Saɛid Seɛdi

Seg Wikipedia
Neggez ar: ẓer isebtar, anadi

Saɛid Saɛdi, d duktur akk-d aselway n Wegraw i Yedles d Tugdut (RCD), ilul-ed deg 26 ctember 1947 deg taddart n Aɣrib, deg leǧwahi n temdint n ɛzazga. Netta i d-xelqen tuddsa tamezwarut n izerfan n yimdanen deg Ledzayer; anabad n Ledzayer iḥekm-ed fell-as s lḥebs ɣef irmad isertayen-is uqbel n tasellulit n Ledzayer.


1989 Saɛid Saɛdi, mbeɛd tasellulit n wenbad n Ledzayer g 1980 seddaw Benjdid, ixeleq-ed Agraw i Yedles d Tugdut (RCD); akabar asertay i sɛan am aɣawas tadukli n Ledzayer seddaw n tuktuyt n yedles akk-d tugdut.

Agraw i Yedles d Tugdut (RCD) yemxallaf-ed ɣef Tirni n Iɣallen Inemlayen (FFS) n Ait Aḥmed imi iherder-ed s lɛinani ɣef izerfan n wegdud amaziɣ, ɣas akken i sin llan d Izwawen si izuran akk-d akbal n tdukla-nsen deg tamurt n izwawen i g-yettekan, iban-ed daɣen am yewin n ukabar n tanmegla s tammaɣt taquran mgal atsekki n l “FIS”, yewit n tajmaɛt n tagmat n yinsleman yebɣan ad hermen tugdut deg Lezdayer, deg tudert tasertit n tmurt.

Ibrir 1999, Saɛid Saɛdi, am Ait Ahmed, ikeccem-ed am amankad deg tafrant n teselwit, lameɛna imi arac ameqran n lɣaci ẓran belli takennatt i tella, ijebd-ed tanekda-ines, netta akk-d xemsa n imalwayen niḍen azal n 16 n teswiɛin uqbel n tagara n tefrant; deg April 15, Abdelaziz Boutefliqa weḥdes kan i d-yeqqim deg tazla ɣef teselwit.

Deg ussan-agi Agraw i Yedles d Tugdut (RCD), Tirni n Iɣallen Inemlayen (FFS), akk-d Amussu i Tmanit n Tmurt (MAK) n Ferḥat Mehenni, akabar asertay iban-ed di tefsut taberkant (d amussu ikkaten s webrid n talwit akken ad isiwed ar timanit n tmurt n leqbayel), llan tlata n ikabaren isertiyen i sɛan ccan deg Tamurt n Izwawen.

Tamselyut[beddel]