I

Ur ttgalla ur ḥennet

G wayen deg ur tettḥeqqeḍ ara

Ur ttamen ṣṣaba ar tterwet

Imiren adder-ed lɣella

Ahbuh!

Keč tetturebbaḍ i ccwal

Tbeddleḍ laṣel-ik s tejɛal

Amek I tt-tenwiḍ tagara

Am win yectaqen aserwal

Yal amḍiq yefsi axellal

Ad ḥṣun madden a ta yesɛa

Ay agujil b-bawal

Tɣilleḍ ttaṛ ad k-id yuɣal

Mi s-tenniḍ nɛeṛṛbu-ha

Mačči d keč i d iyi-cqan

Ur teggareḍ di lḥemṣa

I diyi-ɣaḍen d BuƐednan

D yergazen at lbaḍna

Acu i txuṣṣeḍ ay aɛeyan

Ma t-tixutam i k-d-ihwan

Ṭṭaḍamun ula i ɣ-d-iǧǧa

Wissen At-Yanni ma stufan

I lebɣi-k a d-ḍummen amkan

A k-d-gerrzen tazibba

Tixsi ɣef waken I d-ḥkan

Nnan d idammen-is I tt-inɣan

Neɣ ammi ar d timucuha

Terwi tebberwi

Yegguma a d-iḍheṛ yexf-is

Terwi tebberwi

Ur teɛqil faḍma argaz-is

Aḥlil

Tidett yyaw a tt-nemyeḥkut

A s-nefk ttriḥ I lekteb

Ayen akk a yezzelzen tamurt

Yessen-it kan t-n-jaṛṛeb

Wiyaḍ nniḍen

Ɣran neɣ sebken

Cban zzeyar yuḍnen

Mi ten-id-yezzuzen ṭṭaleb

Ayen d-ilulen seg ukabar nnsen

Xas d agejdur a t-leqmen

W iṭṛaman a ten-iqerreb

Tidett a ttan di tmurt-iw

Zzur fellas yeckunṭeḍ

Ula d ayen ẓrant wallen-iw

Qqaren a teshetrifeḍ

Snefsit leɛqel

Kkset-as cckel

Di ddiq tagmatt tennukbel

D asfel d lɛib a tt-nenneḍ

Muqlet mebɛid ttxil-wat

Wigi la ineqqen banen

I leḥkem ẓẓayit tuyat

Ur sɛin f wayeg aa ḥiren

Faqen s uzekka

Ur ten-iḍemmen ara

Tetɣebbel tzehher tnefsa

xelqentt id deg-s ɛewqen

Uh amek ara tḥemleḍ

Taqcict deg ur k-d-iban wara

Amek ara teẓreḍ

Ayen akken lḥijab yeṛba

Hm ur ten-ttamnet

D iɛdawen n tudert

Werɛad I tt-ṭṭfen neḥṛaṛet

Ma ṭṭfen-tt at-tenger tekfa

S ciṭṭeḥ n ṣṣwab maḍi maḍi

Leɛtab ur t-id-nettader

Anda yella weqbayli

A t neqsed a t-nesseḥdeṛ

Ur qebblen tigi

Ayen nettnadi

A d-yettwabeggen s tehri

S yis-s abrid a t-nenjer

N da neɣ b-bedrum adi

N Tqubaɛin neɣ n At-Ziki

Idles nneɣ d anagi

D aẓaṛ-is ara neḍfeṛ

Imesḥaf agi

Mu mačči d nekni

Aa sen-isseɛtben tikli

Ddewla a sen-tefk azuɣer

Tecfam-d

Tecfam-d anwa I d Buyaɛli

D menhu i-gelli

Tabburt n lmut d lmenker

Ulayɣer ihi aa d-nesteqsi

D Neḥnaḥ ihi

Ukud tt-icudd di Ẓberbeṛ

Eh oui

Assa deg-sen nettwali

Di leḥkem d nutni

I tmegḥelt bedlen tayett

S wallaɣen thuba tmusni

I deg ẓẓan iswi

Tamurt alamma quccen-tt

Zhir di tikli

Ɣer-sen ur yelli

Ccut kecmen leḥkem f tefdent

Zemren I uṛaǧi

Mi srekden imɣi

Ad aɣ-d-inin qablet-ett

Imeslayen nni

B-bemdakkel Lhacimi

D Dda-Lḥusin neɣ Saɛdi

Yettakken abeḥri I turett

A te-ṛbun maḍi

Fellag neɣ nekkini

D ugeswaḥ n Dilem Aɛli

Lkaṛṭa n tudert sɣersen-tt

Ayen yerǧan Xalida nni

I sen-isxerben taguni

Ay ay ay ulayɣer tmeyzem ma ṭṭfen-tt

II

Am wi yettseqqin I wasif

Yiwet ur tt-iṭṭif

Yesnezh-ed dg-es leɛṛac

Uqbel at-tgerm asurif

At-tezzwerm nnif

M’ulac tamaziɣt ulac ulac ulac

Teɣli teslent deg Illulen

Thubb Iɣallen

Tḥuza yiwen di Mlikec

Mačči d yiwet I d-ilulen

Ara d-ilalen

Tin d-ilulena d-teṭṭuṛṛec

Ay ahṛuḥu ay d-ittṣaren

Ula d atmaten

Win yewɛan wayeḍ a t-yeqdec

Ansi nekka d asawen

Iḍarren xnubṛen

Zzur deg-neɣ yetḥennec

Nḥemmel dderz nettɛeggiḍ

Nettkaw am ceṭṭiḍ

Ntettu ansi I d-nɛedda

Iɛerq cced uyeddid

Nettnadi f ssmid

Anda akken i-gzad ukerfa

Tameslayt i ɣ-d-inǧeṛn abrid

Ḍlan-as ssḍid

Ula d bab-is yestehza

Cceɣl ur yelli d ajdid

Neggul ur nerkid

Seg-neɣ i d-tjebbu tyita

Aẓeṭṭa n tegmatt yebṭel

Lemmer yezwar laɛqel

Tili assa yefra cceɣl-is

III

Ẓriɣ ay aḥbib tuyseḍ

Xas tesmuzegteḍ

Lmendad ur t-tgiḍ ara

Taɣzut akken tennumeḍ

S tidi tmeggleḍ

Tṣaḥ-ed I yat ttnefxa

Tenfiḍ si tmurt themleḍ

Tenwiḍ at-tḍilleḍ

Ɣef wegud n lemtahna

Ay anda tebɣuḍ tawḍeḍ

Ur teṭṭelliqeḍ

I wayen akk k-yezzan tasa

Seg wul zeddigen I tḥemmleḍ

Fella-s tqedḥeḍ

Tettcebbiḥ-ak tanafa

Seg wul zeddigen I tḥemmleḍ

Fella-s I tjehqeḍ

M aa k-ttwaxeblent tirga

Ah a la isekker

T-taɛzizt-is i d-ifekkeṛ

G wul-ik izad usemmiḍ

Deg ugur tuẓiḍ

Cekklen-k leqyud n ccfaya

Yezzem-ik wul ɣef tin teǧǧiḍ

Lemmer di tt-tugiḍ

A s-nini d yir leḥmala

Imi keč daxel tezziḍ

Isem-is mi s-tesliḍ

At-tnefleḍ ɣer ttberna

Deg wussan tettektiliḍ

G seggasen tettsenniḍ

Am waken iɛeǧb-ak waya

Ah a la isekker

T-taɛzizt-is I d-ifekkeṛ

Ẓriɣ acu I k-iḥerṣen

D wacu I k-yesbeɛden

Ẓer kan I txeddem lmerta

T-tamurt nneɣ i-gexnunsen

Tfal seg dammen

Wa yemmut wayeḍ innejla

Ma d nekkni s wid d-iqqimen

A ɣ-ddeqqimen

An-nettsennid f tmara

Mi ɣ-ḥwaǧen a ɣ-d-ssiwlen

Mi fuken a ɣ-ḍelqen

Tturaren yiss-neɣ lebda

Ah a la isekker

T-taɛzizt-is i d-ifekker.

IV

Ulayɣer nerǧa asirem

A nsenned f ṣṣber

Amsedrar ur iḥekkem

Xas yeɣra yeẓwer

Afus n lbaṭel ittwalqem

Lɣella-s d cceṛ

I laṣel ssamsen udem

Yeɣma yejjenjeṛ

Jeggren s ddin t-taɛṛabt

Tamurt n Lezzayer

D uɣurru d uɣurru d uɣurru

D ungifibubben tabburt

Akken i wen-teḍra

Ma tɣilem ad ḍelqen I tsarutt

Tesɛam nniyya

W iɛerḍen tacriḥt n tsekkurt

Ur iqenneɛ ara

Ddwa-s a-ncerreg tamurt

An-nebrez tura

Amar assen ay atma

At-naqel Lezzayer

Seg uɣurru seg uɣurru seg uɣurru

Mačči d yiwen i d-iẓedmen

Isenta tuccar

Ay amcum deg-neɣ yeffɣen

Yeǧǧa-d tisigar

Di Lezzayer tagmatt tuḍen

Tenṭer ur ur tettnekkar

Ssus iṛebba acciwen

Ad yesni idurar

Iɛeṭṭel a d-ijbu liser

Ara tt-ifersen

Seg uɣurru seg uɣurru seg uɣurru

Xas yeqqed-aɣ laẓ d facal

F ṣṣber ur nettsennid

Skud mazal tarwa n laḥlal

Ur s-nkennu I lqid

Akken yebɣa izzelz uzaylal

Ur nxellef abrid

I g-gemmaren a tiḥemmal

Ur neffiɣ f lǧid

S laṣel d ṣṣfa lɛeqqal

Ss an-nezwi Lezzayer

Seg uɣurru seg uɣurru seg uɣurru

Iseddagen d Yizdayen iberraniyen

• Matoub.net — Fondation Lounès Matoub
• Answer.com — Lounès Matoub
• Lounès Matoub in Musique.arabe by Mario Scolas